i due veceti

I  DUE  VECETI.

                                        Honório Tonial

 

I era poareti ma ghe piasea ndar senar ntel restaorante, almanco na olta al mese  quando i ciapea la paga dea so pension.

Na bela sera i è ndati nte un restaorante novo e i se ga sentà nte un cantoneto.

El garson ghe porta el libreto col menù.

- Noantri no savemo mia leder..!

- Femo cossita,  dise el veceto.

 - Pòrteme un piato de menestra par mi e un bife, ben grando, par la me dona.

El garson el ga obedio.

Finio da magnar, el veceto el torna a parlarghe al garson:

- Adesso  porta  un piato de menestra par la me dona e un bife grando par mi.

El ga obedio nantra olta.

Finida la sena, el veceto el dimanda la conta , el paga , el ringràssia e i se invia par ndar fora del restaorante.

El garson el li  ciama:

-  Mi son corioso... Me piasaria saver el parché dea vostra serimònia.. Prima la  menestra, dopo el bife. Prima par uno, e dopo par quelaltro. Elo el amor a la vostra sposa, o un costume, o cosa elo..?

- Varda, caro... Ghe dise el veceto. Noantri gavemo solo na dentadura...!