Bona sera.
È da tanto che conosco el vostro nome e ghen'o avuto la fortuna da studiare una s'cianta del dialeto dei me vèci (Amabile e Luigi Coppini) 'ntei vostri bei libri (Adesso Imparemo, Carissimi ascoltadori,ecc.).
Mi, come a gò lesesto tanti ani indrio 'ntel Correio Riograndense (a son abonato del giornale) son un talian "carijó": dala parte dala mama, bisnona taliana, nata in Argentina, dopo che Amabile e Luigi i gà lascià l'Italia,nona brasiliana, nono "caipira" e bisnoni portoghesi dala parte del me pupà .
E cosi menemo avanti la vita.
Un scritore gaucho (non son bon da ricordar el so nome) el ga deto : " se deve dire che i veneti e i so dissendenti i xè ben misturà su. Ma el brodo l'è vegnesto fora bon !"
A son maridà con una figlia de veneto (alpino, che el gà fato la guerra 'ntela frontiera fra Italia e Francia, el me secondo pupà) e ghen'o do fioi, belche slevà, medico el toso, Stefano e la tosa , Giovanna, l'è drio finire la scuola di Medicina anca ela. A ringrassio Dio Signore che me gà dato la fameja bela e sana ( e una dona con un saco de passiensia !).
A son andà zò al Rio Grande arquante volte e a ghen'ò sentio, comosso, la bela lengoa dei me vèci ancora viva e forte, grassie a tanti come vu, professore Honorio.
Continuo a portare avante l'orgoglio dele me origine e a cercar da imparar ogni giorno qualcossa del talian. Como la me dona la gà fameja in Italia,'ntel Veneto, qualche volte posso parlar in talian con le zie e con i zii. A lori questo ghe piase un grantanto!
El zio Albano el me gà deto: " ti a te pare un contadin,como el me pupà, parlando queste bele parole da sti ani. A te si un veneto nato e spuà !".
Aspeto da non aver fato massa sbagli 'nte queste righe e ve saludo dal cor, con auguri de un felice 2012.
Come i dice quei dela "Massolin de Fiori - Società Taliana" da Porto Alegro: Mi son talian, grassie a Dio.
Un strucon, con tanto rispeto, professore !
A risentirse
Benê (dissendente dei vèci Coppini)
Prof. Dr. José Benedito Dias Lemos
Disciplina de Traumatologia Maxilo Facial
Depto. de Cirurgia, Prótese e Traumatologia Maxilo-Faciais
Universidade de São Paulo - Faculdade de Odontologia
Av. Prof. Lineu Prestes, 2227 - Cidade Universitária -
Piso Térreo - Sala 14
CEP 05508-900 São Paulo (SP) - Brasil
Fone: 55 11 3091-7887
Fax: 55 11 3091-7878
Nenhum comentário:
Postar um comentário
Gostaria de receber comentários referentes aos ssuntos expressos no Blog do Talianeto