Mi me ricordo quel tempo che ti te ghè scrito el abessedàrio, pien de fraternità e voia de ndar d'acordo con tuti. Con tuto el rispeto e con amissìssia, me toca dirte che, se tiremo un par banda, no giutaremo mia el talian. Semo pochi, e par che, ntel futuro, solche se parlarà l'inglese. Lora, se cada un se ga la so "unificassion" personal ("unificacion", par mi, d'acordo co la to maniera, se lese "unificatchion"), e le so règole, e i altri che i se ciave, el risultado serà na grossa confusion, e perderemo tuti. L'è quel che sucede in Itália:cada un se crede el Profeta e, cossita, noi se mete mai d'acordo. Pori grami quei che i lese: pinpian i se stufa e assa de banda el parlar dela cultura familiar e dele tradission.
Son stà mi el primo a parlar de unificar la maniera de scriver el talian (nò de parlar), son stà mi invitar par la prima riunion quei che scriveva in talian e, ntela me testa, son sicuro che me toca scoltar i altri e, dele volte, assar de banda quel che penso mi, par guadagnar el tesoro dela unità. Me ricordo l'esémpio del Frate Rovilio: lu el ga scrito depì de tuti i altri insieme e, nte quela prima riunion, el podeva dir che la so maniera la doveva esser la règola par tuti i altri; invesse, con umilità, el ga cambià profondamente quel che el faseva da tanti ani, e, de là in vanti, el ga scrito secondo quel che tuti insieme gavévimo acordà quel di.
Mi te scrivo parché ti no te si mia un poro gramo; ti te si na personalità tanto importante ntela cultura taliana, e me fa pecà véderte ndar sol, invesse de laorar insieme con quei che, de bona vonlontà, i sogna partar vanti el talian nte un mondo ndove l'è sempre pi difìssile la permanensa dele lingue e dele tradission dei pòpoli e dei grupi culturai.
Posso domante par pensar sora na s-cianta?
Mi te vui ben, e te porto un strucon.
Júlio
Em 1 de fevereiro de 2012 20:47, Honório Tonial
Nenhum comentário:
Postar um comentário
Gostaria de receber comentários referentes aos ssuntos expressos no Blog do Talianeto