SENSA FAR DIFARÈNSE
Vorìa on Nadale bianco
co fa l'ànema de on bocia,
farfàe de neve
che zolando le se ingnara
rento de i scùrtoli
de monte inprofumà.
Vorìa che 'a cativeria
chel dì 'a se inpisocàsse
e che, strache de 'ndar torno
le scarpìe del dolore
par senpre 'e se sfantasse.
Vorìa che 'a tera
deventasse na Capana,
gnaro par ti e par mi,
sensa far difarènse
e che i colori de la pele
no i servisse a altro
che a inpiturar de novo
l'arcobaleno de la vita.
S. Nadale 2010
Ines Scarparolo
Nenhum comentário:
Postar um comentário
Gostaria de receber comentários referentes aos ssuntos expressos no Blog do Talianeto