PROSPETO

ASVIRMONTAVE
REGOLAMENTO VIRTUAL

CAPÌTOLO I
Dea denominassion, capital e sèdia.
Art. 1º – Deventa creada la Assossiassion Virtual Mondial del Talian Veneto. ASVIRMONTAVE
§ 1º - La entità la ga par finalità rissercar nove amicissie e recùperar la unificassion e el svolgimento dea língua dei dessendenti dei imigrani italiani nel mondo.
§ 2º - Questa língua la riceverà la designassion vocabular de TALIAN VENETO.
§ 3º - Ntel Brasil la ze ciamada solamente : TALIAN.
Art.2º- .La ASVIRMONTAVE no la gavarà beni o capital monetário.
§ 1° - La feramenta doperada par mantegner la entità in funsionamento la sarà la informática:: sites, blogs, e-mails e altri recursi tecnològichi
Art. 3º - La sua sèdia-riferensa la sarà la Biblioteca Cívica “MARIO DONADONI in Bovolone, Verona , Itália
§ 1º- I soci dea ASVIRMONTAVE i podarà participar del Concorso Letterario Internazionale in Lingua Veneta e altri concors e atività corelate .


CAPÌTOLO II

Rechisiti par la admission, demission e esclusion dei soci virtuai
Art. 4º Tuti i scritori e parlanti del Talian Veneto i pol partissipar dea ASVIRMONTAVE.
§ 1º - Na pìcola autobiografia del participante la servirà de inscrission de sócio.
§ 2º - I primi 100 ( cento ) partissipanti i sarà considerai SOCI FONDATORI.o ORDENadori.
§ 3° - Almanco na olta el mese el sócio el fará el suo registro de presensa, participando con notìssie, inviti, poesie, artícoli e altri.
Art. 5º I soci partissipanti i gavarà la libertà de demitirse a qualche tempo, sensa nessun comprometimento con la entità, bastando comunicar la decision a la ASSEMBLÈA.
Art. 6º - La Assemblèa virtual la sarà sempre in convocassion e la resulta dea partissipassion de tuti i Veneti nel Mondo assossiadi
§ 1º I soci che no i partissipa durante 3 ( tre) mesi consecutivi, sensa giustificativa expressa a la Assemblèa i sara considerai Esclusi..
§ 2° El socio escluso el podarà ritornar a qualche tempo e el sarà considerà reincluso,con tuti i diriti de ogni partissipanti.
Componenti dea Diretoria
Sarà denominà Ordenador el sócio chel ga scominsià el movimento dea ASVIRMONTAVE-VENETIMONDO
Ordenador Global : Honório Tonial hotohonorio@yhoo.com.br
Ordenador dea Itália:: Roberto Giovanni Zaniolo
Ordenador dea Germânia : : Robedrto Giovanni Zaniolo
Ordenador del México : : Eduardo Montagner
Ordenador del Brasil Ary Sebastião Vidal
Ordenador dea Argentina: Consuele Angerilli
Ordenador dei Stat Uniti Dirce Bortolotto.Garcia
Ordenador del Rio Grande do Sul : Edgar Maròstica
Ordenador de Santa Catarina : Odete Mingori
§ 3º ~La entitá la ga el impogno de “fondar” uma sèlula virtual in ogni paese, munissìpio, sità e, comune ndove podaremo catar persone com disposission del so aiuto par la amicìssia e el Talian Veneto.

CAPÌTOLO III

MODALITÀ DE PARTISSIPASSION:
Art. 7º Ogni partissipante poderá servirse de E-mail, Blog o altro veìcolo virtual de comunicassion.
§ 1º - Sará lìbera la manfestassion, sempre rispetando la ètica e la moralità.
§ 2º - Prosa, poesia, provèrbii e altre forme de espression e comunicassion le poderá esse tanto
individuae come coletive.

CAPÌTOLO IV

DISPOSISSION GENERALE:
Art..8º - Sarà question de onore e comprometimento de utilizare el idioma Talian Véneto ntea ASVIRMONTAVE.
§ 1º - Serán acete parole che le fòrma idiomatismi e neologismi specìfichi a ogni ponto geogràfico e altre spessificità linguìstiche acete per le comunità PARLANTE.
Art. 9 º Tuti i partissipanti i poderá dar sugestion par perfessionar le règole ora proposte.
§ único. La Assemblèa Virtual la sarà CONTINUAMENTE PRESENTE , composta de tuti i participanti che i gavarà el comun impegno de mantegner vivo el sac erossanto parlar dei nostri antenati.
Art... 10 º - El Ordenador el poderá formar la sua Diretoria con tuta la libertà a rispeto del nùmero de membri. e a altre inissiative.
Art.11º -La organisasson provisòria dea ASVIRMONTAVE-VENETIMONDO la sarà divulgada par el Blog do Talianeto, Boletino dei Ordenadori e blog dea enttà.
Art. 12º~Qualche dùbio o sugestion la sarà fata par el indirisso: hotohonorio@yahoo.com.br




Erechim , desembre de 2008-12-18 Honório Tonial Ordenador global
Professor Pensionà e scritor del Talian Veneto
Postado por Honório Tonial às 12:24 0 comentários