STIMANA SANTA

STIMANA SANTA
Honório Tonial

Otanta ani indrio
Se vivea la Stimana Santa
Co vero Timor de Dio,
Bona fede e granda speransa.

Mi era incora picinim.
Um mese vanti le feste
Se ndea , col milho, al molin
Pareciar el magnar par le bèstie

La Stimana Santa intiera
Se pensea ntea morte del Signor
Se preghea dea matina a la sera
Meditando ntel nostro Salvador.

Guai laorar in colônia,
Cantar, rider forte o ndar a spasso.
Tuti insieme a la serimònia
Dea Madona con Gesù morto in brasso.

No se parlea del cunicio,
Se querdea i santi ntel altar
Col vergel de luto su el nicio,
E le candele a iluminar.

Dea Páscoa, le Cicolate,
Nissuni i le cognossea
E, davanti le stassion beate,
In denocio, perdon se dimandea

Le ràcole le fea tasar le campane
Matracando la pura devossion
Invitea le persone tute compagne
Dei so pecati,far la confession

Se catea sù la marsela
Matina bonora, col saren
Par pararvia qualche masela
Un pìcolo sià ,copa el velen

Benedeta la sémplice poesia
Che La permete registrar
La verità , la stòria e la fantasia
Dei bei costumi par, mai pi, smentegar.