Cari amissimondoveneto Honorio, Ary, Zaniolo da Villadelconte: Ciao
A go mandà un sterminio de lètare a tante Ambasciate e Consolati in giro pal mondo
e so cussì feìce de vere na risposta come questa...
anca se pal momento no ze nessun risultato!...
che go voesto mètarve al corente de quel che so drìo combinare.
Nantra lètara sìmie a go ciapà da l' Australia!
Ieri gero invità da me compari da Padova e cussì so 'ndà tore anca 'a Cindy Peixoto
che a ze sta feicìssima de ver fato par prima volta a Festa de Pasqueta...
(che in Brasìe no ghe ze),
in pì me ga pena teefonà 'a GIORGIA MIAZZO rendèndose disponìbie
per calche incontro tra amissimondoveneto.
Anca se l'amicissia no ze sòeo virtuae penso che fassa ben a l'anima, vero?
Come materiae de suporto o de stìmoeo pai personaji che riceve par prima olta e me lètare
go usà 'l CANTO AEA TERA MIA de Zaniolo Roberto Giovanni quèo da Viadelconte!
Sempre bea, sempre atuae, sempre stimoeànte.
Anca se a folte femo fadiga sentirse... e tanto manco vèdarse
no ze miga par cativeria, ma parchè 'l tempo a disposissiòn le tanto impegnà.
Un abrasso col core
a nome de tuti i amissimondoveneto
e par tuti i amissimondoveneto
Roberto da San Martin
___________________________________________________________________________________________________________________
Nenhum comentário:
Postar um comentário
Gostaria de receber comentários referentes aos ssuntos expressos no Blog do Talianeto