LA DESIMPACADERA

LA DESIMPACADERA

Chel me la contada el zé stato el Eder Balen quando chel me ga porta el gás par el fogon.
Um tosato el ndea a morose a caval de na egueta impacadera.
Tante olte la se fermea ntea strada e no gue zera santi de farla ndar vanti.
El ze ndato dal veterinário e el ga dimandà cosa chel podaria far par tirarghe la barde de sta bèstia;
- Mi gavaria na pomada par méterla soto a côa e la va avanti suito.
Un bel sabo el monta a caval par ndar a morose dea Gelina, la fiola de negossiante.
Col riva darente un pontesel la égua la se impaca, El ga dato sicotade, el ga osà, el ga bestemâ e no ga giovà gnente...
_ - Incoi vui proar la pomada desimpacadera...!
El verde el tubeto, el ciapa na sbrancada de pomada, el ghe alsa la côa dea égua, el ghe sfrega la pomada...
La ga dato na curcuviada e la se ga invià come na saeta, via banda la casa dea morosa ndove la era costumada.
Ma, e adesso? Come far par ndar a veder la so inamorada?
El ga pensà:
- Case, quà darente no ghinè e el negossiante el stà distante.
E dopo de avelirse gue zé mignisto na bela idea ntea testa.
_ Se la pomada la ga fato efeto ntea egueta, la próo anca mi.
Nol ga gnanca ben finio de passàrsela ntele culate chel se ga ínvia pi sgelto chel vento, el ga passàvia la égua e el zé rivà casa dea Gelina mesa ora prima dea bèstia.
Magari, el gera tuto descaveià e el gavea na tremarola., che mai.

CURIOSTÀ

.
Honório Tonial

- Sarà che i è stai i nostri primi imigranti a portarle ntel Brasil, o le gavarà nassesto quà..?
Go idea che le due cose le ga valità.
Tornemo indrio ntel tempo, là par ani quaranta del sècolo passà e cataremo la festa del Carnaval in colônia, fata de na maniera stramba.
Solo i tosati e i omi no tanto veci i podea partissipar.
I se vestia de dona, due poronghi par le tetê, i se pintea el muso col calìdene del fogon e i ndea daí visini che no i era boni cognóserli.
Dopo de far tanti schersi e anca qualche cantada i se lavea par darse da ricognosser.
Un ciodo de tola, el spaurea i can rabiosi e un gran de sal grosso par curar le giàngole, se lo metea in scarsela.
Se gávea el costume de taiarse la barba solo al Vendre Santo e mai nte nantro vendre par parar via el mal de denti...
Ntea Stimana Santa se fea le ràcole parché no se podea sonar le campane al Vendre Santo.
Quando i ndea a morose o a la festa dea Sagra, i tosati i ghe lighéa la cóa ai cavai, par assarli pi bèi.
Ntele feste grande no se podea laorar. Alora, i mantimenti par le bèstie i era racolti el di prima.
Ntea ligna Garibaldi e anca al Maragata, Nova Prata a quel tempo el formento lera semenà e querto co la sapa, col vassor o co la gràpia.
Par taiarlo i doparea la”sésola” o “missora”, pi tardi el “segheto”parché no ghera mia la “colheitadeira”.
Quel che catea su la quantità pi granda de sachi de fomento el gávea el dover de pareciaghe na “grostolada” a tuti i soci dea capela.
Co i ndea a filò i se portea insieme un fasso de steche de scàndole par iluminar la strada al ritorno parche la luna la era belche ndata zó.
Go sentisto dir che ntea “China” i rospi i è scampadi trè dir prima che vignisse el teremoto.
Ghen sarà tante altre coriosità che bisognaria registrarle parché le fusse cognosseste e no le se sparissa.
Varia caro e restaria ringrassiante, ricever la descrission de altri costumi.
Par questo, vui assarve el me indirisso:
Rua Marechal Rondon, 458
CEP. 99.700.000 = Erechim – RS.
hotohonorio@yahoo.com.br

Sen. Eduardo Suplicy

Como professor de Economia desejo saber de V.Excelência se o atual Salário Mínimo de Cr$ 678,00 mensais atende ao prescrito no Art.7º, inciso IV, da Constituição Federal.?
Antecipo agreadecimento.
Sr.(a)Honório Tonial
O Senado Federal agradece a colaboração.
Sua participação é muito importante para nós.

Julia Vargas

Jóia sculpida dal Signor,
Un fruto del primo amor
La deventa el vero altar.
I genitori i poderà venerar
A questa belessa inocente.

Vardar el corioso presente
A trassiar la strada futura
Ricever el vigor dea natura.
Gusto dea gaucha tradission
Ai acordo del balo e cansion.
Salve la to poética mission!

Erechim,2013

Honório Tonial

TRADUÇÃO
Jóia esculpida pelo Criador,
Um fruto do primeiro amor.
Torna-se um verdadeiro altar
Os pais poderão venerar.
A esta beleza inocente.

Olhando o curioso presente
Construindo a estrada futura
Recebendo o vigor da natureza
Prazer da gaúcha tradição
Aos acordes de dança e canção.
Salve a tua poética missão!

Gabriel Vargas

Gavemo un angeleto caro
A saludar el di ben ciaro
Benedeta sia la prima età!
Ragi celesti dea felicità
I toi genitori i te caresserà
E la Julia, così cara sorela
La te someiarà na vera stela!

Viver la belessa dea fantilità,
A vedar i fiori dea modernità
Regali dea mama e del pupà
Gesti de sta inocente felicità,
Alegria, salute e bona volontà!
Saludemo sto fruto dea natura!

Erechim, 2013-0
Honório Tonial

Temos um lindo anjinho
Saudando um dia bem claro
Bendita seja a Primeira idade!
Raios celestes da felicidade
Os teus pais te acariciarão
E a Julia, assim tua linda irmã
Parecer-te-á verdadeira estrela!

Viver a beleza da infância,
Vendo as flores da modernidade
Presentes da mamãe e do papai
Gestos desta inocente felicidade
Alegria, saúde e boa vontade!
Saudamos este fruto da natureza!

ZIO POLETO

Zio Poletto – omenaio de Honório Tonialago 172012. 17/08/2012 Posted by Talian BrasilOmenaio de Honório Tonial a Zio Poletto
Chapecó Santa Catarina, Ai sedeze giorni del ano de Jesu Cristo de due mila e dodeze.
A Mio Caro Maestro

Honório Tonial

Com tantissima contentessa go ricievesto el bel homenaio che te me gué fato, mi no me mérito um bel laoro cozzi, vui ringrassiarte tanto.Ma ! Son resta medo iseminio de tanto contento e me zé vegnesto voia de ringrassiarte al medásimo momento, ma lê parole no lê zé vegneste !
Lora gó parla coi mei botoni e semo ndai intezi de cercar in tel dizionário, e no go cata lê parole giuste, son ndato nte la cademia de letre, gniente, son ndato a la mina de oro, de diamanti, e sassi preciosi, al ( Garimpo ) e gnente de valor par poder pagar-te, son ndato al fondo de mar, e in fine, go ciapa na condussion spacial e son ndato al spaço sideral e infati no gó cata parole par rigrassiarte come gue volaria, lora go metesto in te a conta de Dio che el te dague a paga bem giusta, se te te meriti
Um toco de la luna.
Má che el Signor lê el paron del mondo che te la daga, prima de Tuto tanto coráio e salute par portar a vanti la tua maniera de esser, um gran Maestro, com gran competenssa. Stame bem. Grassie Grassie tante mila volte
Um Gran Abrassio de tuo amico Zio Poletto

LÌNGUA TALIAN

LINGUA TALIAN

La ga el gusto del ciuciar
I peti dea nostra mama.
Nostro primo balbuciar
Gusto che se infiama!
Un vero sesto de amor
Al giardin, un novo fior!

Tanti di e diverse ore
Al bambin se ghe discore.
Le parole de sto infante
Imparade nte un instante
A ogni di, se spande tuto
Nasse un pi bel buto

Hoh! Prodígio dea natura,
Orassion suave e pura
Nostra fameia tanto cara
Ogni momento la impara
Rason del nostro Talian
I lo ga portà da lontan
Ore e ore ntea borasca

Tanti dialeti ben diferenti,
Osei marìtimi presenti.
Nasse le prime comunità.
I paesi i deventa nove sità
A risgatar al incoi e al diman:
La nova e cara língua TALIAN!