Conorso dea buzia

EL NONO E SO MUSSA

Ai 1875 nel tempo de la granda Emigracion Taliana, me bisnono, de fameia tradicional (BUZIARI) perdea el Sírio, la nave dei migrante, che partia di Genova par vegner in Brazil. Cativo come na bestia, gá tira zo due strssi, se gá trato so le onde Del mar co na Gôndola menando incieme la bisnona, so 21 fioi e na fioleta de na mussa.
Me bisnono in’itália lera mulinaro, el gavea la medezema idea par el Brazil, se ga mena drio diverse polente grande par el viaio, e dá che la bisnona lera na granda reprodutora, la ghe dea de ciuchar al nono a la sanca, a la musseta a la drita, ancora vancea late par tuta coanta la fameia, e el dizea:“Polenta e late sgionfa le culate”. Dopo de novanta giorni ntel mar, scoazi drio rivar in Brazil i gá ciapá un bruto de un temporal; piova, tempesta, troni e sciantizi. Ntel mar infuria zé vegnesto na onda gigante e gá ingiutio la gondoleta, se gá salva el nono co tre ani e la musseta, dopo due note e due di i ze rivai in tera, el nono incima de na polenta tira par la mussa pica par la côa.
Ntel Brazil, ga recevesto tera del governo nte la sera gaúcha, drio el rio carero,ga fato fameia e col aiuto de la musssa fato su un mulin, volontá de so pupa.”Moinho Riograndense”. Má par parar el mulin ghe volea ácoa, elora el nono gá trato zo un pin de setanta metri de altessa, tirá co la mussa, lo gá saponá e fato el canal. Passai cento ani la bora se gá smarssio, má l’acoa lera tanto tempo che la passea che la se gá costumada de na maniera che la se gá ghanca nincorto che manchea la bora e la contínua a passar e smenar el mulin fin i giorni de ancoi. Se gá torná una atracion turistica coel strisso de ácoa el par própio un arco-baleno, piu bel de vederlo nte le note col ciaro de luna.
Na matina bonora me nono el ciapa la mussa par ndar laorar tel mulin , el tol su la ronca, coela chel se taiea la barba e coando lé riva el gá mola la mussa tel pasto. Col se mete, nte la prima sronconada, na giralaca la leva su la testa e lu ghe la mola de tuta la anima nte na recia de la bissa che le stato un scióco, el roncon se gá mia spaca drio el ocio e lé salta su in giri chep, chep, chep, chep, verso la mussa, la se gá spaurada col bordel, la leva su la testa ntel posto sbaliá nte la hora sbaliada, éco el col tronco, casca la testa in tera, má la mussa le stata ncora in pie, el sangoe de le vene el pissea distante. El nono desesperá el gá ciapá la testa ntei brassi e el me gá ozá; ”Nenê, porteme su cola tenax” son ndá in cerca e no ghe no catá, gô ozá che no ghe nera mia piu, el me dize; ”Ciapa ácoa e na scianta de farina bianca, fá na pasta e vien suito”. Co son riva, gô mai visto el nono de coele maniere,el sudea fredo , el criea come un tozatel, in fati la zera so sorela de late i gá ciucha incieme e nantra, ela lo gavea salva ntel mar co lera picolo, nol podea mia assarla morir. Su, la pasta ntel col, ghe mete su la testa, el tien firme, el conta fin i dieze, el resta in denócia, el varda in su e el dize: “Signor, se la fede straporta munti, coesto col ghe toca butar.” Éco un miracolo, má maledeta pressia, lo gá taca co la testa in su, fea fin um bruto veder. Má ancoi la ze la tel potrero, sana e salva, gorda, fin col canal incima la schena, la magna rabutini freschi, fruti, piu che ghe piase ze el palmito e la beve ácoa com facilitá ntel canal del molin.
Ancoi, coando son saísto de casa el nono me gá dito: ”Coesta la ze la véra stória de la me vita, degha de guadaghar el festival, varda de portarme casa el auto novo, cossita ghe imprestaremo la mussa a la associassion dei produtori de ua del RS par bruscar le vigne.





Autor: EDGAR MARÓSTICA