INGURIE MELONI

 

• Ingurie e meloni
  La risaia, el toco de terra ndoe pianteven el riso, el gavea pi umidità che i altri.
  Parche el riso par vegner bel e con bele spighe el ga bisogno de aqua abastansa, sinò i grani i resta bianchi e vodi.
• Ghenera arquante varietà ma el pupà ghe piasea piantar
  quei dei grani longhi.
• Tei ani che piovea polito ghenera riso a volontà, magari quando
  manchea la piova vegnia anca tempo de carestia.
  In meso la piantaion de riso pianteven anca le somense de ingùrie e meloni.
  Feven le buse e se le impienia co la boassa dele vache. Le piante le vegnia grande bele. I fruti li squerdeimo con erba parche el sol no le brusesse. Passà el tempo se scominsiea   a   sentir   el   udor   dei   meloni   maduri.   I   deventea   zaldi   e   le   ingùrie   se   le sciochea coi dei par sentir el suono che le fea. Quanto che gavemo magnà.
• Tante olte se le spachea contra i sassi e no dopereimo cortèli, pironi e ne possade par taiarle.
  Ndar ntea risaia a matina bonora someiea ndar ntel paradiso perche se sentia in aria el profumo dei meloni. Ghenera quei de color zaldo, bianco, neve, e rosa.
•  Le ingùrie, squasi tute,  le  zera   de   color  rosso   ma  ghenera  anca  de  color zaldo.  Pi  de  na  olta gavemo desmentegà  la  racomandassion de  che  lè meio   vansar  el  magnar do  che crepar la pansa. Però se fea de quele bele pissade par butar fora tuta quela aqua dele
  ingùrie e meloni che restea in tea pansa.