GIANRANCO SINICO

Capodanno 2012


A tuti i Amissi, de qua e de là del Mar,
nessun regalo da discartar,
ma on forte strucon e on augurio sincero
par on Ano ch’el sia Novo dal vero!
Eco zé qua ‘sto novo ano:
sensa malissia e sensa ingano
tanti auguri a tuti e a tute,
a scominsiar da ‘na bona salute.
E par ogni stimana
mostarda mantovana,
ogni giorno a mezzodì
on liègore in salmì.
Ala sera ‘na grande polenta
che tuti gàpia ‘na siera contenta.
On bel capon par Natale,
colori e festa a Carnevale.
Uvi a Pasqua col salado
insieme a tuto el parentado,
‘na porchéta a fin de ano,
a la Befana on bon fagiano.
Formento sano su in granaro,
in fondo ala corte on gran punaro,
on giardin co’ tante rose,
da portare a mille tose.
E in caneva senpre ghe sia
vin da bevere in compagnia,
de quel bon, moro o bianco,
par brindare con Gianfranco.

Cristiana, Marco, Franca, Gianfranco
e Milù