LE TELARINE

LE    TELARINE

Ntel trascorso del ano se stea intivai a tender solche i laori. E ghenera abastansa.

Del sciarar del di, fin, sera,  scoasi no se vansea tempo gnanca par gratarse.

 Tempo libero solche a la domenega parché bisognea ndar ntea cesa,  par la messa o par pregar el rosário con tute le litanie.

Ntele giornade bele se ndea laorar la terra e,quando piovea se ndea  ntel paiolo o ntea  cantina, scartossar e sgranar milio; a netar fasoi; o rangir  altre cose spacade. Co rivea la fine del ano, vanti el Nadal se fea la netissia pi granda  ntea casa. Ricordo che se netea polito rento e fora. Darente el querto ghenera sempre letelarine fate par i ragni e col passar del tempo le restea piene de pólvera e le se fea veder ben.

Alora, par spassarle via, tacheimo na tacoara  ntel mànego dea scoa e se la trea in qua e in la, fin cavarle via. Anca in cantina ghenera tante telarine che fea fin  schifo. Noantri no érino boni de capir come che i ragni i zera boni de far ste telarine che le se someiea ai ricami e a la dressa che la pora nona la fea.

Pi tardi gavemo discoerto che letelarine le ze le tràpole  par ciapar le mosche e altri bisseti par el somagnar.

Ma sia qual sia, na olta al ano ne tochea cavar via ste telarine e sempre che le caschea ntea nostra facia le ne fea fastidio, che no me piase ricordar gncora incoi.

 Per quela  lé che i disse che a cagni e ragni no se ghe comanda.

Colaboratore: Luiz A. Radaelli – Lajeado – RS

Revision : Honorio Tonial -  Erechim-RS