FRÒTOLE TALIANE

FRÒTOLE TALIANE.

Mi le go sempre doparade come motivassion quando fea scola de Talian
Dimandeghe a Lair Zanatta quando el gera de star a Ibirrubà; O a la Odete Mingori, a Palma Sola, Santa Catarina. Ai studianti taliani de Erechim, Gaurama, Aratiba e in tanti posti ndove go parlà ntele radio o fato Scola.
Ma, parche le fròtole?
Credo che gavi savesto che “chi ride vive depì” E anca: “ Chi conta un conto, ghe donta um ponto”
Tuta la fròtola la ga un poco de verità.
No solo i nostri noni i contea stòrie ntei so filò..!
El me primo libro el ga el tìtolo: Na Sbranca de Stòrie e Fròtole.
Próprio parché la fròtola e la stòria le zé gemele par mantegner viva la maniera de parlar dei nostri imigrantenati e so dessendenti..
Tante fròtole le zé piene de insegnamenti e de discrission dea vita dei nostri antenati.
E podemo dir che anca sert bekìssime cansion mùsiche Le someia fròtole muicade.
La inteligensa dei contadori la fà saltar fora serte espression spetacolare.
Come quela che go scoltà in questa ràdio: “ La vaca la gavea magnà vieri e la ga dato cria a un vedel chel ze nassesto co i ociai” - Che cosa stupenda..!
Credemo che la mùsica la toca el cuor dei nostri scoltadori.
Mi scolto, sempre che posso, la bela programassion dea Rádio Talian e vui farghe un omenaio a tuti quei che i participa de na tanto granda inissiativa ; Ghe vol coraio e tanta dedicassion par un laoro che, son seguro, el sarà el primo ntea Mèrica che i nostri antenati i ga iutà a fondar.
El nostro saludo a tuti i scoltadori.Ndemo avanti..! No stemo fermarse!