PROSPETO

PROSPETO DE FUNDASSION DE ENTITÀ VIRTUAL


GIUSTIFICATIVA:

La informática, sto vero miràcolo e par mi un gran mistero, la permete na oportunità de creare um coligamento virtual dea grandessa che se vol.
Sémplice instatània la pol girar el mondo intiero in pochi secondi.
Par intermeso dea Internet podemo risgatar el passà, registrar el presente e progetar el futuro.
Ricevo la inspirassion al pensar in due persone:
El onorévole pofessor Giovanni Meo Zílio ( in memória), par mi cognossesto quando de le sue risserche ntele diverse comunità onde abìtano i descendenti dei nostri imigranti – la maioransa Veneti, a Erechim, Gaurama, Viadutos, Marcelino Ramos ntel Rio Grande do Sul e Cascavel nel Stato del Paraná, Brasil.
Um vero passionà par la tutela del nostro Talian Veneto.
Rovilio Costa el zé un frate capucino, de star a Porto Alegre, capital del Rio Grande do Sul, professor dea Università Federal del Rio Grande do Sul (UFRGS), membro dea Academia Riograndense de Letras, scritor, giornalista, editor e diversi alti gradi de impegno.
El ga scrito nte na targa, par mi ricevesta nte un incontro dei radialisti del Talian Veneto del Brasil, queste parole:- “Honório Tonial el se ga fato la biblia viva del nostro talian”
Na lode o na sentença? Come meritàrla e mantégnerla :?
Ai 83 ani de età son drio viver, laorar, respirar, insoniar e anca pregar Talian Veneto..
E in culminansa del me ogetivo desìdero fondar na entità che adesso propongo,
Con el aiuto de tuti i Veneti del Mondo salvaremo el Talian Veneto..!


. ASVIRMONTAVE
REGOLAMENTO

CAPÌTOLO I
Dea denominassion, capital e sèdia.
Art. 1º – Deventa creada la Assossiassion Virtual Mondial del Talian Veneto. ASVIRMONTAVE
§ 1º - La entità la ga par finalità el recùpero, el registro, la atualizassion e el svolgimento dea língua dei descendenti dei imigrani italian nel mondo.
§ 2º - Questa língua la riceverà la designassion vocabular de TALIAN VENETO.
Art.2º- .La ASVIRMONTAVE no la gavarà beni o capital monetário.
§ 1° - La feramenta doperada par mantegner la entità in funsionamento la sarà la informática:: sites, blogs, e-mails e altri recursi tecnològichi
Art. 3º - La sua sèdia-riferensa la sarà la Biblioteca Cívica “MARIO DONADONI in Bovolone, Verona , Itália
§ 1º- I soci dea ASVIRMONTAVE i podarà participar del Concorso Letterario Internazionale in Lingua Veneta, anualmente.


CAPÌTOLO II

Requisiti par la amission, demission e esclusion dei soci virtuai
Art. 4º Tuti i scritori e parlanti del Talian Veneto i pol partissipar dea ASVIRMONTAVE.
§ 1º - Na pìcola autobiografia del participante la servirà de inscrission de sócio.
§ 2º - I primi 100 ( cento ) partissipanti i sarà considerai SOCI FONDATORI.
§ 3° - Almanco na olta el mese el sócio el fará el suo registro de presensa, participando con notìssie, inviti, poesie, artícoli e altri.
Art. 5º I soci partissipanti i gavarà la libertà de demitirse a qualche tempo, sensa nessun comprometimento con la entità, bastando comunicar la decision a la ASSEMBLÈA.
Art. 6º - La Assemblèa irtual la sara sempre in convocassion e la rsulta dea partissipassion de tuti i Veneti nel Mondo assossiadi.
§ 1º I soci che no i partissipa durante 3 ( tre) mesi consecutivi, sensa giustificativa expressa a la Assemblèa i sara considerai Esclusi..
§ 2° El socio escluso el podarà ritornar a qualche tempo e el sarà considerà reincluso,con tuti i diriti de ogni partissipanti.
Componenti de iretoria
Sarà denominà Mentor el sócio chel ga scominsià el movimento dei Veneti nel Mondo
Mentor dea Itália:: Roberto Giovanni Zaniolo
Mentor dea Germânia : : Robedrto Giovanni Zaniolo
Mentor del México : : Esuardo Montagner
Mentor del Brasil : : Honório Tonial
.
CAPÌTOLO III
MODALITÀ DE PARTISSIPASSION:
Art. 7º Ogni partissipante poderá servirse de E-mail, Blog o altro veìcolo virtual de comunicassion.
§ 1º - Será libera la manfestassion, sempre rispetando la ètica e la moralità.
§ 2º - Prosa, poesia, provèrbii e altre forme de espression e comunicassion le poderá esser utilisade. Tanto individuae come coletive.

CAPÌTOLO IV
DISPOSISSION GENERALE:
Art..8º - Sarà question de onore e comprometimento de utilizare el idioma Talian Véneto ntea ASVIRMONTAVE.
§ 1º - Serán acete parole che le fòrma idiomatismi e neologismi specìfichi a ogni ponto geogràfico e altre spessificità linguìstiche acete per le comunità PARLANTE.
Art. 9 º Tuti i partissipanti i poderá dar sugestion par perfessionar le règole ora proposte.
§ único. La Assemblèa Virtual la sarà CONTINUAMENTE PRESENTE , composta de tuti i participanti che i gavarà el comun impegno de mantegner vivo el sac erossanto parlar dei nostri antenati.
Art... 10 º - El Mentor el poderá formar la sua Diretoria con tuta la libertà a rispeto del nùmero de membri.
§ º 1 º - In ogni paese, , dovrà esistir el Mentor e el Divulgador o Presidenre chel pol esser anca la stessa perona del Mentor, o nantra.
§ 2 º - El Divulgador o Presidente el comandarà le publicassion participative traverso E-mail, blog o altro instrumento de comunicassion.


Erechim , desembre de 2008-12-18 Honório Tonial
Professor Pensionà e scritor del Talian Veneto
Postado por Honório Tonial às 12:24 0 comentários