Sinalizar esta mensagemRe:Giusto o sbalià ?Segunda-feira, 9 de Fevereiro de 2009 17:06
De: "lossluzzatto" Exibir informações de contato Para: "hotohonorio" Ciao, Honòrio, Mantiente in gamba, caro. Ntela poesia, mi parlo come se fusse la nostra léngua; la ze ela che, se no femo gnente, la more, nò noantri, parché noantri no podemo morir adesso, dà che gavemo tanto ancora de far, mia vera? Sora la denominassion dela nostra léngua madre, mi ghe ciamo solche talian, e te spiego parché. Nte'n incontro che gavemo fato a Portalegro, ancora ntel 1987, par tratar dela ortografia del nostro parlar, presenti Rovìlio, Posenato e vàrii altri, mi difendeva la denominassion Vèneto brasilian, intanto che Rovìlio e Posenato i diseva che gavaria de esser talian. Gavemo assà la discussion in suspenso, come se dise in brasilian, par ritornar pi tardi. Alora gh'è sucesso a Faropìlia, pochi di dopo, un incontro sora le pi importanti culture del Rio Grande -- brasiliana (gaùssa), tedesca e ìtalo-brasiliana. Co seri drio ndar dentro ntel saloto dela conferensa go catà na vecieta, sentada nte na carega, pena dentro ntela porta, che la speteva un prete, che no me ricordo che nome che'l gaveva. Alora, par saver chi che gaveva rason -- mi o Rovìlio e Posenato --, ghe go domandà: - Me capio, nona, se ve parlo in vèneto? Ela la me ga vardà co i òcii come se la me domandesse scuse, e la me ga dito: - Nò, caro, sol se me parlé in talian! E, come i dise che la vose del pòvolo la ze la vose de Dio, co son ritornà a Portalegro ghe go telefonà a Rovìlio e a Posenato e ghe go dito: - Gavé reson valtri, ghe ciamaremo talian. La nostra gente, fora par le colònie, no la sà gnanca cossa che vol dir vèneto! E, de lora in avanti, ghe go sempre ciamà de talian a la nostra léngua vernàcola, e anca par diferensiarla del italiano, che la ze la léngua ofissial d'Itàlia. Me gonti fato intender? Salute, caro. Tien saldo! Salùdeme i toi. Un abrasso, Darcy.