PAR LA POSTERITÀ

PAR   LA    POSTERITÀ

Honório Tonial

Talian lè um nome registrà

A  ricordar el nostro imigrante

Lè  vignisto da cosi  distante

I  lo ga portà squasi  solo parlante

Adesso na vera lìngua lo marcarà

Nassendo dea moderna necessità.

Parché lori i gavea anca  poca cultura

A imparar solo  la sémplice strutura.

Tanto distante restea el insegno,

Reservà ai citadini,  sto impegno.

I contadini laorando tuti a fito,

Mai pi i gavaria pagà  sto dirito.

Orgolio dei studianti seminaristi

Ntel seminario  anca dei maristi

Imparando el vangelo e le orassion

Ocorea pareciarse par la so  vocassion

Cosita, la vita del moderno mondo

Un vencitor pien del saver profondo

La  lìngua e la so gigante  cultura

Tante oportunità de ogni creatura

Un novìssimo e oportuno sentimento,

Responsibilità a partir de sto momento.

A  tuti quei che  sà e ama el TALIAN

Le màneghe...  E nò assar par diman!

I noni e le none, la mama e anca  el pupà

Maestri de trè parole al di i insegnarà.

A tuti quanti che parla sto bel idioma

E insegnarlo ai tosatei, che cosa bona.

Reunimo  la promessa de insegnar

Insieme col omenaio  che dovemo far

Alora podemo spetar co  un scioca-man ,

La perenità solene del nostro TALIAN!!!