ORASSION TRADUSIDA PER ARY IDAL

PREGHIERA A LA MADONA DE MONTE BÉRICO
Santíssima Vérgine, Mama de Dio e me Madre, te ringrássio par la to aparission ntel Monte Bérico e te ringrássio par tute le cose che ti ne ghe dà a tuti quei che i te domanda. Maipì gnessun te ga fato la preghiera par gnente. Anca mi a ti ricoro e te prego par la Passion e Morte de Cristo Gesù e par tuto el tuo patimento: me aceta oh! Mama de pietà, soto el to velo, che ze el velo materno; dàgheme la particolar grássia che son drio domandarte... e me daga la protession fra tuti i mali e mássima del pecà che el ze pi grande mal.
Fassa, oh! Maria, mia Madre, che mi possa disfrutar dela to afetuosa protession ntela vita e incora pi ntela morte che ntel avenir mi possa vederla ntel ciel e ringrassiarte e benedirte par sempre. Amem.








ORASSION DE SAN FRANCESCO
Signor, fa de mi un strumento dela to pace!
Dove ghe ze ràbia, che mi porte el amor.
Dove ghe ze sisània, che mi porte la union.
Dove ghe ze ofesa, che mi porte el pardon.
Dove ghe ze dùbio, che mi porte la credensa.
Dove ghe ze sbàlio, che mi porte la verità.
Dove ghe ze desperassion, che mi porte la speransa.
Dove ghe ze la tristessa, che mi porte la legria.
Dove ghe ze le ténebre, che mi porte la luce.
Maestro, fa che mi no serche tanto
de esser consolà, quanto de consolar;
de esser inteso, quanto de capir;
de esser amà, quanto de amar.
po ze donando, che se riceve;
perdonando, che se ze perdonà;
sparindo, che se vive par la vita eterna!




ORASSION A SAN MICHELE ARCÁNGELO

Orassion del Papa Leon XIII fata ntela conclusion dela Santa Messa.

(par combater le insìdie del diàolo)

San Michele Arcángelo, daga a noantri protession ntela batália, che el vostro scudo sia sempre co noantri fra le cativèrie e le tràpole del diàolo. Noantri te domandemo con instistensa par ne difendar, che Dio lo domine e comande lu, prínssipe dela milìssia celeste, con el so divin poder mande via tel inferno sàtana e tuti i altri spíriti maligni che i ze par mondo drio sercando de perdar le ánime. Amen.









PUPÀ NOSTRO

Pupà nostro che ze in altessa
sia benedeta la to nominassion,
vegna a nantri to regno de bondansa
sìpia fata la to voia de Gran Paron,
tel ciel cofà qua in zo dela tera.
Daghe a nantri el pan de ogni zorno,
e daga perdon a tute le nostre mancanse
così come nantri perdonemo i opressori.
Ghe porte lontan le brute tentassione,
e che nantri sia lontan de tuto el male.
Amen.









SALMO 27 de Davi
El Signor ze el me lume e la mia salvassion, de chi gavrò sbìgola?
El Signor ze la fortificassion dela me vita,
de chi gavrò spavento?
Quando i malevolenti i camina fra mi
par slapar la me carne,
i ze questi, me rivali e némissi,
che i se scapussa e i va de rabalton.
Se in oposission a mi un esérssito me sfida, el me cuor non teme!
Se fra mi s-cioca na goera,
anca nte sto tempo a go fidussia.
Na roba mi domando al Signor,
ze questa che mi serco:
de drio star ntela casa del Signor
tuti i zorni dela me vita,
par gòdere la dolcessa del Signor
e amirar el so témpio.
Lu me ofre un posto de protession,
ntel zorno dela sventura.
Me imbusa ntel íntimo dela so moratura,
e me sleva sora un sasso.
E ora slevo la me testa insima
dei némissi che i me sirconda.
Imolarò ntela so abitassion
sacrificii de aclamassion.
Ini de legria vago drio cantar al Signor.
Scolta, Signor, la me ose.
Mi oso: gàbia pietà de mi, rispòndeme!
De ti me ga dito el me cuor: “I serche la me facia”;
La to ghigna, Signor, son drio sercar.
No sere mia el to viso.
Non alontana to servo co la to fumana,
ti te si el me socorso, non me asse,
non me sbandone, Sioredio dela me salvessa.
Me pupà e me mama i me ga sbandonà,
ma el Signor me ga ricevuo.
Segnálame, Signor, el to sentier!
Guídame par la viòtola drita,
par via dei mei némissi.
Non consègnami al desidério dei mei sfidanti;
fra mi i se inrabia i falsi testimónii
tirando el fià con violensa.
Son sicur de vardare la bontà del Signor
ntela tera dei vivi.
Spera ntel Signor, sìpia forte!
Rinforse el tuo cuor e speta ntel Signor.
Tradussion de Ary Vidal – Lapa - Pr