MOMENTI ANTIGHI

MOMENTI ANTIGHI.
Honório Tonial

Son quà, mi sol
Che speto un fiol
Chel vegna catarme...

LA VITA LA È BONA
MA, SENSA PARONA
NO SE POL STAR...!

Go oto fioi,
Sìnque nepoti
E due bisnepoti
La casa la è granda.
La tola la è longa,
Da magnar, a la volontà...
I so auti i è novi
Ma nissuni vien quà.

Scolto la piova,
Le gronde che casca
I ricordi i renova
El tempo che passa...

I amighi, i zughi,
I schersi da tosatei.
Le matine de brina
Drio el fogon in cuzina...
E la primavera
I fiori, cosi bèi...
I filò dopo sena,
El zugo de carte...
E mi solo son quà

Vardarò le stele,
Con la luna. parlarò
E la me nipote bruna..
Malada, però
La piande in cuna

Ndove sarali i me amighi?
Le carte, le boce e i filò?
La ua, le brogne e i fighi?
E el zugo de dominò?

PAR FIN CASTIGHI...
POCHE PAROLE DIRÒ
DEI ME TEMPI ANTIGHI.





Ma quando finirò la vita
Da laltra banda vardarò
Che quel che dasso i se spartissa.
E, se no i barufa, i benedirò

Me piasaria ndar a messa,
Tuti i giorni a pregar...
Pagar na promessa
Ma no son pi bom caminar.

Dopo me meto a pensar
Ntel laoro dei imigranti
Che i è vignisti in tanti
Par nova vita scominsiar.
Le so arme pi grande ?
La fede e la orassion
Trodi verti a facon
La nature che piande

LA VITA LA È BONA
MA, SENSA PARONA
NO SE POL STAR...!

Se um paro de ale
Almanco gavesse
Par presto volar
Ndaria catarla
Basarghe le spale
E farla cantar
E, in eterno afano
Poder cascar.

E , adesso me neodo caro
El to nome Solari
El vien fora pi ciaro
Parche te lo oferto a ti
Te ricòrdito de quel di
Ntel nostro paeseto?
Te me gh´è dimandà um poemeto
E vanti de finirlo
Go el dirito e el dover
De fàrtelo saver
Che mi scrivo in Talian
Par incó e par diman
Salvar el parlar nostro
Che i noni i ga proposto.