Jovino Castel

Quarta-feira, 22 de Dezembro de 2010 10:09:57Riclamo ala Madona
De: "sirleijuvenal@terra.com.br" Exibir contato
Para: hotohonorio@yahoo.com.br


--------------------------------------------------------------------------------


Cara Mama del Banbin Gesù,
Son quà in zenocion comiserà e tristo.
Poche olte così me gavé visto
Al vesper de nantro Nadal
Drio fenir la cansion de honório Tonial,
quela che "Vien dal Celo".
La gò adotata con devossion,
E gavemo laorà con amor e tanta dedicassion.
Te gò dimandà la grassia de giutarme
E fenirla par Nadal
Par far un Regalo a Tonial e ai amici del Talian.
Tanto se gavemo sforsai, ma tanti contratempi,
Tante dificoltà de troarse in tesi coi cantori
Gnanca un de àngelo, tuti pecatori.
E adesso ala fin, problemi col softer,
Bisogna un che capisse de computadori.
Madona mia, par fin che no te vol mia
Che la cansion la sia finia.
Ma parla de Ti e del to Banbin,
e de Dio, de San Giuseppe?
Qual saria l'impedimento,
che tiron de recia vuto darme?
E così assarme? Sbandonarme?
Cara mama, me vien un pensiero:
Sarà che quel che penso
Lé la tò ose che sento
Che me dize che "al Nadal
El baruio del comérsio
Squercia el vostro picinin
E la cansion se perdaria
In meso a tanto frenesì.
Toca assar questa tormenta
Regalar la só matéria
In culto al consumismo.
Sarà dopo del baruio
Quando se ferma el vento
La cansion che (Vien dal Celo)
Ghe ocor tanto silensio
Par che se la possa sentir
Tocar el fondo del nostro cor.
Parché nadal de venti cinque sarà suito fenì
e la cansion che (Vien dal Celo)
Farà Nadal de Tuti i di".
Ringrassio, Madona el vostro consolo.
Fé stesso con Tonial, e che el so regalo
rivarà in genaio.
Ave Maria, piena de grassia ... ...

Felice Nadal, Amico Tonial
Jovino Castel