Roberto Giovanni dea Germania

Roberto Giovanni Zaniollo, de Ge
Caro amigo, nono Tonial!

Calche volta dire quéo
che se pensa
zé come impiantare ´n cortéo
so ´a pansa
de ´n amigo!

Cossa digo...
de un fradéo!...
So de éssare sta duro e no go scuse!
Calcuno diría...: ´l problema dea "direta"!

No scrivo bruta copia,
go sempre freta!
e quéo che go scrito lo riledo si e no ´na volta
a cacia de erori de ortografía...

Mama mía!
Che sempio!
Invesse de pensarghe sora mejio,
e desmentegarme de calcun altro che me ga fato incassare,
e che cussí me go assá influensare
par... amor de sinceritá,
che no sempre zé veritá!

Caro amigo, te áuguro ´na bona setimana
e che´l grupo co´ sani principi continua a créssare!

Amigo Tonial,
e amissi dea comunitá virtual
ASVIRMONTAVE,
AVE !!!

un abrasso col core

Roberto dáea Germania






Risposta :
Carìssimo Roberto dea Germania.
El me afetuoso saludo e auguri de salute.
Quando se riva ai 83 ani come mi, la salute la deventa la pi importante necessità .... Tuto laltro sarà un complemento dea vita.
Quando ricevo notìssie tue scomìnsio a pensar:
-Come zelo stata la maniera de noantri scomnsiar a comunicarse?- Come se gavemo conossesti?
Vedo come um miràcolo dea tecnologia.
Mantegno, bem vivo el momento de scominsiar la ASVIRMONTAVE che la gavarà come mentori e creatori:
Roberto Giovanni Zaniolo dea Itàlia, Roberto Giovanni Zaniolo dea Germania. Eduardo Montagner del Mexico e Honório Tonial del Brasil.
Questa la ze la semensa de na piantina che la se tornarà , seguramente, una sequoia de eterna vitalità.
Quà ntel Brasil la continuarà inserca dea realizassion de due propòsiti:
L´amicssia e el Talian chel sarà el Veneto parlà in la pi parte dei posti onde i abita i descendenti dei nostri imigranti vignisti dea Madre Italia.
Volemo dirghe a tuti i venetimondo che al Rio Grande do Sul el “GOVERNO GAUCHO” el ga riconossesto el Talian come Um “ BEM CULTURAL IMATERIAL” e chel por èsse insegnà ntele nostre scole.come na lìngua minoritària.
Um processo del Governo Federal el ze in tràmite par meso dea Università de Caxias do Sul col stesso propòsito de difusuon e riconocensa in tuto el Brasil.
La ASSAPRORATABRAS e adesso anca la ASSODITA, le continuarà divulgando el parlar dei nostri antenati...!
La ASVIRMONTAVE la gavarà la so virtual atività in tutoo el mondo, insieme con I VENETIMONDO..
Volemo manifestar el nostro omenaio al professor GIOVANNI MEO ZILLIO e al FREI ROVILIO COSTA che, dal Paradiso, i sarà drio benedir el nostro laoro, par lori scominsià..!
Acessando: USUARIO DISCUSSÃO TALIANETO, Blog do Talianeto e hotohonorio@yahoo.com.br gavaremo a la dispossission de tuti quei che i simpatisa con la talianità, i dondamenti par cognosser, imparar e divulgar el idioma Talian Veneto, grassiosamente.
El nostro movimento el camina con destino a la eternità virtual.
Um strucon de man a i Venetimondo.
Brasil, Erechim,Rio Grande do Sul, otobre de 2009-10-14
Honório Tonial
Ordenador Virtual .