TALIAN

RICOGNOSSER EL TALIAN.
Honório Tonial.

COSIDERASSION PRELIMINAR.

Gavaremo la possibilità de tornar ricognossesta la lìngua : TALIAN..?
Come far un movimento par giustificarla , darghe forma unificada , règole gramaticale , in suma, tornar el nostro TALIAN : NA LÌNGUA RICOGNOSSESTA:
No podemo dir che el Talian el sìpia na lìngua “assente” dei mesi de comunicassion parché la ASSAPRORATA – Assossiassion dei Apresentadori de Programa de Ràdio in Talian la congrega depì de sento persone che i la difonde par sentenàii de scoltadori del Sul del Brasil.
I libri didàtichi del Talian i è na realità :
a) ADESSO IMPAREMO , Abecedário del Talian, de Tonial Honório 1996 – Sagra Luzzatto – Porto Alegre.RS.
b) DICIONÁRIO PORTUGUÊS-TALIAN, Tonial Honório, ano 1997, Ed. EST-Porto Alegre.RS
c) TALIAN-(Vêneto Brasileiro) Noções de Gramática, História & Cultura , LUZZATTO Darcy Loss,1994- Sagra Luzzatto, Porto Alegre.RS.
d) DICIONÁRIO TALIAN_Vêneto Sulbrasileiro, PORTUGUÊS, LUZZATTO , Darcy Loss, Sagra- Luzzatto, Porto Alegre-Rs
ARTÌCULI SEMANAI NTEI GIORNAI: Corrêio Riograndense, de Caxias do Sul ( com penetrassion in diversi Stati del Brasil e anca al esterior), colaborassion de diversi scritori; Jornal Popular , de Nova Prata-Rs e A Voz da Serra de Erechim-RS.com colaborassion de Honório Tonial.
E quanti libri scriti in TALIAN..?
Storiadori, rissercadori, poeti, contadori de fròtole... Quanti e quanti...
La esistensa del TALIAN l´è inquestionàbile. Ma no la è mia ricognossesta. Parché..?
Volemo scominsiar un MOVIMENTO PRÒ RICOGNOSSENSA DEL TALIAN COME NA VERA LÌNGUA.
Sensa nussuna negassion del Italiano Ofissial credemo chel Talian l’è na strada par rivar al Italiano, basta dir che la nostra preocupassion la è mantegner el Talian pi arente possìbile del Italiano.
Nantro sforso el sarà permiter la esistensa dele diverse forme de parlar el Talian. Sta nostra vera lìngua no la è stàtica, ferma... La riceverà vocàboli moderni e anca parole abrasilianade.
I nostri primi imigranti i se mèrita mantegner viva la so memòria , la so cultura, el so laoro , la sua glòria de ver fato cresser i paesi e sità.
Manda le to sugestion , el to apoiamento, le to idée.
Indirisso: Honório Tonial
Rua marechal Rondon, 458
99.700.000 –Erechim-RS.
Telèfono: 54-321-3523.
Fax: 54-522-3422
E-mail : hotohonorio@yahoo.com.br