Boletino

Boletino

Carìssimi Véneti nel Mondo.
Atraverso del computer gavemo impresso el Primo Boletino dea ASVIRMONTAVE chel fará parte del me archive stòrico chel sarà un mio ricordo par le future generassion.
Con vintidue pagine el registra i mentori dea entità : Roberto Giovanni Zaniolo, dea Itália; Roberto Giovanni Zaniolo, dea Gremania; Eduardo Montagner, del México e Honório Tonial, del Brasil.
Atraverso i primi E-mail ga s-ciopà na “fontanela” de amicìssia col destino de visitare, ntea strada del tempo, tuti i confini del globo terestre ndove abitano i parlanti del Talian Veneto conforme la originale demonstrassion del logotipo dea instituission.
Nte questo primo registro dovemo segnalar i so organisadori :
Olavo Stefanello; Redassion dea revista atrociacoe, de Padova;Silvana Dal Cero,venessia; Ary Vidal , Lapa , Brasile; Mason Danilo, Poeta Veneto; Odete Mingori, Palma Sola. Brasile; Honório Tonial, Erechim, Brasile; Eduardo Montagner,Chipilo, Mésico e Giorgia Miazzo de Padova, com el comando dei due timonieri del stesso nome: Roberto Giovanni Zaniolo.
In poco tempo se ga formà un novo fiume chel se sgrandirà de na maniera fantàstica traverso i continenti
Anca la medicina la se atualisa nte sto tempo de modernizassion globalisada, tendendoghe, no solo a le malatie del corpo, ma anca a la salute del spìrito, dea. ànima dele criature umane
E noantri che semo drio rissercar la amicìssia, la fraternità, la ricognossensa del parlar dei nostri antenati, ringrassiandoghe el so laoro, la sua volontà, i so sentimenti de spiritualità..? No saremo mia drio far un registro dea nostra stòria e cultura?
Ringrassiemo ai novi partissipanti dea ASVIRMONAVE che la congrega i Véneti nel Mondo.
Chssà , la se torna une dele prime, senò la prima organizassion virtual del mondo
Invitemo altri confrateli a unirse nte questo nòbile ideal.
Erechim,19 de aprile de 2009-
Honório Tonial