Reforso:
Juvenal Dal Castel
Òstrega!
Maròstica!!!
L’é Tonial acora
Sempre in bona ora
A omenaiar gente bona
Alegra e laoradora
Se mèrita Maróstica
Come de lù desmentegarse?
Se el zé par tuti i cantoni?
Sfido chi che zé boni
Far come lù compagno
Da far rider fin i rati
Sú par sora i sataroni
Se lo sinte ntele Radio
Zó par de quà ntel Rio Grande
E anca sù par de là
A Santa Catarina e Paranà
Anca altri stadi del Brasil intiero
E seguro anca al’estero.
Chi che no cognosse
El Timbre de la so ose
E anca de Bartoldeto?
Fin drio in schena lo ricognossemo
Pal só tìpico capeleto.
Nessun savarà esser compagno
Come Tonial al dise:
El vero auténtico Talian.
Fin i sordi lo capisse
Parche el parla tanto cola boca
E altro tanto cole man.
Par questo che mi gò fede
E sfido quei che no crede
Che sarà salvo el nostro Talian.
El registro de le nostre pi care amicissie par meso dea poesia.
Un saluto a tuti.
Nono Honório Tonial
Este comentário foi removido pelo autor.
ResponderExcluirDavanti Adamo e Eva,lontan
ResponderExcluirSaremo tuti veri fradei
E cosa dir del nostro Talian?
Saremo tuti quanti fradei.
Carìssimo Fradel del Cuor e amigo Honorio
ResponderExcluirLa crose che protemo,
al fin del destin
la ne alsarà al cel.
La crose che catemo,
l'è la medésema
dei nostri antenati
e de tuti quei
che i ze belche ndati.
Nantro poc pi avanti
la portemo anca noantri.
Sbrìssia la mente
del Omo che sente
el ciel che vien zo
divinisar la Tera.
Ntela note scura
par smarir la paura
ne basta la fede
e la garansia sicura
de che la vita la continua.
Le fiachesse del corpo
Piampianin le ghe dà el posto
al spìrito che'l cresse
e'l sbrìssia in su
In dirission al cel
Ndove ne speta Jesù.
Gràssie grando amigo Honório par tuto quel che se drio far
par fiorir la vita de la vostra fameia
che l'è devenetada granda che gnanca vu savé imaginarla.
Noantri semo tuti ciuciafiori dei vostri colori, dei vostri odori
dei vostri consìlli, dei vostri poemi che i restarà registradi ntei nostri cuori.
Ve desìdero ancora arquanti ani de permanensa fra noantri,
se anca sé stufo, par noantri sé aiuto, esémpio de pasiensa,
parché ne ocore imparar cola vostra speriensa,
cola vostra bontà, cola vosta sapiensa.
Dio ve benedisse
Juvenal (con onor) e sempre con Honório ntel cuor