EL ÙLTIMO VIAIO

EL ÙLTIMO VIAIO
Honório Tonial

Son levassù bonora, vanti del primo raio del sol.
El celo asul nol gavea gnanca na nùgola e le rondinele le scomonsie le so prime volade, inserca dea so colassion.
Go respirà la arieta calda che la spaiea el aroma del consiero dei fiori, desmissiando tuta la natura.
El senàrio maestoso del orisonte el mostrea la suntuosità del rieto chel se intorcea in meso al prà, ndove se movea le bèstie del fasendiero: galine, piégore, cavai, vache,bechi e angoliste.
Se podea scoltar el vero bacan chel ribombea ntei vali e ntele coline.
- Gràssie, Signor! La tua dignità la specia la to onipotensa!
Me son sentà soto la maestosa mariamola, darente la piantaion dea cana de sùcaro rosso.
Serando i oci, me vien in mente la strada dea vita che Dio el me ga destinà. Coriosa bela, da picinin . Le discoerte cressente le è registrade ntel me libro de memòrie ntel lisseo del me cuor...
Gavarò el me baul virtual ndove ghe sara El lìbero arbítrio par rissercar La felicita, che podemo catarla ntei momenti che i permete farghe la felicita a chi gà de bisogno.
I me amighi pi notàbili i è belche rivadi al porto del proìdigio e m i prego sempre; SIA FATA LA VOSTRA VOLONTÀ!
Ndove sarali i me amighi e compagni de laoro?
No i stà mio distante, magari i gavarà altri interessi.
Go imparà a conviver con le malatie pròpie de um corpo senile, acetándole.
El studio dea Física Quàntica e la richessa dea informática che la me permete trucar mensagi con depì de chignento contati de diverse parte del mondo , alimentando el me Blog do Talianeto e la Wikipédia, la pi granda ensiclopèdia lìbera del mondo, insieme com la compagnia dea me caríssima dona, i me fioi, le me niore e i me nepoti e bisnepoti i me basta par viver in legria e ringrassiamento.