---EL FIORETO.
L´era na spèssie de novena che se fea al mese de maio, in preparassion a la Sagra del di 26, festa dea Madona del Caravaio, lo zo al Boa Vista, Sananduva. Se cantea el rosàrio in Latin: "Ave Maria, gratia plena...Santa Maria Mater Deii",.....,se dizea su i misteri gloriosi e se cantea le lode a la Madona, queste in Italiano. Scominsiando là par le oto de sera el se finia darente le diese, dopo del Dio Sia Benedeto...! La pi parte, pena vignisti casa dea colònia, i se scambiea de roba e vignia, a pie, grandi e pícoli un drio laltro. Finia la serimònia, se ndea fora dea cesa e el primo fabrissier Bepo Chinàia, el dea i avisi. " - Stassera scominsiemo la programassion par la festa del di 26 de maio, in onor dea Madona del Caravaiio - I Nanei i pareciarà 200 spéi par el sorasco. - E ghe vol che i sia de "guamirin" par no farghe spussa o gusto tristo a la carne,,,Ghe dontea Gigio Aio. I Dalaio e i Bruneto i menarà na carada de legna paromo, el di 25. - Angichi, naransere da mato, gràpia o guagiuvira... Avisea el Madei La faméia de Giusti la taiarà le fòie de palmira par far i archi dea procission, lori che i ga pràtica... La fameia de Ricieri Bachi la farà la netìssia intorno a cesa. Diman de sera ndaremo avanti co la programassion. Par stassera, Bona Note a tuti..!" - Bona Note e bon riposso.... i dizea tuti. I pi zóveni i corea in volta, al ciaro de luna, tuti contenti.. Le tosate le se metea a brasseto e le partia davanti... I tosati, pena dadrio i ciacolea forte par farse sentir... I pi veci i scominsea cantar el Ciareto su quel monte, el Monte Grapa, El iera sera andando a spasso... e così vanti. Dopo i ndea a casa riposar, par levar su bonora e ndar in colonia, al di drio. La nostra fameia la era granda, sereino le porte e , via tuti a Rosàrio..! El nostro pupà : Matteo Tonial, l’era Professor e el fea parte dea cantoria. In cesa, se gavea due file de banchi, davanti el altar, co i so balustri e i nici dei santi. Dadrio del altar ghera la sacristia co i paramenti dei sacerdoti quando i vignia far le vìsite, qualche sepolimento importante e tele feste. I tosatei e le tosete i restea davanti, o sia, tei primi banchi. I omi e i tosati a la banda sanca e le tosete, le done e le tose , dea banda drita. Quei dea sanca i fea la prima parte dei canti e dele orassion e quele dea banda drita i fea la seconda parte. Tute le sere, dopo del rosàrio, la programassion dea Sagra la ndea avanti. - Chi elo che va comprar le vache..? Dimandea el Bepo Chinàia. - Mi ghinò due tea stala e , se ocore, el me vizin Se,mo l Perondi el ghinà due anca lu... Dise Gigio Bruneto. Dopo de ciacolar un paro de menuti i ga catà la solussion: Due vache de Selmo e una de Bruneto parvia del peso dele bèstie. - E a casa de chi, meteremo el Frate..? - Da Cencio Tonial che lu el ga la casa granda e l´è ben postà Nostro zio Vicente léra maridà co la Maria Boareto, el gavea na bela casa, darente a cesa e na fameia granda: 14 fioi, ma el gavea de tuto quel che ocore a casa de un agricoltor de quei tempi. Fin na ragna par ndar al paese. - Le Figlie de Maria le pareciarà el altaro co le toaie, i castissai, i fiori e tuti i paramenti. - Gioan Chinàia el sonarà la campana e Selmo Perondi el se incaricarà dei mortari, foghete e rochetoni... Finida la programassion i se inviea banda casa. I Perondi, Bruneto, Madei e i Tàrtari , Dallaio e Bachi i ndea banda el Tigre: i Chiàia, i Fracasso e i Tonial in diression al Gauavirova: i Nanei, i Picinin e i Giusti, banda Santa Apolònia.. Un grupeto el scominsiea i canti dei nostri imigranti: - Go girato l,Ìtalia al Tirol... Nantro grupeto el ghe rispondea: - Na verginela non posso trovar... Nantro grupeto el ritornea: `- Ciareto su quel monte.... Quelaltro el rispondea : - Giulieta, la pi bela..... Usuário_Discussão:Talianeto/Arquivo
EL DI DEA FESTA. Gnanca na núgola tel celo e le rondinele e le sisie le tàia el firmamento saludando el sol chel spunta pien de luce e caldo! El sonar dea campana el se mistura col s-cioco del mortero e le persone le camina a le sguelte. Grande e pícoli, a pié, a caval, de ragna o de careta i forma na vera prtocission, saltando fora de tuti i cantón… Ben vestidi, co la facia ridente e và rento tea cesa par ciapar i meio posti… El altar el mostra i fiori e le toai bianche, piene de candele. El Frate el mete su i parmenti e i fabrissieri i impissa le candele…La cantoria la verde la serimònia con na lode a la Madona del Caravaio… El sacristán el porta el misal con tuta la reverensse.. Tea consacrassion le persone le se indenocia e le suspira\ devoción e adoración. E, sta olt, la sagra la è cascada pròpio tea doménega… Que festa..! Gh,è vignisto gente de tuti i cantón : Dea Guavirova i Guzzo, Dalla Santa, Bianchi, Carbonera, Trentin , Paloschi e altri. I Panserra, Predebon, Silvestrini, Pagnoncelli e Slongo, tuti bergmaschi da San Gaitano… Dal Pessegueiro, rivea i Bof, i Fracasso, i Testa…. Dea capela Santa Apoliania vignia i Bachi, i Sganzerla e el Bejano..! Questom l.era el ùnico straniero chel parlea el Portoghese , Magari, lu sol, parché nissuni i lo capia.. E tosati e tose i vignia co i so cavai inseladi con pelegri ,badana e rédene nove..! La mama la verde la finestra, la respira fondo e la mormora: “ Che bela giornada..! La Madona la se mèrita…!” Se scolta el primo s-cioco dei mortari e i gai i scomìnsia a cantar. Par fin che la natura la vol far festa anca ela. La gente la core a vestir la roba nova, vardarse tel specio e inviarse par la strada, in diression a la capela. Veci e zóveni, grandi e pìcoli, omi o done tuti i camina a le sguelte, parciaparse indrio, dopo de ver serà le porte dele case. La messa, la procission, la prèdica i deventea sucedimenti che i asea la gente comossa..! – Quanta devossión..!? Al mesodì se magnea el sorasco. Par i tosatei e par i vecioto se gavea i dolsi de pasta e i bussoloti. Na spèssie de cuca intorciada… No posso smentegarme del primo sorasco magnà a la Sagra dea Madona del Caravaio : El scarpo de vaca…El me ga costà un patacon guadagnà tea roda dea fortuna. E par bever go proà, par la prima olta, el refresco de manèsia Bergamini..! Me par in cora de sentirghe el gusto…Dolse e frisante..! Finio el disnar, là par le due ore, i omi i scominsea a zugar la mora e intonar i primi canti populari tliani: Ciareto su quel monte, la Bewla Violeta, El Massolin dei Fiori, ka Bela Polenta e tnte altre. I tosati e le tose i sominsiea ndar a spasso in grupeti par smorosar… I tosatei e le tosete i fea i so zughi: El Campo, i Quatro Cantón, el Fassoleto , el Anelo e altri…. A le quatro, se ritornea a la cesa para dir el rosario chel se finia col “Dio sia benedeto”. I veci, le done e i tosatei i scominsie a tornar a casa, compagnai de quei che i stea distante.
Talian La Nostra Vera Língua AI AMIGHI DE TUTO EL MONDO
