Ary Vidal

--------------------------------------------------------------------------------
Date: Tue, 26 Oct 2010 18:06:30 -0200
Subject: Re: SAPORE D'ITALIA - VIDAL ARY
From: vidal.tradission@ig.com.br
To: amissi-mondo-veneto@hotmail.it


Caro Roberto Zaniolo,
Mi son ben grássie e Dio e con gran voia de far ogni olta coalche roba de vanso par la nostra cultura italiana.
Ti te si próprio brao de conservar el parlar dei nostri antenati.
Co relassion al incontro a Serafina mi saró lá se Dio voli. E vago drio veder come posso inviarte la lista de tuti i compagni che i fa pragrama in véneto-brasilian (el talian).

Mi vago drio far na vísita al nostro Maestro Honório Tonial, el ze romai vecioto e gavemo gran rispeto a la so persona. Honório Tonial el ga fato tanto par mantegner vivo el nostro parlar.

Co relassion a la poesia no go capio puito, mi a go mandà al conconso nantra olta sto an e fin incora no a go ricevesto gnente de Verona
parlando se la ze stata publicà tel concorso Mario Donadonni. Ma se ti te sà coalche cosa depì a rispeto de sto me informe, benon!

Un gran strucon de man, e chissà un di noantri se caton quando mi ndar in Itália e saria on piaser cognosser la to persona.
Ciao e bon laor - Ary Vidal


Caríssimo grande e zóvane amigo e amigomondoveneto,
propio de quéi che se dá da far!

Intanto te ringrassio suito dea promessa de mandarme ´na calche lista dee trasmissión radio
che se fa intel Brasíe in lingua Taliana!
Magari co pí indirissi Mail possíbii, e altre informassión.
Pensar che a Serafina Correa go ´na caríssima amiga: Solange Maria Soccol ( SOLE )
cantante e poetessa,
maeandátanto e che ghe vede poco!
A lavora nel Municipio...
Se te capitasse de incontrarla: daghe par piassere un abrasso da parte mia! Grassie

Desso in serata ( qua) ghe scrivo anca al Gigante Bon del Talian Brasilian
don Honorio Tonial, che se ghemo anca sentío par teéfono da casa mia
fin che gera lá Odete Mingori!
Ghe scrivaró in relassión al testo che´l ga scrito par Odete
par insegnarghe ´l Talián ai tosatéi!

Te diró che´l libro zé aposto, perfeto!
Disemo anca che leséndoeo... go impará calcossa de portoghese!!!
Complimenti Honorio!!!

Co relassión al Concorso Mario Donadoni de Bovolone
so che te ghe partecipá parché go visto la to poesía
publicá so l´Antología!
Drento te trovaré anca la mia...

Ma anca ´l "Retratista" de Honorio no gera gnente mae!

Intanto mi te mando copia de questa che se trova anca sol Sito dea Biblioteca de Bovolone.

Par sto ano che vien
spero che vegna acetá le me proposte de alargare i premi
e le fasiitassión de partecipare par tuti i amissimondoveneto da qualsiasi ángoeo del mondo!

E quando che te vegnaré in Italia...
faremo in modo de catarse, sí?

Un abrasso a tuti dó
maestro e alievo,
pare e fióeo,
nono e nevodo

da parte de sto poro voeontario
che serca de mantegnere i contati
e l´unión col mondoveneto!

Un strucón. Roberto