Caro amico mio Tonial:
fin da suito un abrasso e un strucòn de man!
so che ze rivà a to partecipassiòn al Concorso RAISE de Arquà Poèsine
come anca de Ary Vidal!!! Bravi!
Speremo che desso calcun altro se decida a mandare calche poesia via E-Mail... a chiarion.emanuela@alice.it
come Frei Rovilio e Darcy Loss Luzzato che grassie a lori semo riussìi a vere sta ocasiòn!...
e che i riessa a convìnssare anche calche altro amico poeta, Torre di Dio!
anca se ze calche composissiòn vecia... visto che'l tempo ze poco!
( Me racomando i dati personai e regione de orìgine...!)
Ghe demo'l benvegnisto al amigomondoveneto avocato Rovilio Tondelo de Ibiaçá, Rio Grande do Sul
e visto che'l ga mandà anca na so breve biografia... fàea girare, amigo Tonial!!!!!!
e anca 'l so indirisso Mail, che podemo darghe'l benvegnisto anca personalmente!!! Grassie, amigo!
Lo stesso de chealtro amigo dea setimana scorsa....
Par conto mio, pena che posso, ve mando i nomi e indirissi dei novi amissimondoveneto!
A go tanta de chea posta da smaltire!!!!!!!!!!!!!!!!!!!!
Ringrassiemo anca Frei Rovilio che senza voerlo me ga fato trovare tanti amissimondoveneto... novi!!!!!!!!!!!!!!!!!
A presto con abrasso e strucòn
Roberto, queo dea Germania....
che desso ze in Italia... in ferie...
e che ze drio spetare chealtro Zaniolo Roberto Giovanni da Viadelconte... che sta poco distante da mi
___________________________________________________________________________________________________________________
Zaniolo Roberto Giovanni
Via Pasinato, 41
terça-feira, 3 de março de 2009
segunda-feira, 2 de março de 2009
Luiz Radaelli
Barba Tonial.
Quel che te domandi par mi el ze on débito, alora co te ghè domandà la messa son ndato suito trovarla par rimeterla. La ze tel anesso.
Ze stà un laoro che trè persone gaven fat insieme: Mi e el prete Alberto Tremea la gavemo scrita e el frate Rovilio Costa el la ga rangiada col ga fat la corression. Par queste bande i la dopera volentieri dassando de banda quela predicada tel gramaticale, che chiari ze quei che la capisse, invense tel Talian, fa fin gusto sentir el popolo pregar.
Bene, cosí ze fato el me compromesso.
Co parlemo del mal de gola che gavemo me vien el ricordo de quel che on vecieto sti ani indri el dizea: "Par viver bisogna tanti ani bisogna mai smentegar de tirar el fià".
Còs che te disi ti che sei pi vècio che mi?
Par ncoi ze questo.
Un vero strucon.
Luiz
Quel che te domandi par mi el ze on débito, alora co te ghè domandà la messa son ndato suito trovarla par rimeterla. La ze tel anesso.
Ze stà un laoro che trè persone gaven fat insieme: Mi e el prete Alberto Tremea la gavemo scrita e el frate Rovilio Costa el la ga rangiada col ga fat la corression. Par queste bande i la dopera volentieri dassando de banda quela predicada tel gramaticale, che chiari ze quei che la capisse, invense tel Talian, fa fin gusto sentir el popolo pregar.
Bene, cosí ze fato el me compromesso.
Co parlemo del mal de gola che gavemo me vien el ricordo de quel che on vecieto sti ani indri el dizea: "Par viver bisogna tanti ani bisogna mai smentegar de tirar el fià".
Còs che te disi ti che sei pi vècio che mi?
Par ncoi ze questo.
Un vero strucon.
Luiz
LA SANTA MESSA IN TALIAN
LA SANTA MESSA IN TALIAN
Letore: Fradei e sorele: Ncoi semo gran contenti esser insieme, riunidi, co la stessa fede, co la medèsima speransa, col mendèsimo amor, par celebrare la Santa Messa nela léngua dei nostri genitori, dei nostri antenati, dei primi imigranti italiani. Ringrassiemo el Signor par questa oportunità. Tuti insieme cantemo el canto inissiale......................
Celebrante: Nel nome del Pare, del fiol Gesù e del Spìrito Santo.
Tuti: Amen.
C: La gràssia del Signor Gesù Cristo, l’amor de Dio Pare e la comunion del Spirito Santo sia con tuti voi.
T: Benedeto el Signore Dio.
C: Fradei e sorele, per celebrare degnamente i santi misteri, domandemo perdono dei nostri pecati.
T: Confesso a Dio onipotente e a valtri fradei e sorele, che go fato tanti pecati in pensieri, parole, opere e omission, per mia colpa, mia colpa, mia grandíssima colpa. E domando a la beata Vèrgine Maria, ai Àngeli, ai santi e a valtri fradei, par pregar par mi, al Signor nostro Dio.
C: Dio onipotente el gàbia misericórdia de noantri, el perdone i nostri pecati e ne porte a la vita eterna.
T: Amen.
C: Signor, pietà. - T: Signor, pietà.
C: Cristo, pietà. - T: Cristo, pietà.
C: Signor, pietà. - T: Signor, pietà.
Letore: Adesso, alegri, lodemo el Signor, cantando: Canto:......................
C: Preghemo: Signor Dio, noantri semo qua tuti contenti, insieme par lodarte volentiera e ringrassiarte, perché te ghè dato salute, pace e amore a le nostre fameie e la concòrdia coi visigni e amissi. Te ringrassiemo perché Te ghè ampara i nostri antenati quando i ze vegnesti del Itália. A lori che i ga dato la so vita par noantri, daghe el paradiso; e a tuti noantri dà la forsa dela fede e del amor. Te lo domandemo Pupà, par meso de Cristo Gesù, in union col Spirito Santo.
T: Amen.
Letore: Scoltemo, dès, na parte del secondo capìtolo dei Ati dei Apostoli, che ne fa veder come vivea i primi cristiani. E zera pì o meno cossì che vivea anca i nostri antenati, tel scomìnsio, qua in Mèrica.
Prima Letura: (At. 3, 42-48) – Letura dei Ati dei Apostoli:
“I primi cristiani i zera sempre pronti par scoltar i insegnamente dei Apostoli e i vivea come fradei, nela comunione del pan e in tea orassion. Tuti i gavea na poca de paura e tanti segnai e miràcoli i zera fati par meso dei Apòstoli. Tuti quei che i gavea acetà la fede, i vivea in fameia e anca i gavea tute le cose insieme. Quei che i ghea proprietà e le cose necessàrie par viver, i vendea e dopo i spartia el guadagno tra tuti, dacordo al bisogno de cadaùno. Tuti i dì i ndea in cesa insieme, e a casa sua i spartia el pan e i magnava contenti, con simplissità de cuor, lodando a Dio e godendo la simpatia de tuto el pòpolo. E tuti i dì, el Signor el riunia in comunità quei che zera salvi”
T: Gràssie a Dio.
Seconda Letura: (I Cor. 13, 1- 7) – Letura dea prima carta de San Paolo ai Corinti sora la carità.
“Se mi parlesse tute le léngue dei òmeni e dei àngeli, ma no ghesse la carità, saria come el batòcio che sona, o un campanel che fa baruio. Se mi fusse bon da profetisar, e savesse tuti i misteri e tuta la siensa; anca se ghesse tanta fede che fusse bon cambiar de posto i monti, ma se no ghesse la carità, no saria gnente. Se mi ghe desse tuto quel che go ai poareti, e ghe desse el mio corpo par èssere brusà, ma no gavesse la carità, no giovaria gnente. La carità porta passiensa, la carità ze bondosa, no la ga invidia. La carità no ze mia orgoliosa, no la ze superbiosa e gnanca scandalosa. No la va in serca dei so pròpii interessi, no la se inràbia, no mete via rancori, no la ride dea ingiustìssia, ma la se alegra con la verità. La scusa tuto, la crede tuto, la speta tuto, la soporta tuto. La carità no la finisserà mai. Gavemo la fede, la speransa e la carità, ma la pi importante de tute ze la carità. Parole del Signore.
T: Grassie a Dio.
Tersa Letura: (Eclo. 3, 3-15) – Letura Del Libro Del Eclesiástico –
El Signor fa rispetare el pupà nei so fioi e confirma la autorità dela mama nela so fameia. Chi rispeta so pupà, guadagna el perdono dei pecati e, quando el prega, la so orassion la riva al celo. Chi rispeta so pupà, el gavarà alegria coi so fioi, e quando se mete a pregar, el Signor lo scoltarà. Chi rispeta so pupà el gavarà vita longa, e chi scolta el pupà sarà el consolo de so mama. Caro amico, rincura la vita de to pupà quando el diventa vècio e nò darghe disgusti inquanto lu el vive. Anca se’l va fora dei sentimenti, fa sforso par capirlo con passiensa; mai mancar de rispeto al pupa in vita. La carità fata a to pupà no la sarà mai smentegada, la servirà par riparare i to pecati e la sarà par el to ben. Parola del Signor.
T: Gràssie a Dio.
VANGELO I:
Letore: El Vangelo ze la parola de Gesù. I nostri genitori i ga sempre scoltà el Signor, par questo i ne ga dato el gran tesoro dea fede. I ze vegnesti qua par semenar le somense de formento, de mìlio, de fasoi, par darghe de magnar ai fioi, e i ga semenà spessialmente la parola de Dio, el amor al Vangelo. E la mama, insieme col late del so peto, ghe ga dato la fede ai so fioi. Gesù ghe vol ben a quei che semena. Scoltè “La stòria del fiol sbrindolon”.
C: El Signor sia con valtri.
T: El ze belche insieme co noantri.
C: Letura del Vangelo de Gesù Cristo secondo San Luca (15, 11-32).
T: Glòria a Ti, Signor.
C: Gesù el ga dito: Um òmo el ghea du fioi. Quel pi zóvano el ga dito a so pare: “Pupà, dame la me parte de eredità. So pare, lora, el ga spartio intra de luri la ededità. Dopo un per de giorni, el toso pi zóvano el ga tolto su tuto quel che zera suo e el se la ga tolta, el ze ndà te un paese distante e la el ga guastà la so eredità, fando el pelandron. Dopo de ver magnà fora tuto, in te quel posto ze vegnesto na gran fame, e lu el ga scominsià a passàrsela streta. El ze ndà laorar a casa de un òmo del posto, che lo ga mandà ténder i porchi tea so tera. Sto toso el ghea voia de coparse la fame al manco con le teghe che i porchi i magnea, ma no i ghe dava gnanca quele. Lora, vedendo el sbàlio che’l gávea fato, el se ga messo a pensar. “Quanti piòni el pupà el ga a casa sua, che i magna pan a volontà, e mi èsser qua drio morir de fame! A me levo su e vao da me pare e ghe digo: Caro pupà, go fato un bruto pecato conta el celo e contra vu, no son pi degno de èssere ciamà vostro fiol, trateme come se fusse un dei vostri piòni. Lora el se ga leva su, e el ze ndà parlar con so pare. El zera ncora distante quando so pare lo ga visto, e pien de nostalgia e compassion, el zé ndà de corsa al so incontro, el se ga picà tel col de so fiol. Lo ga strendesto al peto e lo ga basà. El toso el ghe ga dito: “Pupà, go fato un bruto pecato contra el celo e contra vu, no son pi degno de esser ciamà vostro fiol”. Ma so pare el ga dito ai so piòni: ”Sguelti, portè qua la meio fatiota e metèghela su, e meteghe un anelo tel deo e un paro de scarpe in tei pie. Ndè anca tor un bò gordo e copelo; femo sorasco e na gran festa. Questo me fioleto che’l zera morto el zé ravegnesto, el se ghea perso e lo ghemo catà. “E i ga scominsià la festa”. El so fiol pi vècio el zera in colônia. Co’l zera drio tornar del laoro, al rivar darente casa, el sente la gaita sonar e la gente a balar. El ga ciamà un piòn, e el ghe ga domandà cosa zera drio sucèdere. El piòn ghe ga dito: “To fradel el ze tornà casa! To pare el ga ordinà copar un bó gordo, perchè lo ga cata san e salvo”. Sto toso el se ga inrabià e no’l volea pi ndar rento casa, lora so pare el zé ndato fora e lo ga ciamà. Lora lu el ga rispondesto a so pare: “Porco can! Ze tanti ani che te servo e te go sempre scoltà e fato tuto quel che te me ghè comandà, e no te me ghè mai dato gnanca um beco par far festa coi me amighi. Desso che ze tornà indrio questo to fiol, che’l ga magnà fora tuto con le putane, te ghe mandi copar um bò gordo?” So pare ghe ga risposto: “Ma fiol, ti te sè sempre insieme con mi, e tuto quel che ze mio, ze anca tuo, ma noantri ghemo de far na festa, perche to fradel che’l zera morto, el zé revegnesto, el se ghea perso, e lo ghemo catà”.
C: Parola de salvassion.
T: Glòria a Ti, Signor.
VANGELO II: EL SEMINATOR (Mt.13,1-9)
Un dì, Gesù el ze partito de casa e el ze ndà darente al lago de Genesarè. Ma quando el zera li, ze rivà tanta gente par scoltarlo parlar, che ghe ga tocà ndar rento na barca par insegnar. E lora el ga dito: “Un giorno, un seminator el ze ndà in colônia semenar. Intanto che’l semenava, na parte dea semensa la ze cascada tea strada; i osèi i ze vegnesti e i la ga magnada. Nantra parte la ze cascada in meso i sassi, ndove ghe zera poca tera ; la ze nassesta suito, ma quando ze vegnesto el sole la se ga brusada, parchè no la gavea radise. Nantra parte de somensa la ze cascada in meso ai spinari. I spinari i zé vegnesti su, e i la ga stofegada. Ma parte dea somensa la ze cascada in tera bona. Questa si la ga dato fruti. Chi ga voia de capir, el capisse.
C: Parola dea salvassion.
T: Glòria a Ti, Signor.
PROFESSION DE FEDE.
T: Credo in Dio Pare Onipotente, creator del celo e dea tera. Credo in Gesù Cristo so único fiol, nassisto dea Vèrgine Maria, per òpera del Spirito Santo; el ze stà crossificà, morto e sepolio soto Pònsio Pilato. Al terso dì el ze rissussità, come dise le scriture, el ze ndà in celo, e el ze sentà do a la drita del Pupà, de ndove el vegnarà per giudicar i vivi e i morti. Credo nel Spirito Santo, nea Cesa Católica, e nei àngeli e nei santi, nel perdono dei pecati, nela rissuression dea carne e nea vita eterna. Amen.
PREGHIERA DEI FEDELI.
C: Adesso, com fede e speransa, portemo al Signor le nostre preghiere e le nostre necessità. Dopo de ogni preghiera, disemo tuti insieme: Scòltame Signor.
T: Scòltame Signor!
Preghiere:...........................................
C: Tuto questo, Signor, Dio de bontà e misericórdia, te domandemo con la speransa de guadagnarlo, par Gesù Cristo in union con lo Spìrito Santo.
T: Amen.
OFERTÒRIO:
C: El celebrante el fa la oferta del pan e del vin, che noantri gavemo guadagnà col nostro laoro, e in questo pan e in questo vin Gesù se fa presente, parchè el ze presente anca in tea nostra vita, soratuto quando laoremo la tera, de ndove vien el pan e el vin e tuto quel che dà forsa a la nostra vita. (Adesso, persone dea nostra comunità le porta al altaro cose che ricorda la vita e la stòria dea nostra gente, dee nostre fameie dei migranti taliani.)
CANTO DELE OFERTE:
C: Preghè, fradei e sorele, parchè el nostro sacrifissio sia aceto a Dio Pupà onipotente.
T: El Signor el riceva dele tue man questo sacrifìssio par onor e glòria del so nome, par el nostro bene e de tuta la sua Santa Cesa.
C: Con queste nostre oferte de pan e vin, Signor, te domandemo de ricèver la nostra vita, i nostri laori, la salute e le malatie, la vita alegra e le dificoltà de tuti e che tuto se cambie tel corpo e Sangue de Gesù Cristo, in union col Spìrito Santo.
T: Amen.
C: El Signor sia con valtri.
T: El ze belche insieme co noantri.
C: In alto i nostri cori.
T: Semo rivolti al Signor.
C: Demo gràssie al Signor nostro Dio.
T: Ze cosa bona e giusta.
C: Ze verante cosa bona e giusta, nostro dover e fontana de salvassion, darte gràssie sempre e in tuti i posti a Ti, Pupà Santo, par Gesù Cristo to diletìssimo Fiol. Par meso de Lu, gavè fato tute le cose del mondo e lo gavé manda da noantri come Salvator e Redentore, fato òmo per òpera del Spirito Santo, nassisto dea Vèrgine Maria. Per rispònder a la to volontà e far un pòpolo santo, el ze morto in tea croce, distrugendo la morte e proclamando la rissuression. Per questo mistero de salvassion, insieme ai àngeli e ai santi, cantemo (disemo) con na sola voce:
T: Santo, santo, santo, Signor Dio del universo. I cieli e la tera i ze pieni dela vostra glòria. Osana nel alto dei celi. Benedeto quel che vien in nome del Signor. Osana nei alti dei cieli.
C: Padre, veramente santo, fontana de santità. Santifica questi doni col tuo Spìrito, parchè i divente par noantri el Corpo e el Sangue de Gesù Cristo nostro Signor. Gesù, acetando liberamente la passion, el ciapa in man el pan, rende gràssie, lo spartisse e lo dà ai so dissìpoli, disendo: Ciapè tuti e magnè: Questo zé el mio corpo oferto in sacrifissio per valtri. Dela stessa maniera, dopo la sena, el ciapa el càlisse, el rende gràssie, lo dà ai so dissìpoli disendo: Ciapè tuti e bevè. Questo ze el càlisse del mio sangue, sangue dela nova e eterna aleansa, fato par valtri e par tuti, in remission dei pecati. Fè questo in memória de mi.
C: Mistero dela fede.
T: Anunsiamo la tua morte, Signor, proclamemo la tua rissuression, e spetemo el tuo ritorno.
C: Celebrando in memória dela morte e ressuression de to Fiol, te regalemo, Pupà nostro, el pan dea vita e el vin dea salvassion, e te rendemo gràssie parchè te me ghè invita a la tua presensa e partecipare del servìssio sacerdotale. Te preghemo per la comunion al Corpo e al Sangue de Cristo, el Spìrito Santo lo trasforme in un solo corpo. Ricòrdate, Padre nostro, dela to Cesa semenada sora tuta la tera, rèndila perfeta nel amore, in union col nostro Papa (nome), el nostro vesco (nome), e tuto l’òrdine sacerdotale. Ricòrdate dei nostri fradei, morti nela speransa dela rissuression, e de tuti i morti che i ga bisogno dela tua clemensa, ciameli insieme com Ti. De noantri gàbia misericórdia, permete de gaver un posto in tea vita eterna, insieme con la beata Vèrgine Maria, Madre de Dio, con i apòstoli e tuti i santi, che in tuti tempi i te ga servio, e par Gesù Cristo to Fiol, cantaremo la tua glòria.
C e T: Per Cristo, con Cristo e in Cristo, a Te, Dio Padre onipotente, nela unità del Spìrito Santo, onore e glòria, par tuti i sècoli dei sècoli.
T: Amen.
RITI DE COMUNIONE.
C: Obedienti a la parola del Salvatore e formati nel suo divino insegnamento, femo coraio da dir (co le man levade al celo).
T: Pare nostro, che te si in celo, santificà sia el to nome, vegna el to regno, sia fata la to volontà, come in celo così in tera. Dà a noi, oncò, el pan cotidiano, e perdona i nostri pecati, come noantri perdonemo ai nostri debitori, e nò dassarne cascar in tentassion, ma lìbera a noi dal male.
C: Lìbera a noi, Signore, de tuti i mali, cededi la pace ai nostri giorni e che, col aiuto dela tua misericórdia, possiamo vìvere distante del pecato e dei perìcoli, vivendo nela speransa del ritorno del nostro Salvatore Gesù Cristo.
T: Tuo ze el regno, tua ze la potensa e la glòria par sempre.
C: Signore Gesù Cristo, che gavé dito ai apostoli: “Ve dasso la pace, ve dao la mia pace”, no sta vardare i nostri pecati, ma la fede dela tua Cesa, e daghe unità e pace secondo la tua volontà, Ti che Te vivi e regni col Pupà, in union col Spìrito Santo.
T: : Amen.
C: La pace del Signor sia sempre con valtri.
T: El amor de Gesù el me ga unio.
C: Agnelo de Dio che perdonè i pecati del mondo, gavè pietà de noantri ( due olte).
T: Agnelo de Dio che perdonè i pecati del mondo, dè a noantri la pace.
C: Beati quei che i ze invitai a la sena del Signor. Eco el Agnelo de Dio, quel che perdona i pecati del mondo.
T: Signor, non son mia degno che vegnè casa mia, ma disì sol na parola e mi saro salvo.
C: El corpo de Cristo ne porte a la vita eterna.
T: Amen.
COMUNIONE.
C: El corpo de Cristo.
T: Amen.
Canto dea comunion:.....
C: Preghemo: Signor, Dio Pupà, te ringrassiemo perchè gavemo podesto revìvere la stòria dei nostri noni e none, e ghemo ricordà tuto quel che lori i ga fato par noantri. Gràssie, Signore, per la vita, per i genitori, per la salute e per la tua bontà con noantri. Questo ringrassiamento, Pupà, te lo femo par meso de Gesù Cristo to Fiol e nostro fradel, che’l vive e regna insieme col Spirito Santo.
T: Amen.
Canto finale:......
C: El Signor sia con valtri.
T: El ze insieme con noantri.
C: Che’l Signor ve mantegna sempre in salute, con alegressa e con fede, e ve benedissa con la sua gràssia, in nome del Pupà, del Fiol e del Spìrito Santo.
T: Amen.
C: La messa la ze finia: ndè in pace.
T: Gràssie a Dio.
Letore: Fradei e sorele: Ncoi semo gran contenti esser insieme, riunidi, co la stessa fede, co la medèsima speransa, col mendèsimo amor, par celebrare la Santa Messa nela léngua dei nostri genitori, dei nostri antenati, dei primi imigranti italiani. Ringrassiemo el Signor par questa oportunità. Tuti insieme cantemo el canto inissiale......................
Celebrante: Nel nome del Pare, del fiol Gesù e del Spìrito Santo.
Tuti: Amen.
C: La gràssia del Signor Gesù Cristo, l’amor de Dio Pare e la comunion del Spirito Santo sia con tuti voi.
T: Benedeto el Signore Dio.
C: Fradei e sorele, per celebrare degnamente i santi misteri, domandemo perdono dei nostri pecati.
T: Confesso a Dio onipotente e a valtri fradei e sorele, che go fato tanti pecati in pensieri, parole, opere e omission, per mia colpa, mia colpa, mia grandíssima colpa. E domando a la beata Vèrgine Maria, ai Àngeli, ai santi e a valtri fradei, par pregar par mi, al Signor nostro Dio.
C: Dio onipotente el gàbia misericórdia de noantri, el perdone i nostri pecati e ne porte a la vita eterna.
T: Amen.
C: Signor, pietà. - T: Signor, pietà.
C: Cristo, pietà. - T: Cristo, pietà.
C: Signor, pietà. - T: Signor, pietà.
Letore: Adesso, alegri, lodemo el Signor, cantando: Canto:......................
C: Preghemo: Signor Dio, noantri semo qua tuti contenti, insieme par lodarte volentiera e ringrassiarte, perché te ghè dato salute, pace e amore a le nostre fameie e la concòrdia coi visigni e amissi. Te ringrassiemo perché Te ghè ampara i nostri antenati quando i ze vegnesti del Itália. A lori che i ga dato la so vita par noantri, daghe el paradiso; e a tuti noantri dà la forsa dela fede e del amor. Te lo domandemo Pupà, par meso de Cristo Gesù, in union col Spirito Santo.
T: Amen.
Letore: Scoltemo, dès, na parte del secondo capìtolo dei Ati dei Apostoli, che ne fa veder come vivea i primi cristiani. E zera pì o meno cossì che vivea anca i nostri antenati, tel scomìnsio, qua in Mèrica.
Prima Letura: (At. 3, 42-48) – Letura dei Ati dei Apostoli:
“I primi cristiani i zera sempre pronti par scoltar i insegnamente dei Apostoli e i vivea come fradei, nela comunione del pan e in tea orassion. Tuti i gavea na poca de paura e tanti segnai e miràcoli i zera fati par meso dei Apòstoli. Tuti quei che i gavea acetà la fede, i vivea in fameia e anca i gavea tute le cose insieme. Quei che i ghea proprietà e le cose necessàrie par viver, i vendea e dopo i spartia el guadagno tra tuti, dacordo al bisogno de cadaùno. Tuti i dì i ndea in cesa insieme, e a casa sua i spartia el pan e i magnava contenti, con simplissità de cuor, lodando a Dio e godendo la simpatia de tuto el pòpolo. E tuti i dì, el Signor el riunia in comunità quei che zera salvi”
T: Gràssie a Dio.
Seconda Letura: (I Cor. 13, 1- 7) – Letura dea prima carta de San Paolo ai Corinti sora la carità.
“Se mi parlesse tute le léngue dei òmeni e dei àngeli, ma no ghesse la carità, saria come el batòcio che sona, o un campanel che fa baruio. Se mi fusse bon da profetisar, e savesse tuti i misteri e tuta la siensa; anca se ghesse tanta fede che fusse bon cambiar de posto i monti, ma se no ghesse la carità, no saria gnente. Se mi ghe desse tuto quel che go ai poareti, e ghe desse el mio corpo par èssere brusà, ma no gavesse la carità, no giovaria gnente. La carità porta passiensa, la carità ze bondosa, no la ga invidia. La carità no ze mia orgoliosa, no la ze superbiosa e gnanca scandalosa. No la va in serca dei so pròpii interessi, no la se inràbia, no mete via rancori, no la ride dea ingiustìssia, ma la se alegra con la verità. La scusa tuto, la crede tuto, la speta tuto, la soporta tuto. La carità no la finisserà mai. Gavemo la fede, la speransa e la carità, ma la pi importante de tute ze la carità. Parole del Signore.
T: Grassie a Dio.
Tersa Letura: (Eclo. 3, 3-15) – Letura Del Libro Del Eclesiástico –
El Signor fa rispetare el pupà nei so fioi e confirma la autorità dela mama nela so fameia. Chi rispeta so pupà, guadagna el perdono dei pecati e, quando el prega, la so orassion la riva al celo. Chi rispeta so pupà, el gavarà alegria coi so fioi, e quando se mete a pregar, el Signor lo scoltarà. Chi rispeta so pupà el gavarà vita longa, e chi scolta el pupà sarà el consolo de so mama. Caro amico, rincura la vita de to pupà quando el diventa vècio e nò darghe disgusti inquanto lu el vive. Anca se’l va fora dei sentimenti, fa sforso par capirlo con passiensa; mai mancar de rispeto al pupa in vita. La carità fata a to pupà no la sarà mai smentegada, la servirà par riparare i to pecati e la sarà par el to ben. Parola del Signor.
T: Gràssie a Dio.
VANGELO I:
Letore: El Vangelo ze la parola de Gesù. I nostri genitori i ga sempre scoltà el Signor, par questo i ne ga dato el gran tesoro dea fede. I ze vegnesti qua par semenar le somense de formento, de mìlio, de fasoi, par darghe de magnar ai fioi, e i ga semenà spessialmente la parola de Dio, el amor al Vangelo. E la mama, insieme col late del so peto, ghe ga dato la fede ai so fioi. Gesù ghe vol ben a quei che semena. Scoltè “La stòria del fiol sbrindolon”.
C: El Signor sia con valtri.
T: El ze belche insieme co noantri.
C: Letura del Vangelo de Gesù Cristo secondo San Luca (15, 11-32).
T: Glòria a Ti, Signor.
C: Gesù el ga dito: Um òmo el ghea du fioi. Quel pi zóvano el ga dito a so pare: “Pupà, dame la me parte de eredità. So pare, lora, el ga spartio intra de luri la ededità. Dopo un per de giorni, el toso pi zóvano el ga tolto su tuto quel che zera suo e el se la ga tolta, el ze ndà te un paese distante e la el ga guastà la so eredità, fando el pelandron. Dopo de ver magnà fora tuto, in te quel posto ze vegnesto na gran fame, e lu el ga scominsià a passàrsela streta. El ze ndà laorar a casa de un òmo del posto, che lo ga mandà ténder i porchi tea so tera. Sto toso el ghea voia de coparse la fame al manco con le teghe che i porchi i magnea, ma no i ghe dava gnanca quele. Lora, vedendo el sbàlio che’l gávea fato, el se ga messo a pensar. “Quanti piòni el pupà el ga a casa sua, che i magna pan a volontà, e mi èsser qua drio morir de fame! A me levo su e vao da me pare e ghe digo: Caro pupà, go fato un bruto pecato conta el celo e contra vu, no son pi degno de èssere ciamà vostro fiol, trateme come se fusse un dei vostri piòni. Lora el se ga leva su, e el ze ndà parlar con so pare. El zera ncora distante quando so pare lo ga visto, e pien de nostalgia e compassion, el zé ndà de corsa al so incontro, el se ga picà tel col de so fiol. Lo ga strendesto al peto e lo ga basà. El toso el ghe ga dito: “Pupà, go fato un bruto pecato contra el celo e contra vu, no son pi degno de esser ciamà vostro fiol”. Ma so pare el ga dito ai so piòni: ”Sguelti, portè qua la meio fatiota e metèghela su, e meteghe un anelo tel deo e un paro de scarpe in tei pie. Ndè anca tor un bò gordo e copelo; femo sorasco e na gran festa. Questo me fioleto che’l zera morto el zé ravegnesto, el se ghea perso e lo ghemo catà. “E i ga scominsià la festa”. El so fiol pi vècio el zera in colônia. Co’l zera drio tornar del laoro, al rivar darente casa, el sente la gaita sonar e la gente a balar. El ga ciamà un piòn, e el ghe ga domandà cosa zera drio sucèdere. El piòn ghe ga dito: “To fradel el ze tornà casa! To pare el ga ordinà copar un bó gordo, perchè lo ga cata san e salvo”. Sto toso el se ga inrabià e no’l volea pi ndar rento casa, lora so pare el zé ndato fora e lo ga ciamà. Lora lu el ga rispondesto a so pare: “Porco can! Ze tanti ani che te servo e te go sempre scoltà e fato tuto quel che te me ghè comandà, e no te me ghè mai dato gnanca um beco par far festa coi me amighi. Desso che ze tornà indrio questo to fiol, che’l ga magnà fora tuto con le putane, te ghe mandi copar um bò gordo?” So pare ghe ga risposto: “Ma fiol, ti te sè sempre insieme con mi, e tuto quel che ze mio, ze anca tuo, ma noantri ghemo de far na festa, perche to fradel che’l zera morto, el zé revegnesto, el se ghea perso, e lo ghemo catà”.
C: Parola de salvassion.
T: Glòria a Ti, Signor.
VANGELO II: EL SEMINATOR (Mt.13,1-9)
Un dì, Gesù el ze partito de casa e el ze ndà darente al lago de Genesarè. Ma quando el zera li, ze rivà tanta gente par scoltarlo parlar, che ghe ga tocà ndar rento na barca par insegnar. E lora el ga dito: “Un giorno, un seminator el ze ndà in colônia semenar. Intanto che’l semenava, na parte dea semensa la ze cascada tea strada; i osèi i ze vegnesti e i la ga magnada. Nantra parte la ze cascada in meso i sassi, ndove ghe zera poca tera ; la ze nassesta suito, ma quando ze vegnesto el sole la se ga brusada, parchè no la gavea radise. Nantra parte de somensa la ze cascada in meso ai spinari. I spinari i zé vegnesti su, e i la ga stofegada. Ma parte dea somensa la ze cascada in tera bona. Questa si la ga dato fruti. Chi ga voia de capir, el capisse.
C: Parola dea salvassion.
T: Glòria a Ti, Signor.
PROFESSION DE FEDE.
T: Credo in Dio Pare Onipotente, creator del celo e dea tera. Credo in Gesù Cristo so único fiol, nassisto dea Vèrgine Maria, per òpera del Spirito Santo; el ze stà crossificà, morto e sepolio soto Pònsio Pilato. Al terso dì el ze rissussità, come dise le scriture, el ze ndà in celo, e el ze sentà do a la drita del Pupà, de ndove el vegnarà per giudicar i vivi e i morti. Credo nel Spirito Santo, nea Cesa Católica, e nei àngeli e nei santi, nel perdono dei pecati, nela rissuression dea carne e nea vita eterna. Amen.
PREGHIERA DEI FEDELI.
C: Adesso, com fede e speransa, portemo al Signor le nostre preghiere e le nostre necessità. Dopo de ogni preghiera, disemo tuti insieme: Scòltame Signor.
T: Scòltame Signor!
Preghiere:...........................................
C: Tuto questo, Signor, Dio de bontà e misericórdia, te domandemo con la speransa de guadagnarlo, par Gesù Cristo in union con lo Spìrito Santo.
T: Amen.
OFERTÒRIO:
C: El celebrante el fa la oferta del pan e del vin, che noantri gavemo guadagnà col nostro laoro, e in questo pan e in questo vin Gesù se fa presente, parchè el ze presente anca in tea nostra vita, soratuto quando laoremo la tera, de ndove vien el pan e el vin e tuto quel che dà forsa a la nostra vita. (Adesso, persone dea nostra comunità le porta al altaro cose che ricorda la vita e la stòria dea nostra gente, dee nostre fameie dei migranti taliani.)
CANTO DELE OFERTE:
C: Preghè, fradei e sorele, parchè el nostro sacrifissio sia aceto a Dio Pupà onipotente.
T: El Signor el riceva dele tue man questo sacrifìssio par onor e glòria del so nome, par el nostro bene e de tuta la sua Santa Cesa.
C: Con queste nostre oferte de pan e vin, Signor, te domandemo de ricèver la nostra vita, i nostri laori, la salute e le malatie, la vita alegra e le dificoltà de tuti e che tuto se cambie tel corpo e Sangue de Gesù Cristo, in union col Spìrito Santo.
T: Amen.
C: El Signor sia con valtri.
T: El ze belche insieme co noantri.
C: In alto i nostri cori.
T: Semo rivolti al Signor.
C: Demo gràssie al Signor nostro Dio.
T: Ze cosa bona e giusta.
C: Ze verante cosa bona e giusta, nostro dover e fontana de salvassion, darte gràssie sempre e in tuti i posti a Ti, Pupà Santo, par Gesù Cristo to diletìssimo Fiol. Par meso de Lu, gavè fato tute le cose del mondo e lo gavé manda da noantri come Salvator e Redentore, fato òmo per òpera del Spirito Santo, nassisto dea Vèrgine Maria. Per rispònder a la to volontà e far un pòpolo santo, el ze morto in tea croce, distrugendo la morte e proclamando la rissuression. Per questo mistero de salvassion, insieme ai àngeli e ai santi, cantemo (disemo) con na sola voce:
T: Santo, santo, santo, Signor Dio del universo. I cieli e la tera i ze pieni dela vostra glòria. Osana nel alto dei celi. Benedeto quel che vien in nome del Signor. Osana nei alti dei cieli.
C: Padre, veramente santo, fontana de santità. Santifica questi doni col tuo Spìrito, parchè i divente par noantri el Corpo e el Sangue de Gesù Cristo nostro Signor. Gesù, acetando liberamente la passion, el ciapa in man el pan, rende gràssie, lo spartisse e lo dà ai so dissìpoli, disendo: Ciapè tuti e magnè: Questo zé el mio corpo oferto in sacrifissio per valtri. Dela stessa maniera, dopo la sena, el ciapa el càlisse, el rende gràssie, lo dà ai so dissìpoli disendo: Ciapè tuti e bevè. Questo ze el càlisse del mio sangue, sangue dela nova e eterna aleansa, fato par valtri e par tuti, in remission dei pecati. Fè questo in memória de mi.
C: Mistero dela fede.
T: Anunsiamo la tua morte, Signor, proclamemo la tua rissuression, e spetemo el tuo ritorno.
C: Celebrando in memória dela morte e ressuression de to Fiol, te regalemo, Pupà nostro, el pan dea vita e el vin dea salvassion, e te rendemo gràssie parchè te me ghè invita a la tua presensa e partecipare del servìssio sacerdotale. Te preghemo per la comunion al Corpo e al Sangue de Cristo, el Spìrito Santo lo trasforme in un solo corpo. Ricòrdate, Padre nostro, dela to Cesa semenada sora tuta la tera, rèndila perfeta nel amore, in union col nostro Papa (nome), el nostro vesco (nome), e tuto l’òrdine sacerdotale. Ricòrdate dei nostri fradei, morti nela speransa dela rissuression, e de tuti i morti che i ga bisogno dela tua clemensa, ciameli insieme com Ti. De noantri gàbia misericórdia, permete de gaver un posto in tea vita eterna, insieme con la beata Vèrgine Maria, Madre de Dio, con i apòstoli e tuti i santi, che in tuti tempi i te ga servio, e par Gesù Cristo to Fiol, cantaremo la tua glòria.
C e T: Per Cristo, con Cristo e in Cristo, a Te, Dio Padre onipotente, nela unità del Spìrito Santo, onore e glòria, par tuti i sècoli dei sècoli.
T: Amen.
RITI DE COMUNIONE.
C: Obedienti a la parola del Salvatore e formati nel suo divino insegnamento, femo coraio da dir (co le man levade al celo).
T: Pare nostro, che te si in celo, santificà sia el to nome, vegna el to regno, sia fata la to volontà, come in celo così in tera. Dà a noi, oncò, el pan cotidiano, e perdona i nostri pecati, come noantri perdonemo ai nostri debitori, e nò dassarne cascar in tentassion, ma lìbera a noi dal male.
C: Lìbera a noi, Signore, de tuti i mali, cededi la pace ai nostri giorni e che, col aiuto dela tua misericórdia, possiamo vìvere distante del pecato e dei perìcoli, vivendo nela speransa del ritorno del nostro Salvatore Gesù Cristo.
T: Tuo ze el regno, tua ze la potensa e la glòria par sempre.
C: Signore Gesù Cristo, che gavé dito ai apostoli: “Ve dasso la pace, ve dao la mia pace”, no sta vardare i nostri pecati, ma la fede dela tua Cesa, e daghe unità e pace secondo la tua volontà, Ti che Te vivi e regni col Pupà, in union col Spìrito Santo.
T: : Amen.
C: La pace del Signor sia sempre con valtri.
T: El amor de Gesù el me ga unio.
C: Agnelo de Dio che perdonè i pecati del mondo, gavè pietà de noantri ( due olte).
T: Agnelo de Dio che perdonè i pecati del mondo, dè a noantri la pace.
C: Beati quei che i ze invitai a la sena del Signor. Eco el Agnelo de Dio, quel che perdona i pecati del mondo.
T: Signor, non son mia degno che vegnè casa mia, ma disì sol na parola e mi saro salvo.
C: El corpo de Cristo ne porte a la vita eterna.
T: Amen.
COMUNIONE.
C: El corpo de Cristo.
T: Amen.
Canto dea comunion:.....
C: Preghemo: Signor, Dio Pupà, te ringrassiemo perchè gavemo podesto revìvere la stòria dei nostri noni e none, e ghemo ricordà tuto quel che lori i ga fato par noantri. Gràssie, Signore, per la vita, per i genitori, per la salute e per la tua bontà con noantri. Questo ringrassiamento, Pupà, te lo femo par meso de Gesù Cristo to Fiol e nostro fradel, che’l vive e regna insieme col Spirito Santo.
T: Amen.
Canto finale:......
C: El Signor sia con valtri.
T: El ze insieme con noantri.
C: Che’l Signor ve mantegna sempre in salute, con alegressa e con fede, e ve benedissa con la sua gràssia, in nome del Pupà, del Fiol e del Spìrito Santo.
T: Amen.
C: La messa la ze finia: ndè in pace.
T: Gràssie a Dio.
Lìbero Arbìtrio
LÌBERO ARBÌTRIO
Honório Tonial
La zé privativa al ente umano la pràtica del lìbero arbítrio come dono del Dio creator de tuto el mondo.
Anca la mia libertà e consiensa la ga s-cielto come mio Iìbero arbítrio el ricupero, el rincuro, la regenerassion, la atualisassion e la unificassion del parlar dei nostri imigranti taliani che incora el ga la so concreta esistensa ntel sul del Brasil ndove, passa due milioni de creature de tute le età, la lo parla, lo lede, lo scrive in prosa e verso.
El ga la denominassion de Talian, o Talian Veneto.
El so abecedário, le so gramàtiche e so dissionàrii i forma el tripié dea sua construssion lingüística e ghe conferisse la denominassion de uma vera Lìngua e nò un sémplice dialeto.
Sensa parlar dea granda literatura e dele programassion radiofóniche, dei giornau e reviste dei Stati del sul de Brasil.
Nostre sincere lode a tuti quei che vol preservar la língua familiar dei so genitori e dopo, insegnarr anca la lìngua del paese onde i vive e altre lìngue del suo interesse.
La ASVIRMONTAVE = Assossiassion Virtual Mondia del Talian Veneto la ga per scopo salvar la cultura e la identità de na stirpa de persone volontàrie . coraiose e aventuriere che le ga sbandonà la so terá natale “inserca dea cucaggna e dei salami picadi..!”
E i ga fato paesi e cità.
Sensa gnanca un demérito a altre lìngue volemo salvar la nostra che la zé el Talian Véneto.e la ga la minassa de sparirse par sempre...
Dimandemo el aiuto a tuti quei che cognosse questa “vecia-nova língua”e auguremo a i parlanti de tute le altre lìngue del mondo che i fassa lostesso par salvar la so pròpia identità.
Chi tropo abracia, nulo astringe...
No podemo mescolar altri idioma. El nostro ogetivo el ga solo una denominassion: TALIAN VÉNETO.
El zé verità che otanta par cento dei parlanti del Talian Véneto i vol imparar anca el ITALIANO OFICIALE, spèssie quando i otien la dopia citadinansa
I gavarà el vantaio de cognosser el Talian Veneto e la língua de Dante
E insieme con la língua del paese onde i abita i praticarà el trilinguismo.
Um saludo a tuti i Taliani Véneti nel Mondo.
Honório Tonial
La zé privativa al ente umano la pràtica del lìbero arbítrio come dono del Dio creator de tuto el mondo.
Anca la mia libertà e consiensa la ga s-cielto come mio Iìbero arbítrio el ricupero, el rincuro, la regenerassion, la atualisassion e la unificassion del parlar dei nostri imigranti taliani che incora el ga la so concreta esistensa ntel sul del Brasil ndove, passa due milioni de creature de tute le età, la lo parla, lo lede, lo scrive in prosa e verso.
El ga la denominassion de Talian, o Talian Veneto.
El so abecedário, le so gramàtiche e so dissionàrii i forma el tripié dea sua construssion lingüística e ghe conferisse la denominassion de uma vera Lìngua e nò un sémplice dialeto.
Sensa parlar dea granda literatura e dele programassion radiofóniche, dei giornau e reviste dei Stati del sul de Brasil.
Nostre sincere lode a tuti quei che vol preservar la língua familiar dei so genitori e dopo, insegnarr anca la lìngua del paese onde i vive e altre lìngue del suo interesse.
La ASVIRMONTAVE = Assossiassion Virtual Mondia del Talian Veneto la ga per scopo salvar la cultura e la identità de na stirpa de persone volontàrie . coraiose e aventuriere che le ga sbandonà la so terá natale “inserca dea cucaggna e dei salami picadi..!”
E i ga fato paesi e cità.
Sensa gnanca un demérito a altre lìngue volemo salvar la nostra che la zé el Talian Véneto.e la ga la minassa de sparirse par sempre...
Dimandemo el aiuto a tuti quei che cognosse questa “vecia-nova língua”e auguremo a i parlanti de tute le altre lìngue del mondo che i fassa lostesso par salvar la so pròpia identità.
Chi tropo abracia, nulo astringe...
No podemo mescolar altri idioma. El nostro ogetivo el ga solo una denominassion: TALIAN VÉNETO.
El zé verità che otanta par cento dei parlanti del Talian Véneto i vol imparar anca el ITALIANO OFICIALE, spèssie quando i otien la dopia citadinansa
I gavarà el vantaio de cognosser el Talian Veneto e la língua de Dante
E insieme con la língua del paese onde i abita i praticarà el trilinguismo.
Um saludo a tuti i Taliani Véneti nel Mondo.
UN PÒPOLO
UM POPOLO
Ignazio Butita.
Version in Talian-Véneto per Honório Tonial
Um pòpolo
Metélo in preson
Robeghe tuto
Sareghe la boca...
Incora l´è lìbero!
Tireghe via el laoro,
El passaporto,
La tola ndove el magna,
El leto nove el dorme....
L´è incora sior.
Um pòpolo
El deventa schiavo
Quando i ghe rapina la língua
Ricevesta in dota da i so genitori!
L´è perso par sempre.
++++++++++++++++++++++++++++++++++++++++++++++++++++
La língua la è
Par la cultura ,
Quelo chel sangue l´è Honório Tonial
Par la creatura
Chi sà solo na lìngua
L´è poco pi che um muto,
Darcy Loss Luzzatto
Se voì trucidare na generassion
Basta coparghe la língua. Giovanni Meo Zilio
Ignazio Butita.
Version in Talian-Véneto per Honório Tonial
Um pòpolo
Metélo in preson
Robeghe tuto
Sareghe la boca...
Incora l´è lìbero!
Tireghe via el laoro,
El passaporto,
La tola ndove el magna,
El leto nove el dorme....
L´è incora sior.
Um pòpolo
El deventa schiavo
Quando i ghe rapina la língua
Ricevesta in dota da i so genitori!
L´è perso par sempre.
++++++++++++++++++++++++++++++++++++++++++++++++++++
La língua la è
Par la cultura ,
Quelo chel sangue l´è Honório Tonial
Par la creatura
Chi sà solo na lìngua
L´è poco pi che um muto,
Darcy Loss Luzzatto
Se voì trucidare na generassion
Basta coparghe la língua. Giovanni Meo Zilio
domingo, 1 de março de 2009
Luiz Radaelli- Lageado-RS
Le boteghe de sti ani
In questi ultimi 50 ani come le cose le ga cambià da quando ero cèo. Par gnanca verità. Ncoi tut quel che se vol lè sol ndar tel mercà e, se gavèn sòldi, ciapar e portar a casa. Tra tante cose bone ghenè anca tanti spotaci. Se no savèm próprio quel che se bisogna, se dassemo i òci e la voia comandar, guasteremo i sòldi che gavèn fat fadiga guadagnarli.
Quando cèo le boteghe le zera diferente d’ancoi. Le cose le zera messe in tei grandi e longhi balconi. Davanti, par dassar veder le cose, ghe zera i vietri, come se fussa finestre, para dassar veder quel che zera rento. Par che nissun li spachessa i fea na protession coi bachetoni, messi a lungo. Par sora, zera arquante taule somigliante a na tola, ndove el negossiante el urtea le cose che’l gavea, par far veder a quei che ndea par comprarse quel che i bisognea. Tante olte zera anca ndove i butea i bicieri quando i òmini i ndea bever qualche gòto dea caciassa “Três Fazendas”, col maistro, o ndove i sparamea i dolsi co la forma de pessi, che i genitori ne portea casa. Rento sti balconi ghe zera tante cose da comprare. Par ncora de veder i pèteni, baraio de brìscola, el dedal, scàtole piene gùcie e de rochèi de fil par repessar o par ricamar tovaie e fassoleti, scàtole de botoni, de grampi par tegner i cavèi, fòrbese, candele, ólio de rissino e erba sena par el mal de pansa, profumi, le pirole de color rosà del dotor Ross, le medicine par mal de testa Cybalena e Cafiaspirina. Par passarse tei cavèi giera el òio glostora e la canfora par meter tei guarda-roba par spaventar i bisseti. Par le done russarse lê massele dea facia ghe zera el “Pó de Arroz, i fuminanti Guarany, l’anil Reckit para scoarar le veste bianche, la cera Cachopa o el Roxo Terra par far brilar el soaio, tra tante altre cose che no me ricordo pi. Par urtar via i pedòci doperevèn la petenela. El levà par far el pan e el conàio par el formài i zera vendesti a scuciarade. Fin làstico in metro genera e anca el Fubarin par copar i sorzi.
Dadrio el balcon tacà a la parete ghe zera le pratielere ndove i metea altre cose da vender. Par metro ghe zera bombasina, brim diamantino, riscado e cambraia. Rento nte le scàtole ghera i capèi de feltro Ramenzoni, nte altre ghe zera calseti, fassoleti e par i dolori dela schena, l’emplastro Sabià.
Tel soaio ghe zera seci co le sardele ntea salmora, altre tegnendo la parafina, breu, soda par far saon e petròlio par i ciareti. Col menestro se ciapea dei cassòni l’erba de simarron, el sucro o la farina, che i zera infagotadi tel papel de carta. La creolina e altre medicine par le bèstie anca se le vedea rangiade tra le catene, paroi, sape, pignate, ronconi, manare, bocai, zòcoli, ciòdi, ciareti e feradure par i cavai. Budèi e salnitro par meter tel salan i zera ten canton, darente ghera na sestela ndove zera i ovi compradi dei colòni. El pignatel tegnea le pignate, el colador e padele picade a torno e par sora el bule del cafè.
Nostra vita ze compagna a na botega. Tra el mucio de cose e oportunità che gavemo bisognemo sièlder quel che ne ocore par laorar e viver in amicissia coi nostri da quel supèrfulo, par no deventar sbrindoloni e restar pieni de dèbiti.
Adès quando vao tel mercà e vedo tut difarente me par de no esser mia verità e me vien el ricordo che na olta, tel fra tempo che son stà in tea botega, gò scoltà un mascate dir che ndea vegner el dì ndoe le màchine comandaria i òmeni e cadauno ndaria torse quel che’l volea. Quei che i zera li i ga ridesto e i lo ga tolto come strigà. E no lè che oramai semo nel tempo che quel stànio omo el gà savesto prevéder. Come sarà el mondo nel tempo de chi a sento ani, cossa va suceder za che tut cambia co na velossità che ne fa fastidio veder e che no semo squasi mia boni de acompagnare? Credo che sol el tempo el va dir. No ocor gaver prèssia de morrir perche no gavèn mia visto tut.
In questi ultimi 50 ani come le cose le ga cambià da quando ero cèo. Par gnanca verità. Ncoi tut quel che se vol lè sol ndar tel mercà e, se gavèn sòldi, ciapar e portar a casa. Tra tante cose bone ghenè anca tanti spotaci. Se no savèm próprio quel che se bisogna, se dassemo i òci e la voia comandar, guasteremo i sòldi che gavèn fat fadiga guadagnarli.
Quando cèo le boteghe le zera diferente d’ancoi. Le cose le zera messe in tei grandi e longhi balconi. Davanti, par dassar veder le cose, ghe zera i vietri, come se fussa finestre, para dassar veder quel che zera rento. Par che nissun li spachessa i fea na protession coi bachetoni, messi a lungo. Par sora, zera arquante taule somigliante a na tola, ndove el negossiante el urtea le cose che’l gavea, par far veder a quei che ndea par comprarse quel che i bisognea. Tante olte zera anca ndove i butea i bicieri quando i òmini i ndea bever qualche gòto dea caciassa “Três Fazendas”, col maistro, o ndove i sparamea i dolsi co la forma de pessi, che i genitori ne portea casa. Rento sti balconi ghe zera tante cose da comprare. Par ncora de veder i pèteni, baraio de brìscola, el dedal, scàtole piene gùcie e de rochèi de fil par repessar o par ricamar tovaie e fassoleti, scàtole de botoni, de grampi par tegner i cavèi, fòrbese, candele, ólio de rissino e erba sena par el mal de pansa, profumi, le pirole de color rosà del dotor Ross, le medicine par mal de testa Cybalena e Cafiaspirina. Par passarse tei cavèi giera el òio glostora e la canfora par meter tei guarda-roba par spaventar i bisseti. Par le done russarse lê massele dea facia ghe zera el “Pó de Arroz, i fuminanti Guarany, l’anil Reckit para scoarar le veste bianche, la cera Cachopa o el Roxo Terra par far brilar el soaio, tra tante altre cose che no me ricordo pi. Par urtar via i pedòci doperevèn la petenela. El levà par far el pan e el conàio par el formài i zera vendesti a scuciarade. Fin làstico in metro genera e anca el Fubarin par copar i sorzi.
Dadrio el balcon tacà a la parete ghe zera le pratielere ndove i metea altre cose da vender. Par metro ghe zera bombasina, brim diamantino, riscado e cambraia. Rento nte le scàtole ghera i capèi de feltro Ramenzoni, nte altre ghe zera calseti, fassoleti e par i dolori dela schena, l’emplastro Sabià.
Tel soaio ghe zera seci co le sardele ntea salmora, altre tegnendo la parafina, breu, soda par far saon e petròlio par i ciareti. Col menestro se ciapea dei cassòni l’erba de simarron, el sucro o la farina, che i zera infagotadi tel papel de carta. La creolina e altre medicine par le bèstie anca se le vedea rangiade tra le catene, paroi, sape, pignate, ronconi, manare, bocai, zòcoli, ciòdi, ciareti e feradure par i cavai. Budèi e salnitro par meter tel salan i zera ten canton, darente ghera na sestela ndove zera i ovi compradi dei colòni. El pignatel tegnea le pignate, el colador e padele picade a torno e par sora el bule del cafè.
Nostra vita ze compagna a na botega. Tra el mucio de cose e oportunità che gavemo bisognemo sièlder quel che ne ocore par laorar e viver in amicissia coi nostri da quel supèrfulo, par no deventar sbrindoloni e restar pieni de dèbiti.
Adès quando vao tel mercà e vedo tut difarente me par de no esser mia verità e me vien el ricordo che na olta, tel fra tempo che son stà in tea botega, gò scoltà un mascate dir che ndea vegner el dì ndoe le màchine comandaria i òmeni e cadauno ndaria torse quel che’l volea. Quei che i zera li i ga ridesto e i lo ga tolto come strigà. E no lè che oramai semo nel tempo che quel stànio omo el gà savesto prevéder. Come sarà el mondo nel tempo de chi a sento ani, cossa va suceder za che tut cambia co na velossità che ne fa fastidio veder e che no semo squasi mia boni de acompagnare? Credo che sol el tempo el va dir. No ocor gaver prèssia de morrir perche no gavèn mia visto tut.
Fin de Roberto Giovanni Zaniolo dea Italia
F I N
Fin…
che a poenta se faseva,
e me mama me cusiva
i calzeti che rompevo,
e me pare se beeva
el so bel goto de vin,
e la nona me contava
e storiee tanto vaghe
come 'l fumo del camin…:
a go passà tuta a me vita…
come 'l fumo del camin.
Fin…
che a poenta se faseva,
e me mama cusiva,
e me pare beeva,
e me nona racontava…
i ga vissudo anca lori
come 'l fumo del camin;
ma anca dopo,
man man che i moriva,
i ga fatto tutti lori
come 'l fumo del camin…:
fin.
Un fil de fumo bianco griso
tanto fin
sembra 'ndare in Paradiso
coi ricordi del passà,
de na vita che continua senza fin
come 'l fumo del camin.
Come un fil de fumo bianco griso
tanto fin
sembra 'ndare in Paradiso
un fil de vita che continua senza fin,
tanto fiiiiiiin
come 'l fumo del camin.
Fin.
Fin…
che a poenta se faseva,
e me mama me cusiva
i calzeti che rompevo,
e me pare se beeva
el so bel goto de vin,
e la nona me contava
e storiee tanto vaghe
come 'l fumo del camin…:
a go passà tuta a me vita…
come 'l fumo del camin.
Fin…
che a poenta se faseva,
e me mama cusiva,
e me pare beeva,
e me nona racontava…
i ga vissudo anca lori
come 'l fumo del camin;
ma anca dopo,
man man che i moriva,
i ga fatto tutti lori
come 'l fumo del camin…:
fin.
Un fil de fumo bianco griso
tanto fin
sembra 'ndare in Paradiso
coi ricordi del passà,
de na vita che continua senza fin
come 'l fumo del camin.
Come un fil de fumo bianco griso
tanto fin
sembra 'ndare in Paradiso
un fil de vita che continua senza fin,
tanto fiiiiiiin
come 'l fumo del camin.
Fin.
Assinar:
Postagens (Atom)