STORICO - ASVIRMONTAVE

STÒRICO DEA ASVIRMONTAVE.

Um bel di de primavera me go metesto a navegar ntea internet e gò digità questo anùnsio.:
“Se te cognossi el Talian contata con hotohonorio@yahoo.com.br
La me adrenalina la ze deventada come quela de un tozatel de diese ani.quando go riceveso i primi Email , due di pi tardi.
- Che emosssion par mi che son nassesto ai 28 de marso de 1926..!

( da la drita a la sanca)
Eduardo Montagner del Mexico
Roberto Giovanni Zaniolo dea Itália
Roberto Giovanni Zaniollo dea Germania
Honório Tonial del Brasil
Tuti lori col stesso propòsito: Voler far amicìssia e rincurar e difonder el Talian, ciamà così, coà ntel Brasil e Talian Veneto par el mondo intiero.
Sùito nasse un dùbio: Due persone col medèsimo nome?
Alora lori i spiega che no i ze gnanca parenti ma ntele so vene el sangue el pulsa in Talian Veneto..
Nte sto momento me son ricordà de (+)Giovanni Meo Zilio e de (+) Rovilio Costa.
Go acompanhà el primo, ntele risserche a rispeto del Talian, ntea nostra region taliana del Rio Grande do Sol e in Cascavel, stato del Paranà.
Sto ùltimo, un vero apòstolo del Talian, el ga mandà scriver, con letra de rame, nte na targa queste parole:
OMENAIO
HONÓRIO TONIAL
PER MANTEGNER VIVA LA NOSTRA LÌNGUA EL TALIAN
HONORIO EL SE GA FATO LA BIBLIA VIVA DELA NOSTRA
CULTURA TALIAN. (ROVILIO COSTA)
No la sarà lode, ma un incàrico, na responsabilità, squasi na sentensa.
Come meritarla e mantégnerla?
E gò riceveso na inspirassion che non sò da ndove la sia vignistaa e chi la gavarà mandada......
- Fondemo na entità virtual che camine el mondo.?!
Alora gavemo fondà la ASVIRMONAVE – Assossiassion Virtual Mondial de Talian Véneto
.La pi democràtica socetà virtual del mondo, sensa paroni, onde tuti i ga i stessi doveri e diriti, sensa nessun contributo material.
Solamente la AMICÌSSIA e la LÌNGUA TALIAN VENETO le sará el so scopo.
Quelo chel ze virtual nol ga nessuna sèdia parché el spìrito el caminarà anca al infinito.
Basta mantégner vivo el parlar dei nostri antenati, con le so adatassion che la globalizassion la òbriga e obedir el Comandamento dea Lege de Dio..”Amar el pròssimo come a si stesso…”
Fin a questo momento gavemo de pì de duzento participanti dei quatro paesi nominai sora e con la adesión de altri soci :
Dea Argentina Con la cordenassion de Consuelo Angerilli
Estados Unidos : Ordendora; Dirce Bortolloto Garcia
Nicaràgua : Suora Lia Margarotto
Canadá, e Francia, In organizassion.
Del Brasil gavemo belche el Ordenador de tuto el paese, el radialista, poeta e scritor: Ary Sebastião Vidal dea sità de Lapa , Paranà chel comanda anca el programa ‘SAPOR E d´ITÁLIA, ntea Radio Legendaria AM , tute le doméneghe dale 10,40 a le 11,40 ore, oràrio del Brasil.
Edgar Maròstica, dea Ràdio Comunitària de Veranópolis, serimoniante de eventi Taliani, ator e locutor el comanda el stato del Rio Grande do Sul
La Odete Mingori, la dirige la ASVIRMONTAVE ntel stato de Santa Catarina.
Luiz Radaeli, dea comunità de Lageado-RS
Roberto Giovanni Zaniolo, dea Germania el me gà mandà el indirisso eletrònico dei Talani Veneti del Canadà e dea Francia.
Diverse comune ( município) le ze drio struturar la so organizassion.chye i gavemo invitai par far parte dea nostra entità .
.
Pimpianeto e con el aiuto de tanti, volemo contatar con persone de tuto el mondo onde i abita i dessendenti dei nostri primi imigranti Taliani.

La entità no la gà preonceti de qualsiassi qualità.








A S V I R M O N T A V E
Honório Tonial

Se ben che virtual, a sta careta
Ghe ocore un bel e bon timon
Par no cascar ntea sargeta
E mantegher bona diression.

Par questo, volemo stabilir
In ogni paese un representante
Che seanca el sia distante
El possa sempre, ben dirigir.





Ne incoi e gnanca doman
No ocore tanto laorar
Basta , na volta al mese
Anca sensa far spese
Solamente participar
El Talian Veneto registrar






La ASVIRMONTAVE.....
La pol esser la prima
Del mondo virtual
Che in prosa o in rima
Sarà na vera nave
Del Talianvéneto el segnal.
Singrando el mar inteletual

Col gran aiuto de tanti
Bravi e cari participante
El passà dei nostri genitori
Dei so insonii e sudori
Savaremo sempre rincurar
Saludarli e ringrassiar.



=.=.=.=.=.=.=.=.=.=.=.=.=.=.=.=.=.=.=.=.=.=.=.=.=


Ndemo avanti, no stemo fermarse
Ghe ze sempre qualcosa de far
Saludemo i novi participanti
Tanto alegri e speranti
Incoi, adesso, e anca diman.
Con el so contributo
Salvar el Veneto Talian.
Pima de tuto..!