Cari amissi.

Cari amissi.
Scoasi tuti di, co ledo quel che riva ntea miescatola postale vedo che si sempre a ciacolar con tanta zente che gò ciapà coraio e me son messo a scriver do trè righe, de quel che gò visto sti ultimi dì, quando son stà a le spiage.




Tel mare



Co`l gusto de sale le onde del mare le ga el afar de ndar e vegner par alegressa dei zovani e dei bambini, che i se bagna co na voia mai vista tra i veci. Le olte l`áqua ze ciara, altre torbida, ma che no la ze bona de spantar via dai bambini la idea de ndar bagnarse. La sàbia moia dassa caminar sensa gnente tei pie, che`l da par sentir l`’aqua sbrissiar soto i pie e i bisseti rosegar i calcagni. Par aria sufia el vento e i oséi i vola.

Butadi tea sábia se ghen vede tanta gente. Ghené de quei che sta co la pansa in zo e altri co la facia in su e altri, rossi come i gamberi. Intanto che i omeni i beve bira, le done, sol de braghete, onte e stirade su la sábia, le sta arquante ore tel sole, come a bevere i ragi de sole che le fa diventar scoasi nere. Se vede tante done bele che le podaria esser anca regine e che le dassa i óci de ómeni contenti che mai, robe de diventar mati. Me go nicorto che se fussa gaver el dono den miracolo de far tornar a la vita le nostre none e bisnone e portarle a le spiage, le gavaria de morrir de colpo sol de veder tante done nude, dassando veder le gambe, le culate, la pansa e le tetine. Saria l`inferno tea terra. Ma tra tante candidate a regina che se vede bisogno dir che no gó visto qua, ne la regina de le ave e nemeno quela dele formighe.




Così dasso n strucon a tuti quanti i laora par la mantenessa del nostro talian.

Una bona stimana, piena de salute e alegressa.

Luiz