PROPOSISSION

PROPOSISSION

Ai me novanta ani, compidi al vintioto de marso, ghe penso sora al nostro Talian.
Dopo che el “ladro”Paulo José Massolini el ga assassinà la ASSAPORATABRAS,
mi credea che la so nova entità la salvasse el nostro parlar, registrà come la prima
Lìgua ofissial ntel IPHAN-MEC e son restà apié!
Adesso che gavemo la facilità de comunicassion traverso el computador, mi vedo che poco se lo vede scrito, sto TALIAN
Dopo de due “cancri” in boca e tratamento de ràdio-terapia , sensa denti, e sensa sentir el gusto de magnar, ringrassio a Dio par esser vivo e aceto la malatia che la podarà iutarme a pagar i me pecati.
Me penso che el nostro Frei Rovilio el disea che i veri Taliani i podaria insegnar TRÈ parole al di par spandirlo e recordarlo.
La me proposission la è che se scrivèssimo almanco na riga par stimana ntel “Faceboch” e che metéssimo el nostro nome sempre, cada um, nò par farse veder, ma par servir de esémpio e de stìmolo.
Se gavè qualche stòria podarè mandarmela e mi la traduso e la publico ntel Blog do Talianeto.
El inverno e el fredo de sto ano no i podarà sfredar el nostro cuor
Varia caro che me mandassi dir se gavé ricevesto questa idea e se gavi altre sugestion, mandémelo e mi la publicarò.
Ve desìdero salute e prosperità insieme con i vostri cari.

Erechim, Luio de 2016
Honorio Tonial