Boletino

: amissi-mondo-veneto@hotmail.it
To: abidjan@istitutopalazzolo.it; abtemgoua@yahoo.fr; silvanozoccarato@yahoo.fr; comunidadepisf@yahoo.com.br; cuammmaquela@yahoo.it; dalcorso@sat.signis.net; ermanna_52@yahoo.it; escoladp@ebonet.net; escolppl@snet.co.ao
Subject:
Date: Sun, 10 May 2009 19:35:12 +0000

Cari amissi missionari veneti in Angola, ciaaaaaaaaaaaaaaaaaoooooooooooooooo!!!!!!!!!!!!!!!!!!!

La Luci nel Mondo onlus de Verona
ga publicá col patrocinio dea Región Veneto
un volumeto co tuti li indirisi, se spera,
dei quasi 3500 missionari veneti sparsi pal mondo.

Ze par questo motivo che ve scrivo stassera, festa dea mamma,
par dirve che ghe ze tanti altri veneti sparsi pal mondo,
che, anca se no i ze missionari: i ve pensa, i se ricorda de vialtri e pí che tuto: i prega par vialtri!

Anca se "amissimondoveneto" semo sóeo una comunitá cussí deta "virtuae"
credíme!
che tuti ze vostri amissi!

Amissi dei veneti sparsi pal mondo,
amissi dei so compatrioti missionari che i compie ´na cussí alta missión in terre lontane
che ga risposto generosamente áea ciamada de Dio!

Come grupo semo nati spontaneamente fra zente de bona voeontá
e mejio sentimenti!

Ogni dí che passa... ghe ze novi amissimondoveneto che voe zontarse al nostro grupo!

Questo ze sta ´n incorajiamento a contiuar a sercare i nostri emigranti senza diferensa,
par dirghe che ghe semo sempre vissini, e, a l´ocorenza,
anca disponíbii a éssare útii!

Co ´a publicassión de sto indirissario...
no podéimo pérdare l´ocasión par tirar basso anca i vostri... che no sí mia propio de manco!

´L laoro de coparli l´é duro e longo...
cussí ghemo scuminssiá pal primo paese in ordine alfabetico.

Seitaremo dopo in ordine... man man che riussimo a scrívarne ´na lista.

Imaginemo che si pieni de laoro nee vostre case, nee vostre parochie, nee vostre mission...
Pensemo anca che ´l tempo líbaro che gaví sará gran poco,
cussí che no voemo portarve via che´l poco che ve resta!
Ma saví che ghe ze un grupo de amissimondoveneto sparsi pal mondo
che prega anca par vialtri, e parche´l Signore mande sempre novi e boni operai pa ´e so missión.

Altri, invesse, i ze bisognosi dee nostre preghiere, dea "comunion dei santi"
par continuar a star in píe co ´a Fede!
cussí,
se calche olta gaví caro fare un pensierin reigioso ai amissimondoveneto intorno ´l mondo...:
podí mandar calcossa a sto indirisso, che da qua... ghe femo fare ´l giro del globo!

Pin pianeo ve nancorzerí de chi che semo..., brai tosati!
parché scuminsiaremo a mandarve a posta comune che gira tra niantri... sensa segreti!

Serchemo anca de usare ´a nostra cara lingua veneta
par tegner pí streto ´l legame che unisse i nostri ricordi, e nostre tradissión, a reigión, a mare patria!

Anca se ´l Consilio Vaticano II, co ´a LUMEN GENTIUM, me pare!,
ze sta fato da tanto tempo...:
mai come desso ghemo da usare ´a tecnología par difóndare ´l Vangeo,
a Bona Novea, ´na bona paróea coi mezi sempre pí avanzati che gavemo.

Col core in man,
e ´na preghiera a fior de ávari
ve saeudémo prometéndove de no desmentegarve
e de far savere al mondo... che ghe sí anca vialtri.

A nome de tuti i amissimondoveneto:
Z