Luiz Radaelli, de Lageado-RS

Al veder tei ultimi tempi, tei giornai e tea television, la quantità de furbi che se fa de paroni de cose che le ze de tuti brasiliani, me vièn na ràbia tanto granda che me fa indrissar i cavèi e sigar me recie. Son mia bon de
capir come che tanti i se fa de sfaciadi, laorando sol par el bene dee so scarsèle, al medèsimo tempo che ghenè tanto par far par el pòpolo brasilian.
Co vardo ste matità me fa vegner i ricordi del tempo dei nostri noni, quando atorno dea necessità dea comunità, dea cesa, scola o ospedale, tuti insieme i laorea sensa nissuno voler guadagnar qualche vantagio che no fusse
e el bene de tuti. Ghe voaria che tornessa ncora quel tempo quando el fil dei mostaci zera quel che bastea. Ncoi, principalmente tea politica se vede la mancansa de rispeto e de onore. Me par che ze tempo de far ritornar la scuria o la bacheta de stropa par russarle su le spale dei lazaroni, e urtar in gàbia i pelandroni se volemo indrissar questo nostro Brasile, fato col sudore de tanti che oramai i ze ndati al paradiso. Come dise el provérbio: dei pecati dei signori chi fa penitensa ze i pòveri.

Colaboratore: Luiz Radaelli