ACRÒSTICO

ACRÓSTICO
Honório Tonial

Emossion e sensibilità
Ricevesta nel tuo mensagio
I costumi de na europea cità
Con spiensa e grando vataio

A noantri dei paesi brasiliani
I bei momenti de vera novità.
Tanta oportunità dei taliani
Arte francesa , bela novità.
Na ben moderna fraternità
Tanta amicissia registrarà
I  nostri ringràssii te ghè merità

ACROSTICO

ACRÓSTICO

Honório Tonial

Emossion e sensibilità
Ricevesta nel tuo mensagio
I costumi de na europea cità
Con sapiensa e grando vantaio

A noantri dei paesi brasiliani
I bei momenti de vera novità.
Tanta oportunità dei taliani
Arte francesa , bela novità.
Na ben moderna fraternità
Tanta amicissia registrarà
I i nostri ringràssii te ghè merità

Nantra Vìsita

Achilles José Parmegiani, un profesor pensionà, el ga laorà ntea Delegassia de Insegno de Erechim, a quel tempo che mi son stato el Delegado.

Come professor e come Orientador de Insenho el se ga merità la amirassion de tuti quei che i lo ga cognossesto..
Dopo de tanti ani, incoi lè vignisto far na vìsita a casa mia.
Noaantri semo restai contenti parché la so amicìssia la deventa un fortificante par el corpo e par el spìrito.
Lo ringrassiemo e lo consegnemo ntel nostro Blog.

NORME PAR SC RIVER EL TALIAN

NORME PAR SCRIVER EL TALIAN.

Honório Tonial.



I dise che le parole le spiega, ma i esempii i comprova.
Alora vedemo. Come scriver?
Piero lé me fradel
Piero el ze me fradel.
Marieta la è me sorela
Marieta la zé me sorela
Marieta lè la me sorela.
Toni el ndea a messa
Toni el ndava a messa
Toni el andava a la messa
Toni el andeva a la messa
Noantri finimo.
Noantri finisson
Noantri finissemo...!
Missora o césola?
Rento, drento, dentro
E tante altre situassion.
n che le cataremo, a ogni momento, ntel idioma Talian.
Bisogna spiegar chel Talian nol ga mia paroni. O senò: Tuti i taliani i é paroni del so idiom Talian.
del spìrito filantròpico dea nostra gente, noantri defendemo na ùnica règola che la solussiona, in definiivo la question:

TUTI I ESEMPII I GA LA SO VALITÀ.

Podemo doparar quel che catemo meio.

MA UM SOLO. Se scominsiemo con una dele forme, bisogna mantégnerla sempre.
No se pol far misture
El can de tanti paroni el patisse la fame.
Ogni scritor el ga el so stilo. Nissuni i pol dir: Mi sò tuto!
O,” tuto quel che cognosso lé mio.”
Cognossemo el stilo de Frei Rovilio, quel de Luzzatto, de Silvino Santin, de Mario Gardelin, de Edgar Maróstica, de Helio Oro, de Luiz Radaelli, de Arlindo Batistel, dea Giorgia Miazzo, de Julio Posenato,de Claudino Pilotto, de Ary Vidal, de Eduardo Grigolo, dea Odete , de Jovino Castel , de Lair Zanatta e de tanti altri scritori del nostro Talian.
Ntea Revista Quatro Ciacoe cataremo diverse maniere de scriver.
La finalità la è quela che permete capirse e farse capir.
Erechim, febraro de 2013

SALUDANDO

SALUDANDO IN TALIAN.

Honório Tonial


El di el ga vintiquatro ore.
El scomìnsia sempre a la mesa note.
Gavemo quatro momenti:
- Come saludar?

I - Da la mesa note fin al sciarar del di, saludemo:
a – Quando se riva : Bona note
b _ Quando se va via ; Bon di, Bon Giorno,


II Dea matina bonora al mesodi, saludemo:
c) Quando se riva : Bon di o bon giorno
d) Quando se va via: Adio, ciao, stame/steme ben, arivedersi ( Un saludo sol )

III – Da mesodi al scurir saludemo:
e) Quando rivemo : Bona sera
f) Quan do ndemo via: Bona Note.
IV - Dal scurir fin a la mesa note, saludemo:
g) Qauano rivemo: Bona note
h) Quando ndemo via : Adio, ciao. stame/steme bem, arivedersi.


Nota: Disemo “stame” se ghè na persona sol.
Disemo (steme” quando ghinè depì de una.

I PRIMI FIORI

Honório Tonial

Salve la nostra bela revista
Ostentada par na giornalista,
Nassesta un vero talisman
In lìngua e sangue ´próprio talian.
A farghe la apresentassio

Movesta par na forte emossion,
A far referensa al so amor filial
Revelando dea so mama, el bruto mal
I prodìgii dea so forte italianità
A continuar cantando con quela età !

Benedeta sia la nova inissiativa
E che, par molti ani se mantegna viva
Tante oportunità par la nostra cultura
Tanto coraio dei noni a mansar la natura.
I scritori, i radialisti e anca i rissercadori
Na fontana piantada con i pi bei fiori
El parlar, i costumi e le bele cansion
Lodemo la grassia dea so salvassion.
Ledendo dagusto la revista Brasil Talian
I disgusti, la tristessa, el dolor i starà lontan.

Chi sarala la persona

Caro Paulo.


Me vien in mente un tocheto de na cansion dei nostri fioi dei imigranti che la dise così:
“ Nantra olta che lu el passa
Vui tegner la testa bassa
Sol pa farghelo saver
Che creansa lu nol ghinà !”
E ghe donto mi:
“ Bisonha volerghe ben a la verità.!”
Te disi ntea Revista Talian, a la pàgina 8, che te si “socio fundador dea ASSAPRORATABRAS!?
I veri fondatori de sta instituission che ti te voi “sassinar”, nte un spasmo de
paranose, mi credo, te li cati ntel me libro CARÌSSIMI SCOLTADORI., con ritrato e tuto.
Lo cognóssito?
Te ghè sempre partissipà atrapaiando e reclamando.
I altri soci che i lo diga.
"sostituta" dea prima, la deventa nantro mostrengo ilegal che me piasaria discutir con ti, Rovilio Costa e altri Taliani davanti San Piero che spero la gràssia de catarse tuti isieme.
Par estingher o transformar na instituission con registro in Cartorio la nostra lege la esige na assembleia spessialmente convocada e la concordansa dea maioria dei soci e dopo un recrimento al Cartorio del Registro solissitando el canselamento, con apresesenassion dea cópia dea ata.
Cosita me ga informà el Cartorio..

Spetarò la tua manifestassion vanti de publicar questo testo ntel me Blog do Talianeto
E, el Libro de Atas dea ASSAPRORATABRAS.????.
Con la amicìssia che te mèriti
Te saludo

Honório

LA VÌISITA

LA VÌSITA

Honório Tonial

Deventa na vera casualità
El trio che me ga visità
Peron, Molossi e Pavan
Un grupo che parla anca Talian
Tuti fando la so apresentassion
A crear amicissIa in comunion.
Dotor Luis, brao avocato
Onora Nova Basano, onde è nato
La “Acessore” la fa el so ritrato :
Un candidato próprio efissiente
I ostàcoli dea vita presente,
Solussion plena i riceverà
Molto granda opotunità
Operando la dopia citadinansa
La so elession lè la speransa
Ostentando la partissipassion
Somemo un ùnico sentimento
Saludemo sto caro momento
I fruti dea vitoria i madurirà!

EL TALIAN

EL TALIAN.


Honório Tonial



Me poro pupà lera maestro chel insegnea la Dotrina, leder e scriver e le quatro conte. No podea mancarghe la “Taboada”
“a e i o u” Scominsiea el primo libro: Cartilha Maternal de João de Deus.
La ùlima lession la gavea el tìtolo de Hino de Amor:
- “Andava um dia em pequenino
Nos arredores de Nazaré
Em companhia de São Joé
O bom menino, o bom Jesus..”
Dopo vignea el secondo libro, el terso libro, la selete e el Manuscrito.
- Chi de noantri no se recorda : - la bissaca, la tabela, la steca, la caneta con la pena e el tintiero...?!
La recreassion e el zugo de Campo ntea ora del merendin i deventa momenti de eterno ricordo!.
- Poche olte son ndato in “preson” parché corea come un lampo.
- E i me compagni i vignea liberarme suito.
- Zugheimo el “fassoleto” la sentura, i quatro cantoni..!
- Quanta nostalgia..!
Magari, in scola se imparea come i papagai che i dise ma no i capisse mia.
Mi catea strania la “Boa tarde” a la nostra: “Bona Sera.”
E le nostre prime cansion?
El Ciareto Su Quel Monte.. Pelegrin Che Vien de Roma... La Bela
Violeta... La Mariana.. El Massolin de Fiori, Sul Castel del Miramel, La Colombina La Va Par Aria..e tante altre.
La nostra comunità dea Linha Boa Vista, capela dea Madona del Caravaio, a Sananduva la era composta solo de taliani: Par ordine geogràfica i era:
1- Bepo (José)Tartari, che i ghe ciamea “ Chinaia “ ( No sò parché)
2 – Gioan Tartari (Chinaia)
3 – Valente Fracasso
4 - Iano ( Valeriano) Fracasso
5 – Mathias Tonial ( El maestro)
6 – Cencio (Vicente )Tonial
7 – Toni (Antonio) Picinin (D’oro)
8 – Giorgio (Jorge) Picinin (D’oro)
9 – Selmo (Anselmo ) Perondi
10 – Gaitan(Caetano) Perondi
11 - Toni (Antônio) Perondi
12 – Arminio (Herminio) Perondi
13 –Gigio (Luiz) Dallaio
14 – Gigio (Luiz) Bruneto
15 –Gioan (João) Bachi (copà ntea revolussion)
16 – Bepi ( José) Bachi
17 - Gioan (João) Giusti
18 – Piero ( Pedro) Tartari (Chinaia)
19 – Fiorindo (Florindo) Zenere (Nanei)
20 – Gioanin (Joãzinnho) Amadei
21 – Toni (Antônio) Amadei (Mandolin)
Bisogna spiegar che gaveimo le done con i so cognomi:
Boareto, Dagani, Ghindani, Bertoncelli ( Baràcola)Dalla Santa, Gregolin, Paloschi, e altre.
Come esempio, femo el nostro registro:
“Me poro nono paterno Antonio Tonial lera de Caneva, Sacille, Pordenone.
La nona Paterna Elisabeta Moro la era de Vicenza , Veneto.
El me nono materno Francisco Dagani ( Fasolin) lera cremones, dea Lombardia
Me nona materna lera de Mantoa, Lombardia.Alora sarò Furlan, Veneto, Cremonese e Mantoan.”
Ricordemo i primi abitanti taliani del Rio Grande del Sul:
Sto preambolo el fa vegner la dimanda:- Qual la orìgine del Talian?- Dentro dea imigrassion gavemo la maioransa dei veneti.

- Ma ntea diglosia dialètica nostra gavemo veri nidi de dialeti- A) Mantoani, feltrini, cremonesi, bassanesi, milanesi, trentini, furlani, bergamaschi, Bellunesi, napolitani,etc... Tuti confinai ntea selva con tute le agrure del isolameno e la mancansa de ogni recurso.
Saria na vera babele rissercar l’orìgine etimològica de tuti i dialeti, diversi de questi belche sparidi.
Alora noanti gavemo imucià la maniera di farse capir dele nostre persone dea comunià che resulta una vera “menestra”, sensa o con poche predominanse na vera filantropia che la ga ricevesto el nome de TALIAN.
Come e ndove lè sta fato sto batésimo?
El movimento el ga tante radise:
A Serafina Corréa i ga fato el primo registro ntea Prefeitura.
Diversi scritori i ga publicà i so libri de Stòrie Fròtole, come Nanetto Pipetta de Achiles Bernardi, i libri de Darcy Loss Luzzatto, la Editora EST dei Frati Capucini, spèssie soto el comando de Rovilio Costa, tanti scritori de Caxias do Sul, Santa Maria, Erechim, Flores da Cunha , Bento Gonçalves, Garibaldi e diversi altri munissipi del Brasil.
Movimenti par meso dele programassion radiofóniche e publicassion ntei giornai i gà fortificà el movimento.
Ma la Pia Batèsimal del Talian la ga bio el so momento fatal al tèrmino de diverse reunion de un grupo de rissercadori, in reunion a Serafina Correa ndove el architeto Julio Posenato el ga apresentà la susgestion ben fundamentada, del vocàbolo TALIAN con consenso de tuti i participanti.
Luzzatto, Costa, Massolini, Arroque, Maneco, Beltran, Tonial, Alberti, Lago , Piloto e Gonçalves i ga concordá par unanimità.
Ghe Nassesto la idéa de elaborar na “Cartilia’ del Talian”. Honório Tonial el ga fato la sàgoma del libro: ADESSO IMPAREMO. Luzzatto el ga fato la editorassion e la impression. El se ga tornà paron dei diriti editoriai.
Me toca far un registro tuto spessial al professor Giovanni Meo Zilio chel ga dato el so valioso contributo al risgato del idioma dei nostri imigranti.
Con na verba del Governo Italiano e con la so presensa inaugural gavemo fato un Curso de Talian ntea URI de Erechim. Silvino Santin, Helena Confortin, Vitor Nardeli e Honório Tonial i gà ministrà la programassion convensionada.
Anca, sentimo la necessità de mensionar i Incontri dei Corai e le reunion dele fameie.
Diverse organnisassion come; El Gilè, el Grupo Avanti, I Miseri Coloni, la Fabricheta de Rider, Sul Paion e diverse altre entità de cantoria e dramatisassion .
Ma , dimandemo:
- Cosa zeli drio far par salvar el Talian?
Dispiase segnalar che serte instituission che le pararia Taliane, le se dise “venete” le insegna el Italiano Ofissial in detrimento del "parlar dei contadini“ come lori i lo giudica.
- Vien in mente el lupo con la lana, o la volpe co le ciave del ponaro.
Volemo dir chel nostro Talian el deve èsser na porta par studiar anca la lìngua de Dante.
El nostro paese el dopera el Portoghese, o sia la lìngua del Portugal.
Serte dotorande dea università le ga defeso la tese del Talian par poder laurearse, seanca, magari, le ghe dà poco valor al Talian. Le me fà ricordar el lebo (ghebo), un rissipiente par darghe el bevaron o le sémole a le bestie domèstiche
Dopo de ver impienio la pansa se pol reversar sto lebo a gambe in su. ...
Grassia al Signor, adesso gavemo la Radio Talian Brasil e la Revista Talian Brasil che mi volari che la deventasse anca la Revista Mondo Talian parche mantegno corespondensa con diverse persone taliane de paese del mondo, doparando sto caro idioma: Italia, Germania, Francia, Mexico, Argentina e Stati Uniti.
Gavemo 404 contati, con predominio ntel Brasil.
No saria mia giustissia se no segnalasse na referensa tuta spessial al Jovino Castel e el so congiunto chel ga musicà la me poesia ASVIRMONTAVE – Assossiassion Mondial del Talian Veneto che la suora de Roma Giovanna Zanotto la ga ilustrada.
Nantra persona che la se mèrita el ricordo la è la Dotoressa Giorgia Miazzo na giornalista e maestra italiana che la se impegna par el Talian. Un onor al mèrito.. La felicità de riceverla a casa mia la se merìta el registro...
Par diversi ani, go fato scola de Talian a :
Erechim, 2 ani: Gaurama, 1 ano letivo: Jacutinga, 1 ano letivo: Ibirubà, Curso intensivo de una stimana; Palma Sola, Santa Catarina, Curso Intensio de una stimana..
Come autodidata go scrito: Imparando Talian, Abecedario del Talian. Cartilia Virtual, Vademecum del Talian, Apendisse, Verbi Taliani e altre publicassion che se pol catarle acessando le parole-ciave HONORIO TONIAL WIKIPEDIA.
- Meritaria crèdito diverse reunion, programassion de radio col cognome TALIAN quando se dopara el Portoghese e el Italiano Ofissial par“studiar” el nostro parlar?
- Con la informassion sgoelta e moderna podaréssimo far na cadena de amicissia e cultura doparando el e-mail par far i bei anei.
- Ogni volontario Talian nol guasta gnete par dirghe al so amigo chel ghe mande la sugestion a altre tre persone.
- In poco pi de tre di varéssimo semenà el Talian par squasi tuto el mondo.
- Queste considerassion le ga el vero scopo de darghe valità a la espression:
MI SON TALIAN, GRASSIA A DIO!
Osservassion: veri nidi = verdadeiros ninhos.
Sàgoma = modelo , por extensão: rascunho.
Pararia = pareceria(m)

ANA MARIA TONIAL

QUERIDO TIO HONÓRIO, A SUA MENSAGEM SOBRE OS SESSENTA ANOS CHEGOU EM BOA HORA. ESTE ANO MINHA TURMA DE ESCOLA DESDE O PRIMÁRIO, COMPLETA OS 60 ANOS. ESTAMOS SEMPRE UNIDAS DURANTE TANTOS ANOS. NOS ENCONTRAMOS SEGUIDAMENTE E CONVERSAMOS MUITO.


O ASSUNTO AGORA É A NOVA IDADE, ATÉ ENTÃO NOS CHAMAVAMOS DE 'AS CINQUENTINHAS' E A PARTIR DESSE ANO ' AS SESSENTINHAS'....ISSO TUDO ESTÁ SENDO VIDA PARA NÓS, ALEGRIAS E MUITAS RISADAS!... OBRIGADA POR SUAS LINDAS MENSAGENS, ADORO RECEBÊ-LAS. ENVIE SEMPRE. QUE A SAÚDE E PAZ LHE ENCONTRE MUITO BEM JUNTO A TIA E ATODA A FAMÍLIA. NÓS ESTAMOS SOBREVIVENDO... BJS TIO . ANA MARIA

NANTO NTEL CARNAVAL

NANETO AL CARNAVAL


Honório Tonial



STRIBILIO:

Vignisto dea colonia
Go fato na bruta sbòrnia.


Varda che spetàcolo
Mai visto un compagno.
No so se rido o ciàcolo
No so se bevo o se magno.

Sta mùsica del samba
Salti sensa diression
Go quasi spacà na gamba
In meso sta confusion

I tosati, anca le tose
I canta ben disperai
No sò se i fa morose
O se i pesta su i stivai.

Mi son meso stupidoto
Sarò propio un bel mul
Tuti i salta, i va a troto
Le tose le mostra el cul.


Le done bele e le tosate
Co le so robe mese strete
Le discoerde le culate
E le fa veder le so tete.



Sarà che mi son orbo
E ghe vedo cosi mal ?
Son mia el negro corbo
Spetando morti del carnaval.

JOVINO CASTEL

21:38

De: "juvenald@terra.com.br" Exibir informações de contatoPara: ""Honório Tonial""

Carìssimo Honorio, sicuro che l'è giusta par far na mùsica, agradévole, alegra, anca crìtica. Sì, un "Samba Enredo", chissa qua un per de ani la sia a Rio de Janeiro. No ve prometo par suito parché go altri laori in viaio e col praso storà, ma suito che me cavo fora de sti afari ghe vao drio, come na sciosa, magari, parché mi son tanto pegro, come digo sempre, ntei di de piova che no da par ndar in "colònia", ghe vao drio ala mùsica.

Gràssie par tanti regali che fe tuti i di al talian.

Jovino





On Sex 8/02/13 09:50 , Honório Tonial hotohonorio@yahoo.com.br sent:





Carìsimo Jovino
Scomìnsia el Carnaval.
Vardando la televisiom, go ciapà na inspirassion.
E gd pensà::
- Se fusse mandàrghela al brao Jovino..?
Podaria saltar fora na musicheta.
Te desdero un bon Crnaval;
El `to fraterno amigo

Nono Honório Tonial

JOVINO CASTEL

Carìssimo Tonial, congratulasiion par el oportunìnnimo testo in defesa del talian. Voi saré la nostra prinsipal riferensa, che vé mantegnerà vivo e che sopraviverà par sempre. Se anca no lo mèrito, vui segnalar la vostra mensonada al me nome come fruto dela vostra bontà e la ricevo con devossion e come un stìmulo de continuar a far qualche cosa par giutar el Talian.


Jovino Castel (Juvenal)

NA GRATA VÌSITA.

El Ieri, 06 de febraro de 2013 go rIcevesto nA vìsita inèditA che la me ga renovà la alegria de viver e confortà el corpo e ànima; Idacir Pavan , dea FAINORS el ga menà a cas mia el  Giornlista, me amigo Desiderio
Peron, dea Revista Insieme e el Dr. Luis n dopia citadinansa.
Na visita de  granda importansa a rispeto del nostro Talian e le so atività de radio difusion e reviste.
Lè stato un momento che marca un recordo ntea nostra vita.
El nostro pi caro ringrassiamento

cOMENT\ÀRIO

Carìsimo Jovino.


Go scoltà el to arangio musical .
Con le làgrime de emission e contentessa ntel anima son rivà a questa conclusion:
- Sensa frontiere e lìbera ntel mondo, desfando el giasso dei cuori indiferenti, parando via la ingiustissia, la invídia e tute le malegrassie dea umanità... La serà anca na Arte donada da Dio.
Ma, soratuto, la me recorda le ale dei angeli, la incarnassion dea natura, el rìder del sol, el splendor dea luna el sintilo dele stele...
I sentimenti i se alsa e i se sbassa al imbalo dele note musicae che le desmissia
La aderenalina che no son bon de catar parole par transcrìverla...!
Na vera divinità..!



Um cordial saluto.
Honório

Aniversário

AUGURI

Honório Tonial

Jesù el te benedissa

Oncoi , che bel di !

Che la se indrissa,

E salute, sempre depì.

No occore saver la età

A ti, basta  la felicità

Rami de bei fiori

A ricamar el to cuor.

Tuti i eterrni tesori

Omenaiando el amor

Nasce nova sperança!

I insonii de gran bonansa

A coronar la bela  festa

La nostalgia la ghe resta.

PARABENS.

Jesus te abençoe.

Hoje, tão belo dia !

Que tudo endireite

E saúde, sempre mais.

Não é preciso saber a idade.

Pra ti, chega a felicidade

Ramos de lindas flores

Enfeitando  o teu coração

Todos os eternos tesouros

Homenageando o amor

Nasce nova esperança

Os sonhos de serenidade

A   coroar a linda festa

A saudade é que nos resta.

Incontro dea famei T O R M E N

T R A D U S S I O N

Honório Tonial





Incoi lè un giorno de eterno ricordo ntea nostra vita !
Parché noantri semo quà nte sta cesa ndove i nostri antenati Basilio e Vittoria Merlin Tormem i vignia far le so preghiere, batesar, cresemar, ricever la Prima Comunion, maridar i so fioi e nepoti.
Posto de tante alegrie, ma anca de momenti dolorosi.
Questo posto, passadi sento e vinti ani del arivo de Basilio e Vittoria, con due creature nasseste in Italia che i gavea nome Eugenio e so sorela Angela Maria riceve, par la prima olta, sta numerosa delegassion de vinti persone vigniste dea cità de Triquiana, Provinsia de Belluno, Italia.
Persone che, ntele so vene pulsa el stesso sangue, chel nostro!
Sensa dubio semo testimonio de un pìcolo prodigio.
Digo pìcolo prodigio parché fea depi de vinti ani che noantri Tormen del Brasil , ndeimo inserca dei nostri parenti là in Italia, ntea cità de Belluno e intorno,.
Voleimo catar le nostre radisee e cognosser la stòria dei nostri antenati.
La prima persona che ga bio la felicità de ritrovarli la è stata la me cusina Maria Aparecida Tormen.
Anca ela la li ga rissercadi, magari la era ntea giusta cità de Triquiana.
Quando, ricevesta par Oreste e Silvana Tormen e verghe dito che la era dessendente de Basilio e Vittoria e che la era dea fameia de Andreia Tormen e Maria Dal Magro , el Oreste el ga schiamà:
“Eco el anelo dea cadena chel ghe mancava!”
Saveimo che Basilio e Vitoria, insieme con i so fioi, i gavea imigrà par el Brasil.
Ma, el Brasil zelo cosita grando ?
- Ndove sio de star, valtri?
Volea saver Oreste.
E la Maria Aparecida la ga scominsià a spiegar, un poco in Portoghese, un poco spagnolo e un poco in dialeto véneto ( Talian ) le pìcole cose che la savea a rispeto dei nostri antenati.
Da sto momento in vanti la nostra stòria la se ga scambià.
Incoi mantegnemo contato stimanal par meso dea Internet.
Mi go bio la felicità de esser ricevesto due olte a casa del Oreste e altri parenti che i è quà presenti.
Gavaria tante bele cose da dir, ma el tempo lè curto.
Suplico a tuti i Tormen , Molossi, Lunardi e Sotilli che i scominsie a trucar e-mail e, soratuto i zóveni che i profite sta larga porta che la se sverde par tuti, e i partissipe na permuta con i fioi e nepoti dei Tormem che i è vignisti dea Italia con la finalità de spandir la so cultura e informassion.
Che i gapia orgolio dea nostra fameia Tormen parché, gràssia ala rissercadora e professora Dina Vignaga gavemo cognossesto la storia dea fameia con i reai documenti scominsiando dal ano mila chignento e setanta.
Le sarà poche le fameie con el registro de tanti ani de storia familiar.
I nostri antenati Basilio e Vittoria - lu fiol de Andreia e Maria Dal Magro - i è stati i ùnichi dei dodase fioi che i é vignisti, con i so due fioi nassesti in Italia, che i é Eugenio e Angela Maria.
Covien ricordar che i nostri noni no i ga mia bio fortuna de cognosser gnanca un dei so dermani.
Par ùlimo, desìdero a tuti e caro e felice incontro.
Chel sia un di de confraternisassion intrà fradei del stesso sangue e chel nostro bon Dio e la Madona i benedissa e protegia tuti noantri .
Convien ricordar che i nostri noni no i ga bio la fortuna de cognosser nessuno dei so dermani.
Par ùlimo, desìdero a tuti, un caro e felice incontro
Che sia un di de confraternisassion ntrà fradei de sangue e che el nostro bon Dio e la Madona i ne benedissa par la nostra protession.
Tante gràssie a tuti.!

.

LA MAMA AL MERCÀ

LA MAMA AL MERCÀ.


Version Honorio Tonial



1 – La me mama lè ndata al mercà.
Quando queialtri i torna. ( bis)
Qundo coeialtri i torna de chi, i torna de li...
Quando cueialtri i torna....!

2 – Là lè ndata comprar un caval
I ghe parassù na mussa.
Na mussa de chi, na mussa de li.
I gh parassù na mussa.

3 - La gà menada sul rio bever
Ghe gera mia àqua.
Àqua dw chi, àqua de li
Ghe gera mia àgua

4 – La gà menada sul prà a magnar
Ghe gera mia erba
Erba de chi, erba d li
Ghe gera mia erba.

5 – La ligada soto un perer
Ghe casca zo na brogna
Na brogna de chi, na brogna de li.
Ghe casca zo na brogna

6- Lè cscada zo par na recia
La ghe ga rot na gamba
Na gamba de chi, na gamba de li.
La ghe g rot na gamba

7 – I ga mandato ciamar el dotor
Dotor ga fat un taio
Un tio de chi, un taio de li
Dotor ga fat um taio


( E NO LA È GNANORA GUAIDA...)