Luis Radaelli

Caro amico Tonial.

Saluti mila.

Me par che sia interessante la to idea de domandarse se ze correta la maniera come ncoi metemo i acenti tee parole scrite nel nostro Talian. Lo savemo che tel portoghese la forma de acentuare le parole ze diferente de quela tel italiano gramaticale, peró le cosí che femo.

Come el Talian el ze vegnesto fora de la mescolansa dei dialeti italiani, i linguitisi i lo ga acentoá come le regole dela lingua Italiana. Bene, se tel prinsipio i lo ga scrito de questa magnera, par che’l gavessa na órdine ntela forma scrita e didática, par che’l podessa esser doperá come na forma de comunicassion scrita trá i dissendenti italiani, bisogno se fa repensarlo par el momento presente, quando semo ciamati a scoprire e valutare come mai ze sta, la nostra lengua materna. Questo novo momento sará importante par meter el Talian tel so giusto posto, co le regole ciare, che permessa che’l gavessa la comprenssion dea magioransa dei parlanti.

Za tante parole le ze state aportoghesate o per mancansa de novi témini par elementi sorgisti dopo l’arrivo dei nostri antenati, se vede l’aportoghesamente de vocabuli che i permeta la giusta compreensione, tanto nela scrita come nela fonética. De questa magniera me par che’l Talian el gavaria regole pi brande, che lo faria pi comprensible, sensa perder el so valor.

Questa discussion la se someia come un fiumeto che scominsia co na risorsa, che pian pian va se sgrandindo fin rivar a esser un corso dacqua pi grando. Cosí anca ga da esser la proposission messa in tola per el Barba Tonial. Infati, la cambiansa de idee, de pensamenti e de argomenti, gavará de fornire elementi novi par valutare el Talian. Elementi diversi quando insieme pol risultare en cose bone. No ze mescolando acqua, farina e sale che vien fora na bona polenta?