INSEGNAR TALIAN

INSEGNAR    EL   TALIAN

Honorio Tonial

Par parte de Eva e de Adamo,

Fradei  o sorele, mi ve ciamo.

 El nostro TALIAN lè  renassesto,

Par cresser o morir, el farà presto.

Ma, a la  nostra mama e el pupà

El Talian Frei  Rovilio el ga racomandà:

“ Trè parole: Matina, sera e al mesodì,

No ghe ocore mia pròpio tanto depì”

Le nostre tanto care e brave none

Co le so stòrie  tanto bele e bone.

I nostri bravi locutori del Talian,

Chel so bon programa el và  lontan

Ai scritori, ai poeta, ai storiadori,

Nostri tanto importanti redatori

Ai Taliani dei teatri e  ben culturai,

Ai membri dei  incontri de corai,

Ntele feste , sagre e anca reunion.

Sarà  ora de nantra solene orassion.

El nostro TALIAN lè de tutiquanti

 Umani, de Dio, dei àngeli, dei santi.

Quei che vol deventar i so paroni;

I sarà gran puntiliosi o pori coioni!