DIVAGANDO

DIVAGANDO.
Honório Tonial

Osei che i desmissia i fruteri
Co na maviosa e bela sinfonia
Le piante sfregade par la ventania.,
Le sona na dolse malinconia
Che la ricorda i strambi misteri
Dopo dei insonii veri
Levando su, matina bonora
Ntea ora del spuntar dea aurora
Che la saluda i primi ragi del sol
Chel sparge alegro splendor
E se ghe dise adio a la luna,
A le stele e a la note bruna
Verdo la vecia finestra
Ma ai otanta, poco me resta
Mi, a vardar e sentir dei bei Fiori
El bon profumo e i bei colori
Me insegno, man giunte, vardo in sù
Ringrassiando al benedeto Gesù
Par el regalo de nantro di
Sperando sempre depì
Poder caressar la natura
Questa eterna creatura
Ma quando bisognarà partir
Tementi a Dio podemo dir:
“ Sia fata la vostra volontà”
Al destino de tuta la umanità,