ERMILO ZANATTA - CASCAVEL

Bona sera, cari amighi e amighe!...

Ancoi, 16.12.2014, pì o meno ale 10:30, dopo un calvário de trè ani e meso, zé partio par l’eternità un grande amigo, pupà, mario, fradel, de ‘na sbrancada de gente: Ênore Savoldi.

Che Gesù Bambin lo mencione davanti Dio, parché, nela so misericórdia, lo riceva trà i eleti.

Fea parte del nostro Programa Itàlia del Mio Cuore e del Grupo Filò – del 1998 fin adesso;

Nte’l Filò lu l’era el sonador dela fisarmónica, frinfrogna o gaita. Quando se se catea par pareciar le mùsiche, a casa soa, el volea sempre sonarghene almanco nantra. La ùltima, par fenir.

Nte’l Programa Itàlia del Mio Cuore, ghe piasea tanto contar stòrie, busie e così via. Quante volte el ne fea rìder.

Credo che Dio, savendo che i sonadori e quei che i fà rìder i zé ciari come le mosche bianche, lo ga ciamà par ndar in cielo.

Ênore Savoldi? Ndé con Dio e vardé in zó che noantri gavemo ‘na strada ancora par far.

Mi, Nichetti, Richetti, Sostizzo, Luzzi volemo ringrassiarve par gaver passà tanti momenti bèi insieme vostra fameia: nono Ênore, nona Lourdes, Sérgio, Simone, Ana Paula, Isadora e Pietra e Géneri.

Gavemo belche rimpianto...

Ndé con Dio...

Tante gràssie...

Ermilo Zanatta e Fameia

• 3 Anex