PRODIGIO

Prodígio
Hinório Tonial


Scomìnsio a navegar...
Inserca del capel picà in gnente
Chel fará depì belessa a la gente.
Rissercar qualche inspirassion
Discuerder alcuna brentana...
Sensa diression o tramontana
Cognosser qualche serenata.

Cosa sarale drio ciacolar,
Quele trè stele del firmamento?
Me fermo soto na finestra
Suspiro, in silensio a scoltar
El prenunsio de na bela festa
De gran contentamento.

Ligando la television
La me mostra tanti colori
Del mondo na vision
De disgràssie e dolori
Giornade de vacanse
Del carnaval la festa ,
Dal celo le saete e la tampesta
De disgràssie e de amori
Acidenti ntea bruta strada
La umanità transtornada

Cosa sara el diman?
Con le babèliche novità
Saltando fora de tuti i cantoni
Capir no saremo boni
Ma bisogna salvar la pele
Ogni uno a la so maniera
Dimandarghe aiuto a le stele
Poco o gnente giovarà
La disgràssia la riva intiera
Chissà quando la se fermarà.

Viver ontìnuo mirácolo
Ogni momento, na nova ventura
Qual sarà el fredo oràcolo
Anunsiando la sepultura?
Se vive questoinserto mondo
Un falso e dèbile espetàcolo
De un longo viaio sensa ritorno

I IGNOTI Jovino Castel

I Ignoti de Honório Tonial

Go finio de leser “i Ignoti “ de \Honório Tonial, e ala prima lesesta, vol dir che questa zé la seconda, go dito che me tochea tornar in drio a cercar qualche difeto, che se nol ghe zera, fursi al ghe manchea. Confirmo che el ghe manca el difeto de tirar la stòria pi lunga. Na stória no ocor esser lunga, tanti romansisti gan scrito stórie curte, ma na stória che zé de agradàbile de leser, non se volaria che se fenissesse tan presto.
Fursi questo fà de Honório Tonial un grando romansista. Sarà so stilo esser drito e sceto, sensa imbroiamneti, risolvendo súbito le crise dei relassionamenti. El scritor vive da sveltoe sensa perder tempo mostra súbito la essência de rivar súbito al scopo.
Econômico co le parole che le cata care e preciose, e com queste non fà desperdíssio fandoghe poco caso ala morte che la se cata fiaca devanti la granda voia de viver e de far futuri ala nova Pátria dei nostri Ignoti.
I so personagi, lu dize che i sai fictissii, ma mi cato che i zé tuti da vero che ancora ancoi ghen nasse, vive e more tuti di ntela nostra granda nassion taliana.
I sarà omeni e done con qualità e difeti perfeti pal nostro atual stagio di evolussion.
Liviani i so pecati, gnanca un degno del inferno, i ga implìssito la scusa del celo, parche sono persone che gan tanto amor. No go visto secso splìssito e par questo no se pol farse maraveia se nò c’o la hipocrisia de catar che sia robe de altro mondo e che quà non se fà.
Sensa secso non ghe saria la omanità che sarà finia suito dopo finio el secso, quando saremo tuti angeli alora. Là fursi se fará sol veramente el amor.
Go messo in balansa i tradimenti de le done e dei omi del romanse. Se fà tanta mareveia el spìrito maschio davanti el tradimento de na dona, Honório gà fato le parte giuste. I omi non por richiamar, principalmente parché per tradire se no zé co na putana, tocarà esser co la dona del amigo o del vissin. Par questo che fursi honório, sensa misterii gnanca dolori, fà le riconsiliassion com tanta fassilità, parche el cata che omi e done no gan debiti in tra de lori.
Perdonarse zé na roba sempia, desmentegar e riscominsiar, o sol andar avanti stesso come se gnente stato fusse. Scusarse zé come bever zó na medicina che fà ndar in drio el mal come fusse na scoreda spussenta, e sìpia finia. Par perdonar no se pol pensar el mal fato, ma el bem che se pol far de li avanti.
Nantro aspecto de la filosofia secsual de Honório me gà savesto tanto saliente zé la assoluta libertà, tuto zé stato fato consientemente de libera volontà, come gà dito la tosa al prete al confissionàrio se la gávea fato contro la volotà, e la ghe dize: – Nò padre, zé stato contro la taipa dedrio la capunara.
No go visto stupro né violensa. Podemo dir, alora che, Honório, ai otanta, gà fato secso cola potensa de um zoven de vinti traverso i soi protagonisti.
El auge de la opera de Honório me gà savesto esser la emossion. Sarà um difeto brasilian prianzer per um ritrovo, o cose someiante, ma ritrovarsi fradei, gemei, genitori em um tempo lontan e in uma Pátria distante gà na carga de sentimenti emotivi come quando nasse o more um fiol. Par de veder la man de Dio a far la condussion del caretel de la stòria par che la se fenissesse polito come sara stato el desídero del letor al scominsio de la scrita.
Se no el ghe na altre stòrie de scrite o in mente, e che Dio ghe daga arquanti bei ani par che le fae vegner fora, semo davanti de um GRAN ROMANSISTA DE UMA STÒRIA SOL, parchè la grandessa de um romansista non se misura contando i nùmeri dele pàgine del libro, ma par la carga de emossion, par el resgate stòrico, par la fassilità de la linguage, e par che nò par la simplissità.
Sono sordi e orbi i cinematografatori al potensial de “I Ignoti”?
Anca i scritori, i poeti, i pintori, cantautori e artisti sono dispresati e vìv0no al descaso come Ignoti. Nò poche volte, come sucede co le bone somense, sol dopo che lê se dèsfano soto tera, fiorìsseno scopiando in fruti e fiori.

Cari(e) amighi(e)


Parché me toca ndar al ospedal par scambian la prótese del femur che la gà perso la valità me toca dirve che i vostri bei mensagi solo posso riceverli a partir del mese de marso.
El vostro pensamento positivo e chissà anca qualche preghiera i deventarà un bon aiuto par la mia recuperassion.
Un strucon de man del
Nono Honório

Elb a Tonial Andreola

De: "Evaristo Andreolla" Exibir informações de contatoPara: hotohonorio@yahoo.com.brOlá, meu tio!
Que espetáculo mesmo!!!!
Nunca vi tanta beleza reunida em apenas alguns jardins. Fá fin pecá morir!!!! Obrigada pelo momento de enlevo que nos proporcionou. Chamei o Evaristo para repartir com ele tanta beleza. Um buquê de rosas de todas as cores para o senhor. Tenha um ótimo final de semana junto aos seus. ELBA


--------------------------------------------------------------------------------

Elba Tonial Andreolla

Sinalizar esta mensagemRE: Enc: O presente das rosasQuinta-feira, 17 de Março de 2011 10:33De: "Evaristo Andreolla" Exibir informações de contatoPara: hotohonorio@yahoo.com.brBom dia, meu amado tio!
Que mensagem belíssima!!!!
Gostei porque senti que o buquê de rosas que Deus me deu, está se tornando um imenso cofre cheio de jóias que nada pode destruir. E chego à conclusão de que o mesmo acontece com o senhor. Suas mensagens são valiosas e sua missão neste mundo, está sendo cumprida à risca. O senhor é o HOMEM GENEROSO da história. Continuo aprendendo muito com o senhor. Muito obrigada e que Deus o conserve por muito tempo em nosso meio. Sua presença é LUUUUZZZZ. um beijo da sua sobrinha e afilhada ELBA


--------------------------------------------------------------------------------

Zaniolo dea Germania

Caríssimo amissimondoveneto dea Germânia Roberto Giovanni Zaniolo.

Eco na espression che noantri mensionemo tante olte : I COCÙMERI DE ME NONA’
I me gà capitai anmca a mi.
Go fato na prótese ilíaco-femural dea me gamba drita a tredese ani indrio;
“ La dura diese ani!,,,! Gà sentensià el dotor dea medicina.
Fà trè ani che la gà scominsià a incomodarme e i dolori sempre cressemdo...
El dotor Néri Omizzolo ( un dei nostri taliani!) el ricore a una radiografia e el me dise che bisognarà obedir a la traumatologia : Trucar “el cocùmero” vecio e guastà, per un novo.
Ma, ai otantassincoe ani de età, i rognoni squasi stufi de laorar,el motoreto cardiaco faiando e el perìcolo dea emoragia, e la mancansa de calsio,e....e.....e.....(sentenaia de esame).
Ai 23 de febraro i me gà scambià sta benendeta pròtee. Sei dì de ospedal, sparig tuto el dolor, ritorno a casa in bona salute.
La medicina, la Volontà de Dio, la me credulità, lê preghiere e i medicamenti, tuti insieme rivemo a na solussion benèfica!
Al concorso Raise go mandà trè partissipassion mie: due in prosa e una poesia. Go fato la divulgsssion del concorso atraverso la ASVIRMONTAVE,
Magari, me toca dirte, caro Zaniolo che anca el ano passà gò rimetesto la mia partissipassion a divrsi concors”.Concorso internazionale Mario Donadoni ,Àcque Slosse e Raise, e no go savesto gnente fin adesso!
Spero che sto ano i me comuniche , al meno, el recevimento dea partissipassion independente dea resulta.
Profito la oportunità par ringrassiarte per la tua dedicassion a questa emérita causa de tutelare el idioms dei nsotri antenati
Rinovo i mf auguri de salute pace e prosperità a ti e ai toi cari.
Nono Honório Tonial
( Publicà ntel Blog do Talianeto)

Zaniolo dea Germania

Caríssimo amigomondoveneto Honorio Tonial:
Ciao! Come che la va?

Par Odete go savesto che te si stato in Ospedal
e che par fortuna de tuti te si vegnesto anca fora!
Lo digo schersando ma lo digo sul serio!

Ogni tanto go visto passare dei beíssimi pps via Elio Zanetti
e cussí no savevo se te geri ti torná dal Ospedal,
o Zanetti che mandava!

Gera romai da tanto tempo che gavevo da scrívarte
che me vergogno no poco de farlo sóeo che desso!

Tempo fa go spedío l´invitassión a partecipare al Concorso RAÍSE...
Un bel concorso dove la organisatrice, la Signora Emanuela Chiarion,
ga dato ´na serie de pícui o grandi, vantaji ai amissi oriundi véneti de tuto ´l mondo!
´l principáe, che me domandava anca Frei Rovilio, zé quéo de poder spedire anca par Mail!
Ma...´l pregio principáe che ga la Signora Chiarion, che la ze anca assessore áea cultura del Comune de Arquá Polésine,
zé che la zé tanto disponíbie al diálogo!
Propio ´na brava signora che vae a pena de darghe ´na man a trovare tanti partecipanti al Concorso de ogni ano!

Spero che te lo gapia fato ora de védare
e che te gapia anca fato promossión tra i amissi soci de ASVIRMONTAVE, si?
Se no, te fe ´ncora ora!
Chissá che se catemo in tanti, come l´ano passá!
Bravíssimo!

Par piassere, seto dirme come che la sta "Sole" da Serafina Correa, che ze da tanto che no me risponde?


Caro amigo Honorio,
te áuguro ogni ben a ti e áea to famejia
e a tuti i amissi ASVIRMONTAVE e tuti quéi che nel tempo profita dei to insegnamenti!

Un abrasso forte forte,
Roberto, amissimondoveneto dáea Germania

A presto co tuto ´l core!