Morti Roberto G. Zaniolo dea Italia

Dai morti…..
E prime brose su campi romài udi .
I merli che fistcia soa siesa de rialtèe .
I primi beti , co a so màcia rossa
i zoea infrramedo ae rame del rosaro.

Tepido soe de giornade che se stua
so tramonti paidi o sere de nebia.
Semo dai Morti , mese de devossiòn
mese de preghiere e riflessiòn .

A xente , cata el tempo , in sta vita convulsa ,
de far tre passi al simitero
par catare i so cari , par metare ,
qualche fiore sui pitàri .

Sòe lapidi , tirae a lustro ,i morti te varda
e tra i fiuri e el ciarèto ,
te serchi afeti e ricordi…..
emossiòn che te manca .

On segno de crose , on saeudo
a qualcun che te conosi
e te torni in tel mondo …….
In tel mondo che vive .

Fora dai fiuri , fora daea spusa dee candee ,
Fora da pàcioe e confusion.
Semo dai Morti…………
Fine de na stagion……