Carìssimi Difusori de Talian

 Vui farve na dimanda:
Adesso chel Talian lè recognossesto e registrà come “  Bem Cultural Imaterial” dea umanità, come dovemo rispetarlo e mantégnerlo?El di dei morti se fa na reflession, orassion, candele e ricordi dei nostri antenati che i sará nte nantra vita.Credemo che lori i deventa contenti e ringrassianti.E rispetarghe la  so maniera de parlar, el so
idioma podemo farlo tuti i di.

El nono  la nona; el pupà e la mama; i fradei pi veci i pol insegnarghe ai picoleti.
Go visto na mama insenarghe al fioleto, mostrandoghe el naso, i cavei, le rece, i mostaci...
.Gavemo tante maniere: Le bèstie domèsiiche: El beco, la galina, el vedel la piégora  e cosita avanti.El sol, la luna. Le stele,el arcobaleno,el di , la note...
In serte cità i fa le construsion someiante a quele dea Italia par ciamar i turisti, ma i ghe insegna el Italiano Ofissial.
Mi go paura che i ga el cuor in scarsela.
Noantri radialisti gavemo la possada e el formaio in  man.Basta far su le Màneghe, scominsiar pimpianeto, ma no  fermarse mai.
El professor Giovanni Meo Zilio, el Frei Rovilio, Claudio Dalla Colleta, Azir Beltran, Parenti e tanti altri Taliani i sara drio sciocar le man de tanto contenti.
Podemo anca far um filò al mese parlando solo el Talian.
El me e-mail lè: hotohonorio@yahoo.com.br
Se cate qualche cosa sbaliada podì dirme su che mi aceto.Se ve ocore un pìcolo curso de Talian dimandelo e ve lo mandarò par gnente
Ma, bisognarà farlo in Talian.Un strucon de man a tuti valtri.
Honorio Tonial