Par sgandir el nostro talian va questo picolo brano. Saver quel che gavemo passà ze importante par ciapar el giustro trodo tel ano che arriva.
Salute e bone feste.
Att.
Luiz A. Radaelli
Co fenisse nantro ano
Ricordo tut el tempo passà. Quanta dificoltà. La mama, poareta, con oto fioi, farghe da magnar a tutti, far dressa par i capéi, far el pan, pestar riso tel pilon, farghe le braghe e camise ai tosati, le còtole a le tose, far la polenta, lavar le robe tel rioto ntel lavél o i piati tel secier... El pupà a copar i porchi, far i salami e ossacòi, trar zo e brusar scapoera par piantar formento, mìlio e fazoi, arar e sapar erbe, o ndar al molin col mul.
In colònia se ndea dormer pena dopo scurir, come le galine. No ghe zera luce e nemeno television. Sol el ciareto a petrólio. El paion el zera pien de scartossi, i bisogni se li fea fora par le scapoere, o tel bocal sconto soto el leto. El di de Nadal tuti in cesa par ringrassiar al Bambin per i dolsi de pasta col sucro che’l gavea portà. Dopo el Nadal se spetea la cambiansa del ano e la visita dei Ré. Passade ste feste vegnia el tempo de vendémia. Ua maúra e vin dolso zera segnal de braghe in man. Ncoi, tanta libertá che par arquanti bisognaria doperar la scúria.
Luiz A. Radaelli – Lajeado - RS
Nenhum comentário:
Postar um comentário
Gostaria de receber comentários referentes aos ssuntos expressos no Blog do Talianeto