PREGHIERA

PREGHIERA.,
Honório Tonial

Me son desmissià bonora ...
Arieta calda e celo inugolà
Go verto la finestra
E, con i ociai del sentimento
Un stranio mistero me gà incantà.

La natura, tuta in festa
Incoi zé di de santità
Con le rece dea imaginassion
Go scoltà le prime gronde
Cascando del querto dea casa..
Adesso, bisogna che tasa
Acompagnando el musical
Dele prime gosse profonde
Nte um gran saluto matinal

Quela paveia scura
De fior in fior drio zolar
Àgile, sensa premura
Un protetor la vol rissercar...
E, le rondinele in ària?
El celo, in và e vien a taiar
Le me ricorda le suore
Col velo bianco sora el cuor
Testa bassa, ndando a messa,
Chi sà pagar na promessa
O adorar el so Salvator.

Me fermo um momento
E in gronde de emossion
Fago el segno dea crose
E soto ose in orassion:
- Gràssie, Gesù,
Salvator dea umanità;
Pietà, ve prego...Pietà
Par questo mìsero pecator.