S C U R O .

DUBIO SCURO
Honório Tonial


La inocensa e la simplicità,
La indulgensa e la felicità..
Sarale virtù umane o
Anca del regno animal;
Sarale vivense cristiane o
Anca un instinto animal..?!

Me zé vignisto in mente
In um momento de inspirassion
Comparar i ati dea gente
Con quei dei animai de stimassion...
Gnente meio che a poesia
Par alimentar la fantasia...

El gato quela traditora bestioleta
Ronronando co i so maligni oceti
Con la so facia crudeleta
Ridendo par i mostaceti.
.El brinca el inocente ratin
Con le ongete dispetose
Pròpio darente el copin
Come le mame-rate amorose!


El fà finta de molarlo
E darghe la libertà.
Ma con volontà de magnarlo
- Che bruta desilusion:
E par mantégnerlo in preson ;
Ghe dà nantra bruta ongiada
Sensa nessuna sodission....


Le persone che se vende
A truco de quatro testoni
O inserca de alta posission
Le parecia dei malfati
Con . sádica intension
Pi malissiosa che i gati
El so destin? La presion..!
El me dubio deventa scuro
Quando fago la comparassion
De na cosa son securo:

Bèstie…Puro instinto!
Persone…vìssio distinto!