Segunda-feira, 21 de Dezembro de 2009 11:15:43De: "sirleijuvenal@terra.com.br"
Para: hotohonorio@yahoo.com.br
--------------------------------------------------------------------------------
Caríssimo Honório!
Gó belche concebesto la melodia e i accordi basichi su la cansion de la vostra poesia. Zé stato come un lampo.
Adesso son drio far el polimento, le corression, indrissar, storder, far i arrangiamenti.
Me par che và esser gran solene, per esser cantata in diverse oze con el Aleluia fando cànone al fondo come fusse na orchestra de oze humana.
Restará tan rica che fursi dispensarà i propii instrumenti musicai.
Me ocore far, sempre con la vostra permission, qualche pícola alterassion nte la scrita, cose come dopiar qualche parola o verseto, far qualche acrèscimo, o far deslocamenti, ma gnente che rimova el significato e la belessa de le rime. Mi ve mando oportunemente tute le alterasion per voi rimeter el vostro consentimento.
Pecà che per questo Nadal non zè tempo de finirla, ma in genaro ghe manco laoro ntel me ofissio che me sostien e podarò ndarghe a drio con pì forsa e tempo. Scuseme i sbaglii gramaticali e ortogràfichi de la me maniera de scriver, e saria gran ringrassià se voi me fessi qualche corrigenda, la riceverò con gran amor.
Ringràssio tute le messagi che me gavè mandà e ve desírero anca mi un santo Nadal pien de grassie e benedission del cel.
El ano novo anca sia pien de salute e iluminassion, e che la vostra mente contìnue esser questa antena che scarmena al mondo el pensier de Dio traverso le vostre poesie e le vostre parole.
Al Laoro!!!
Juvino Castel
Persone come elcompositror musical Jovino Castel le deventa un incalmo ntea vita de tuti quei che gavarà la grassia de scoltar la bele sinfonia che prevedoun tributo a la difìcile arte musical che someia el parlar del angeli cantori intorno al Presepio del Bambim Gesù.
ResponderExcluirSon pramoso che te la finissi con tuta la libertà de far le miicassion che t cati necessario. Um cordial saluto. Honório