La vita

Col roncon neteven atorno e coi colpi dea manara scomissieven a taiar le grosse piante. Da drio, pi in su, uno de na banda e altro te l’atra, tireven el segon vanti e indrio par aiutar a taiar. Pian pian le grosse piante le caschea per terra, taiade par esser doperade par legna, palanchi o par far taule. Ligade te na grossa cadena, do giunte de bò le tirea fora. Co la forsa vegnesta de zalde fete de polenta, i colpi de la massa fata den borel de angico, fea spacarse quei legni secolari. Tra tante piante l`angico, l`cedro e la cangerana le gavea la duressa par afrontar el tempo e no smarsirse co la piova, el sol o l`acqua.
Tea vita anca noantri no volemo mia perder la dureza dei gropi. El tempo fa sparir le nostre forse, restemo sol coi nostri ricordi. Tanti dei nostri sogni i ga bio la fortuna de essere rializati e tanti i ze ndati par ária come le piume al vento. Gavemo perso arquanti denti, na scianta de memória, guadangnà la tremarola e i cavei bianchi, ma i òci i ze ancora lusi perche saremo sempre in serca dea longevità.

Colaboratore: Luiz Radaelli – Lajeado – RS (luiz@radaelli.com.br)