LA CROSE
Me póro pupá el gavea sempre da dir che ogni uno in tea vita el ga
la so crose da portar.
Dele olte, quando se stá con qualche
dificoltá, pararia da dir che lé solche a noantri che le vién, peró, co se
varda in torno se vede che tuti i ga la sua.
Par la nostra, pararia che sia pi granda de
quele dei altri.
Chi dise che no ga problemi in tea so vita nol
passa de un busiardo.
El
pupá el disea
che se cadauno el
ciapessa la
crose rapresentada per le so dificoltá,
la portessa in te na piassa ndoe tuti
i altri i portasse la sua, meterla
insième da quela dei altri e dopo vardar le crose dei altri – i so problemi –
sicuramente el tornaria indrio, el ciaparia
la so própria crose e el tornaria a
so casa sensa brontolar co nissun, conformá co le so dificoltá
Co se ga problemi no se nicordemo che
ai altri ghen sucede tante cose come le sucede a noantri. Lé na condota avara,
meschina e trista, par no dir dispetosa.
Lé perche come gente, per índole
naturale semo imperfeti e el nostro tramonto ne fa vardar solche le nostre
magagne.
Chi no crede nte questo che scrivo che
vaga star arquante ore nte un pronto socorso.
Li se ghen trova eventi che mai se
spetaria veder.
I fa
tratamento, nò sol del corpo.
Na fievera, na bissiga ntel pie, na
óngia imbrocada ntel deo ne fa mal, ma ghené dolori che no ghené come farli
ndar via cossi fassile.
Lé i dolori del cor, del’ánima. Quei li,
gnanca i dotori i ga le medissine che le fa sparir del peto e dea mente. Ma i
fá um bom aiutoo.
Colaborassion del Luiz A. Radaelli- Lageado-RS
