EL TERNO DE MULE.

EL TERNO DE MULE.

Là par el ano de 1934 mi go visto el primo Terno de Mule...Un careton tirà par oto bèstie che na persona la le comandéa, montada su na mula, dadrio, a la banda sanca del comando.
Co la “ ligera” i metea un caval o na ègua a la drita, davanti e anca nantro a la sanca, e con trè mussi in meso, ligai intrà de lori , tei comaci pieni de cadene tei ganci, fin al timon par tirar el carretón .
Pena dadrio, nantre trè mule, col caretero a caval dea prima ala sanca., co na scùria in man, el dirigia ste bestie .
Naldo Scariot, nostro visin, lè stato el primo a camprar un Terno.
El ga viaià a “José Bonifacio” che i ghe ciamea a Erechim, a quel tempo là e el ga compra na carga de carameli, na spèssie de sardelete de sùcaro de tuti i colori .
El li revendea ntele budeghe...
Ma, el se ga fermà a casa sua, al Pesseghero, par dormir e continuar el viaio el di drio.
De note, Artur Lavorati che lera birbante, el ga robà due casse de dolsi, el ghinà magna na spansada e dopo el ga sconto el resto te un buso de na pianta grossa de canela.
Dopo chel Naldo el ze partio, el ga ciapà na scàndola, el la ga inciodada ntea pianta e. con un toco de carbon, el ga scrito :”CANELA GUAICÀ ......DOLSI A LA VOLONTÀ...!
Noantri picinini, èrimo nò solo coriosi ma anca golosi... Gavemo impienio la pansa a le sgoelte e anca le scarsele.

Me son inacorto che adesso me go incarnà vivo a um tosatel de sei ani “Fin ai sei i è putèi; daí sessanta in sù, i diventa Adesso che ghinò belche compio novnta anoide età , son drio scríver a rispeto dea “Nova-Vecia Língua : El TALIAN..”