MODERNITÀ

MODERNITÀ
Honório Tonial.


Na prótese ntea gamba sanca
Passai diese ani de atività
La zé deventada stanca
E bruti dolori i gà scominsià...

El dotor trumatologista
Via , corendo a consultar
El me dà la sentensa trista:
La to prótese bisogna trucar

Ma, ai otanta ani de età...
Con magagne fin tel cuor.
No ghe sarà altra possibilità
De calmar sto bruto dolor?

Gò proa con na moleta,
Pimpianeto caminar.
Par calmante, na “boleta”
E par sta vita avanti menar.

Saria meio un “ andador”
Par darte un grando riforso..!
Me gà racomandà el dotor
Sensa fare un grando sforso.

E, adesso la modernità ;
Quatro gambe al stesso tempo
Par móverse a la volontà.
Sensa gnanca un sofrimento.