LA COA DEL CAN - De Jacir Grando

EL  CIAPA  EL CAN PAR LA COA.


Questo fato el ga sucedesto là a la linia Paloma, Barra do Rio Azul, ntea casa de João Rover,che lera bisnono de là me mama, vegnisto dea Italia.
Intanto che i disnea, soto la tola ghenera un can, sentà zó, con la coa zo par la sfesa del soaio.
A Severo Vedana, (zenero de João Rover) che lera birbante, ghe ga saltà la idea de ndar soto la casa e ciapar el can par la cóa, par spaurar quei che i zera in tola.
Lu el ga fato finta de ver fenio da magnar e lè ndato fora; soto la casa, el ga ciapa el can par là coa e el la tegnea tirada.
Maginarsela!!! El can, robe che el devente mato, el ga tacà a scainar e a voler morsegarghe a quei che i zera in torno là tola, che i se ga spaventai e i ze scampai via, a salti, robe che i se copasse dea paura che i ga ciapa .
I volea copar el can parché i credea che lera deventà rabioso. E sto Severo, robe che el crepe de rider, vedendo tuto quel afar!