EL GIGIO BUSIER

EL GIGIO BUSIER.
Honório Tonial


Iani Fracasso e i so tre fioi i era drio sapar formento ntea recosta del semiterio, darente a la strada che ndea a Sananduva.
Lera un bel luni, là `par le nove.
Gigio Aio, co la so egueta Baia lera drio passar e el li ga saludadi:
- Bon di, cristiani...Si drio sapar formento?
- Si, si... Scolta Gigio; cónteme na busia.
Lu lera el pi busier dea Linha Boa vista!
- Incoi no posso mia parche go pressia. Me toca ndar comprar candele par el velório.
- Chi zeo morto?
- No te sè mia? El Virginio de Bareta el se ga negá ntea stua. I lo ga cata`morto stamatina bonora.
Iani el ghe dise ai fioi:
Ndemo cambiarse e ndemo al veorio.
El passa davanti a casa de Peroni chel li vede e el ghe dimanda:
- Sio drio ndar a qualche festa/?
- Nò. Semo drio ndar al velorio la zo da Bareta. El so fiol Vergilio el se ga negà.ntea stua.
- Alora speta un poco che venho insieme anca mi e la vecia.
E se ga formà na vera procission parché el Bareta lera de star ntel fin dea ligna.
Depi de vinti persone le riva a casa de Bareta che lera in colonia anca lu.
La Marieta, so fémena, la ghe dimanda cosa che i volea.
- El Gigio Aio el ga dito chel vostro Vergilio el se ga negà.
- Ma no savé mia che Gigio lè bisier?
- Ben, ben, meio cosita. Ma el Gigio el me la paga sta olta
Là par le quatro dopo mesodi el Gigio el ga spuntà ntea strada e el riva darente a casa de Iani chel vien fora co la scùria in man.
- Dismonta, che adesso te me la paghi Gigio.
- Ma parché? Ti te me ghè dita che lera par contarte na busia e mi la go contada.Vito che obidiente che mi son!.
El ga dato na sicotada a la Baia e el se la ga fiocada par la pi curta!